leygardagur 15. januar 2005síða 4

4 Nr. 10 - 15. januar 2005 Lestrarmørkini kámast Heili 45 føroyingar byrjaðu á lærustovni uttanfyri Norðanlond við lestarbyrjan 2004/05, og hetta er met. Ein høvuðsorsøk til, at fleiri og fleiri føroyingar velja at lesa uttanfyri Norðanlond er útbúgvingarstevn- an, Markleys útbúgv- ing, sum millum annað kunnar um mongu lestrartilboð- ini uttan fyri Norðan- lond MARKLEYS ÚTBÚGVING 2005 Páll Holm Johannesen pall@sosialurin.fo Holger Arnbjerg og Altjóða Skrivstovan leggja nú aftur til brots við árligu útbúgv- ingarstevnuni, Makleys Útbúgving. Endamálið við stevnuni er fyrst og fremst at gera føroyingar, ið ætla sær undir lestur, meira til- vitaðar um mongu lestrar- tilboðini, sum eru uttanfyri Norðanlond. Arbeiðið hjá Holger Arnbjerg og Altjóða Skriv- stovuni hevur eftir øllum at døma borið ávøkst, tí talið av føroyingum, ið lesa utt- anfyri Norðanlond, økist á hvørjum ári. Til lestrarárið 2004/05 byrjaðu heili 45 føroyingar at lesa uttanfyri Norðanlond, og tað er met. Ein av høvuðsorsøkunum til broytta lestrarmyntrið er útbúgvingarstevnan, Mark- leys útbúgving, sum í ár verður hildin í døgunum 26. og 27. januar. Exit Norðurlandahúsið Altjóða Skrivstovan spenti bogan høgt í fjør, tá Mark- leys Útbúgving stóð fyri durum. Karmurin var stási- liga Norðurlandahúsið og umleið 40 útlendskir læru- stovnar funnu leiðina til Føroya at greiða lestrar- fúsum føroyingum um síni tilboð. Útbúgvingarstevnan í fjør var ómetaliga væl vitjað, og eini 800-900 fólk kunnaðu seg um mongu lestrarmøguleikarnar í Norðurlandahúsinum. Í ár er blussið eitt sindur lægri. – Eftir stevnuna í fjør høvdu vit eina eftirmeting av stevnuni, og vit vóru á einum máli um, at vit áttu at koma betur út til næm- ingarnar á skúlunum. Hetta verður fyrst og fremst gjørt fyri at fáa meira burturúr teimum kreftum, vit fáa hendavegin, og tískil hava vit gjørt av, at stevnan í ár verður flutt frá Norður- landahúsinum til miðnáms- skúlarnar á Kambsdali og í Hoydølum, fortelur Holger Arnbjerg. Sammett við útbúgving- arstevnuna í fjør verður stevnan í ár eisini øðrvísi skipað. Í fjør vóru læru- stovnarnir í teimum ymisku londum sjálvir umboðaðir, men soleiðis verður ikki í ár. Altjóða Skrivstovan hev- ur í ár lagt høvuðsdentin á at fáa so mong lond um- boðað sum gjørligt, heldur enn at bjóða einstøkum lærustovnum. – Tað er nærum vónleyst at vita, hvørjir lærustovnar skulu við, og tí hava vit valt ein øðrvísi leist, har tær ymisku tjóðirnar verða umboðaðar av vegleiðar- um. Vit hildu, at tað var skilabetri at fáa eina meira generella vegleiðing heldur enn at lova teimum ymisku lærustovnunum fram at, greiðir Holger frá. Hann leggur afturat, at møguleiki verður fyri at hitta teir ymisku vegleiðar- arnar á máli aftaná teirra fyrilestur, og tá er lag á manni at spyrja meira ítøki- liga um teir ymisku læru- stovnar í landinum, sum vegleiðarin einaferð um- boðar. Londini, sum verða umboðað á Markleys út- búgving eru: Stóra Bret- landi, Danmark, Noreg, USA, Avstralia, Týskland, Finland, Svøríki, Fraklandi, Italia og sjálvsagt Føroyum. Málskeið Tá Altjóða Skrivstovan fór undir sítt virksemi fyri nøkrum árum síðan var høvuðsendamálið hjá stovninum at fáa føroyingar at lesa uttanfyri Norðan- lond. Hetta endamál er longu rokkið. Fyri nøkrum fáum árum síðan vóru bert 20 føroyingar, sum lósu uttanfyri Norðanlond, með- an samlaða talið í dag er heili 95. Av teimum 95 før- oyingum lesa góð 90% í einum enskttalandi landi. Nú vil Altjóða skrivstov- an virka fyri, at lestrar- áhugaðir føroyingar velja onnur lestrarlond enn tey enskttalandi. Hetta skal millum annað tryggjast við at lata teimum lesandi stuð- ul til sonevnd málskeið, áðrenn farið verður undir sjálvan lesturin. – Vinnulív í Føroyum ger okkum javnan vart við, at tey ynskja fólk, sum duga onnur mál enn bert danskt og enskt, og tí er næsta málið at eggja føroyingum at lesa í eitt nú Italia, Týsk- landi ella Fraklandi. Hetta gera vit millum annað við at lata stuðul til málskeið upp til eitt hálvt ár, áðrenn sjálvur lesturin byrjar, sigur Holger Arnbjerg. Stuðulsskipanin til mál- skeið varð sett í verk undan lestrarárinum 2004/05, og nakrir føroyingar hava longu gjørt sær dælt av møguleikanum. Stuðulin, sum verður veittur til mál- skeiðini, er í mesta lagið 20.000 krónur til livikostna og 20.000 krónur til læru- stovnin. Markleys Útbúgving 2005 verður á miðnáms- skúlanum á Kambsdali mikudagin tann 26. januar, og á miðnámsskúlanum í Hoydølum hósdagin tann 27.januar. Leyvu stevna í Havn Um vikuskiftið hava norðurlendskar leyv- ur sett hvørji aðrari stevnu í Tórshavn. Talan er kortini um tvíbeintar limir í Lions Club, sum hittast RÁÐSTEVNA Tað eru ikki Simba og annað gott fólk, sum hittist til ráðstevnu í Havn um vikuskiftið, uttan limir í Lions feløgunum í Norðurlondum, sum her koma saman. Umframt nógv fundar- virksemi verður eisini høvi at síggja nakað av oyggjunum á úferðum, skipað verður fyri. Eisini fáa ráðstevnuluttakararnir høvi at vitja onkra før- oyska fyritøku. Høvuð- støð fyri sjálvari ráðstevn- uni veðru Norðurlanda- húsið. Luttakaranir búgva á gistingarhúsum í Havn. Ráðstevnan endar við stórari gallaveitslu. ej Uppskot til orkupolitikk og elveiting- arlóg TÍÐINDASKRIV 1. ávegis álit frá arbeiðs- bólkinum, við umboðum frá Vinnumálaráðnum og Oljufyrisitingini, til at gera uppskot til orkupol- itikk og elveitingarlóg, er handað landsstýrismann- inum í vinnumálum. Arbeiðsbólkurin fekk til uppgávu at lýsa støðuna í Føroyum og teimum londum, ið vit vanliga samanbera okkum við, við serligum denti á: Framtíðar orkutørv, Veitingartrygd, Varandi orkukeldur, Kapping, U m h v ø r v i s a t l i t , Búskaparligar avleiðingar Og leggja fram fyri álit til almenna kunning og politiska viðgerð við ávísum millumbilum. Fyrsta ávegis álitið verður lagt fyri Løgtingið til aðalorðaskiftis í næst- um. Umframt álitið eru tvinnar frágreiðingar latnar løgtingslimunum. Frá- greiðing hjá Arnstein Niclasen "Orka og orku- politikkur – ein lýsing av orkusøgu, rákum og roynd- um í Føroyum og øðrum londum" og "Frágreiðing um orkunýtslu, sparing og grønan roknskap/politikk", Magni Dybczak. Mikudagin og hósdagin 26. og 27. januar fáa ungir lestraráhugaðir føroyingar møguleikan at nema sær kunning um tey mongu lestrartilboðini, sum eru uttanlands og í Føroyum. Mydn: Jens Kr. Vang