fríggjadagur 7. januar 2005síða 7

Nr. 4 - 7. januar 2005 7 Í fjør tók Havsbrún í Fuglafirði ímóti tilsamans 334.000 tonsum av fiski, sum er størsta nøgdin hjá virkinum nakrantíð FISKIVINNA Vilmund Jacobsen vilmund@sosialurin.fo Bergur Poulsen, stjóri á Havsbrún í Fuglafirði, sig- ur, at virkið í fjør tók ímóti størstu nøgdunum av fiski nakrantíð. – Í fjør keyptu vit nevni- liga tilsamans 334.000 tons av fiski, sum er nøkur hundrað tons fleiri enn árið fyri. Hann væntar, at tað fara at ganga einar tvær vikur, áðrenn verulig gongd kem- ur á aftur framleiðsluna í ár. Skipini liggja – Fyrstu dagarnir í januar eru ein deydlig tíð, og haraftrat hevur veðrið verið so vánaligt og óstøðugt. Skipini liggja í løtuni, men tey flestu fara væntandi út- aftur, sum dagarnir ganga. Stjórin vísir á, at Krún- borg og Høgaberg, sum komu inn fyri jól, liggja á Fuglafirði og rigga til. Tróndur í Gøtu liggur á Runavík, har teir gera okk- urt við skipið, og Christian í Grótinum liggur í Klaks- vík, har teir gera okkurt við motorin. – Jupiter er í Póllandi, har hann verður longdur, og Finnur Fríði er í Noregi til eftirlit. Bergur heldur, at Jeanne liggur á Skála. Lodnuveiða Stjórin á Havsbrún væntar, at flestu skipini fara á lodnuveiði í íslendskum sjógvi, tá ið tey fara útaftur. – Íslendingar hava verið bekymraðir um lodnu- stovnin – og um, hvussu hesin er fyri. Teir hava leitað, og sum eg havi skilt, hava teir umsíðir eisini borið við lodnu. Bergur Poulsen sigur, at føroysku nótaskipini plaga at vera á lodnuveiði í byrjanini av árinum, og tá ið ein tíð er fráliðin, plaga tey eisini at fara á svart- kjaftaveiði – alt eftir, hvat nú einaferð loysir seg best hjá skipunum. Hvat merkir tað fyri eitt virkið ella arbeiðspláss annars, at fyritøkan aftur- vendandi er frammi í fjølmiðlunum sum hon, ið møguliga ella væntandi verður seld? ÓRÓGV Vilmund Jacobsen vilmund@sosialurin.fo Javnan hoyra vit politikarar siga, at Føroya Banki skal privatiserast, og at Føroya Fiskavirking skal seljast. Tórshavnar Skipasmiðja er seld, Eimskip hevur keypt Skipafelag Føroya, og Tórshavnar Skipa- smiðja, sum áður hevur keypt Skála Skipasmiðju, hevur nú eisini keypt maskinverkstaðin, FJM. Fiskasølan er seld og seinasta undir nýggja er, at bæði Hotel Føroyar og Hotel Hafnia eru seld. Norðmenn hava bjóðað upp á meirilutapartapen- ingin í Havsbrún í Fugla- firði. Sum ein reyður tráður í hesum sølum er, at kapp- ingarneytar keypa upp sínar konkurentar og gerast stórir og sterkir – og í summum førum næstan einasti út- bjóðari. Hetta er ikki galdandi í øllum hesum nevndu søl- um, men í fleiri. Órógvandi Hvar merkir tað fyri eitt virkið ella arbeiðspláss annars, at fyritøkan aftur- vendandi er frammi í fjøl- miðlunum sum hon, ið møguliga – ella væntandi – verður seld? Í nøkrum av nevndu søl- um visti eingin, hvat var í umbúna, fyrr enn handilin varð framdur – og tá vóru av góðum grundum ikki stundir til órógv millum starvsfólk. Sum stjóri á einum virki ella eini fyritøku, sum er samansett av fleiri virkjum, er uppgávan at dríva virkið optimalt fyri teir, sum til eina og hvørja tíð eiga felagið. – Sum stjóri, ert tú noyddur at skriva tær aftan- fyri oyra, hvør tín uppgáva er – líkamikið, hvør eigur arbeiðsplássið. Tú veitst jú ikki, hvønn tú skal sam- starva við eftir eitt møgul- igt eigaraskifti. Stjórar, sum Sosialurin hevur tosað við, vísa á, at sjálvandi eru kenslur eisini inni í myndini, tá ið væntast kann, at eigaraskifti verður – ella er upp á tal – í felagnum. – Men tú noyðist allatíð- ina at bíta í teg, hvør tín uppgáva er. Koma nýggir eigarar, kunnu vit eisini vænta nýggjar »tónar«, tí tá verður leiðslan ikki hin sama. Stjórar eru samdur um, at afturvendandi prát um eig- araskifti sjálvandi órógvar leiðslu og starvsfólk. – Men hetta er ein partur av lívinum, sum tú ikki hevur so stóra ávirkan á. Hann heldur, at vanliga fólkið á gólvinum sjálvsagt eisini hugsa um tíðindini og kjakið, sum er frammi um arbeiðsplássið, men hesi fólk arbeiða so undir dag- ligu leiðsluni – og tískil ikki beinleiðis undir teim- um, sum nú einaferð kunnu hugsast at keypa felagið ella arbeiðsplássið. Alt til sølu – Tað er nú einaferð soleið- is í dag, at alt tykist vera til sølu, um prísurin er nóg góður og lokkandi. Hetta er nakað, vit einki fáa gjørt við, men sum vit kortini hava okkara meiningar um. Stjórar, sum Sosialurin hevur tosað við, vísa á, at tað er ikki so lætt alment at úttala seg um eigaraviður- skifti, tí tú kennir valla dag- in í morgin – og hvør tá situr við avgerðarrættinum á tínum arbeiðsplássi. – Sjálvsagt hava vit sum daglig leiðsla okkara mein- ingar um viðurskiftini, men spurningurin er, hvussu heppið tað er, at vit gera ov nógv av við at úttala okk- um, siga virkisstjórarnir. Áhaldandi søluprát er órógvandi Havsbrún hevði met ár í nøgd Enn eru nótaskipini ikki farin útaftur. Tey rigga til. Tvey av skipunum fara ikki vinnu aftur beinanvegin. Jupiter verður longdur í Pólandi, og Finnur Fríði er í Noregi til eftirlit Mynd: Vilmund Jacobsen Virkisstjórar, sum Sosialurin hevur tosað við, siga, at sjálvandi eru kenslur eisini inni í myndini, tá ið væntast kann, at eigaraskifti verður – ella er upp á tal - í felagnum. - Men tú noyðist allatíðina at bíta í teg, hvør tín uppgáva sum stjóri er, nevniliga at arbeiða sum best fyri tann ella tey, sum nú einaferð eiga virkið ella felagið