fríggjadagur 14. januar 2005síða 21

Nr. 9 - 14. januar 2005 21 Søljan-Neistin 21-28(15-13) Neistin annað beinið í finaluni Kvinnurnar hjá Neist- anum hava næstan tryggjað sær finalu- pláss í Coca-Cola kappingini, eftir at tær mikukvøldið vunnu greiðan sigur á Søljuni á Giljanesi COCA-COLA KAPPINGIN Terji Nielsen terji@sosialurin.fo Søljan var greitt omaná í fyrra hálvleiki av fyrru hálvfinaluni millum kvinnuliðini hjá Søljuni og Neistanum, sum var leikt vesturi á Giljanesi miku- kvøldið. Longu áðrenn fyrri hálvleikur var hálv- runnin, hevði heimaliðið lagt seg á odda við sjey málum, men tað vísti seg ikki at verða nóg mikið til fáa gestirnar til at falla í fátt. Flúgvandi byrjan hjá heimaliðnum Heimaliðið fekk eina flúgv- andi byrjan upp á dystinum, og leingi sá tað út til, at Neistakvinnurnar blivu sendar suður aftur til Havn- ar við einum ordans lúss- ingi. Tá ið 20 minuttir vóru leiktir av dystinum, var Søljan á odda 13-6, og Neistin hevði als ikki funnið stevið. Men so kom vend í, og seinastu løtuna av fyrra hálvleiki tók Neistin seg spakuliga inn aftur á heima- liðið, og tá ið komið var til hálvleiks, høvdu tær minkað so mikið um munini, at leiðslan hjá Søjuni nú einans var tvey mál, 15-13. Neistin stongdi í verjuni Eftir steðgin kom fullkomi- liga stígur í hjá Søljuni. Gestirnir úr Havn stongdu í verjuni, so at heimaliðið als ikki slapp framat málinum hjá Helenu Poulsen, og tað gingu ikki nærum 18 min- uttir av seinna hálvleiki, áðrenn tað eydnaðist Nico- letu Radu Hansen at skora fyrsta málið hjá Søljuni í seinna hálvleiki, men tá var Neistin longu farin frá vertunum. Heimaliðið fekk bara seks mál eftir steðgin, meðan gestirnir fingu ikki færri enn 15, og tí hevur Neistin annað beinið í finaluni undan seinnu hálv- finaluni, sum verður leikt á Hálsi 26 januar. Tí tað eru neyvan mong, ið trúgva uppá, at Søljan kann gera Neistanum kynstrið eftir og vinna við sjey málum á útivølli. Skal Søljan hava nakran møguleika at venda upp- gerðini, er neyðugt, at tær í seinna dystinum ikki aftur renna seg í slíkar løtur, har tað gongur drúgv tíð, uttan at tær megna at skora, tí tað hava tær ikki ráð til. Søljan-Neistin 21- 28(15-13) Søljan: Nicoleta R. Hansen 6, Lina Andriulyte 5, Heidi Maria Akselsen 4, Hertha J. Simonsen 3, Fía Selma Nielsen 2, Jana Jacobsen 1 Neistin: Simona Petersen 9, Annika Thomasen 5, Lív Sørensen 4, Marjun Trónd- arson 3, Kára á Dunga 2, Jórun Ludvig 2, Ása á Neystabø 2, Unn Krage- steen 1 Útvísingar: Søljan 4, Neistin 4 Dómarar: Hannis og Uni Wardum Føroysku talvútiset- arnir skulu sunnu- dagin royna seg móti sterka liðnum úr Brønshøj. Hóast før- oyska liðið er skert, eru vónirnar góðar UPPTAKT Talvfelagið Føroyar Jólaferian er av og tíðin er komin hjá telvarum at seta seg við talvborðini aftur og berjast fyri lið síni og seg sjálvar. Ikki tí, nakrir av úti- setunum, sum vanliga telva við Talvfelagnum Føroyum í bestu donsku deildini, skakliguni, hava verið heima á klettunum og tikið lut í føroysku liðkapping- ini. Heini Olsen telvaði seinasta sunnudag á klaks- víksliðnum og helst fer at hann hjálpa barndómsfel- agnum nøkur umfør aftrat í januar. Ein góður styrkur, nú heimliga liðkappingin nærkast kappingarenda. Somuleiðis hevur Carl Eli N. Samuelsen verið heima um jólini og leikt tvey umfør við vestmenn- ingum. John Arni Nilssen hevur eisini hildið seg heitan um jóltíðir. Tó gekst tað ikki honum eins væl sum hann framanundan vónaði, tá hann luttók í Øbro Nytår. Gullið er farið Danmarksmeistararnir seinastu fýra árini, Hels- inge, eru í ferð við at end- urvinna DM. Liðið er hálvtfimta stig fremst og við tí manning teir hava, eitt nú stórmeist- ararnir Peter Heine Nielsen og Lars Schandorff, er helst eingin ivi um, at norður- sælandska liðið aftur í ár røkkur sínum málsetningi. Spurningurin er bert um hvør fer at vinna silvurið. Í hesari kapping liggja úti- setarnir í løtuni væl fyri við teirra øðrum plássi. Men kappingin er hørð og jøvn. Eitt pláss í ovaru helvt hevði verið nøktandi. Stutt- ligt - og sensationelt - hevði verið um eitt føroyskt lið endaði millum trý tey bestu í ríkinum. Skerd manning Tíverri liggur ikki fyri hjá Heina at vera við sunnu- dagin, tá føroyingar hitta Brønshøj í fjórða umfari í skakliguni. Allir aðrir mans eru tøkir. Við at Heini ikki er við, muga teir flestu eitt pláss upp eftir, sum merkir at mótstøðan verður enn sterkari. Tó eiga føroyingar ikki at falla í fátt, als ikki, tí liðið er í løtuni á øðrum plássi í donskari elitutelv- ing og hetta eiga okkara menn at útstrála sunnudag- in. Øll lóglig vápn skulu nýtast. Teir sum manna ovaru borðini á føroyska liðnum verða Nicolaj Borge, John Arni Nilssen, Flóvin Tór Næs og Carl Eli N. Samuel- sen. 5-8. borð manna Heini Danielsen, Terji Petersen, Pól Martin Hansen og Ian Leyni. Pól Martin hevur sein- astu tveir dystirnar telvað á 8. borði, men hesaferð verður tað havnarmaðurin Ian Leyni, sum tekur sær av hesum sætinum. Ian hevur ikki telvað nógv seinastu árini, men hann hevur í eini 15 ár verið hollur limur hjá Talvfelagnum Føroyum og mangan hevur hann tikið stig frá føroyskum topp- telvarum. Men at nógv rust má bankast, veit Ian fultvæl sjálvur. Mótstøðuliðið Teir úr Brønshøj eru í løt- uni á einum skuffandi fimta plássi, hálvt triðja stig aft- anfyri føroyska talvfelagið. Teir hava á pappírinum eitt rættiliga sterkt lið við mongum kendum telvarum. Stórmeistarin Tiger Hillarp Persson hevur verið teim- um ein trúgvur stuðul sein- astu mongu árini, men av onkrari orsøk hevur hann ikki verið við fyrstu trý um- førini. Eisini hava summir av føstu stuðlunum á aftaru borðunum higartil heldur ikki verið tøkir. Hetta hevur viðført, at Brønshøj er í tyngra endanum í Skaklig- uni. Stórmeistarin Carsten Høj og veteranurin og al- tjóða meistarin, Bjørn Brinck-Claussen, eru sam- an við Thorbjørn Bromann vanliga álitistelvararnir á liðnum. Men hvørgin av hesum hava higartil víst nakra serliga álitistelving. Tað er kortini ein góður møguleiki fyri, at Tiger verður við Brønshøj sunnu- dagin. Hann telvar í fleiri liðkappingum kring norð- anlond, eitt nú í heimland- inum Svøriki, og har verður telvað í liðkappingini leyg- ardagin og ikki sunnudag- in. Tí hevur Tiger helst stundir at ferðast yvir um Oyrasund og hjálpa liðfel- øgunum, sum eru í einari hálvkreppu. Ikki tapa Realistiska málið hjá úti- setunum má vera at fáa ein javnleik. Við skerdari manning í huga, er 4-4 eitt gott úrslit. Hvussu Brøns- høj er mannað, hevur sjálv- sagt sína ávirkan uppá vón- irnar, men væntandi hava teir á pappírinum eitt sterk- ari lið enn tað føroyska. Støðan undan 4. umfari Helsinge 18,0 TF Føroyar 13,5 Helsingør 13,5 SK 1968 13,0 Brønshøj 11,0 Skolerne 11,0 Nordre 10,0 K 41 5,0 Dysturin um silvurið Ása á Neystabø og liðfelag- arnir úr Neistanum fingu eitt gott úrslit á Giljanesi miku- kvøldið, og eftir 28-21 sigur kann staðfestast, at tær í Neistanum at kalla hava annað beinið í finaluni