hósdagur 20. januar 2005síða 12

12 Nr. 13 - 20. januar 2005 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Á innanhýsis samkomu hjá fútanum mánadagin 3. januar 2005 fingu átta starvsfólk handað »politiets hæderstegn«. Heiðursteknið verður lat- ið á nýggjárinum til teirra, sum hava havt 25 ára starvsdag í farna árinum. Aftara rað f.v.: Eyðun Arge, politistøðin í Havn, John Damberg, politistøðin í Klaksvík, Kári Thorst- einsson, Karl H. Johansen og Rani Wardum, politi- støðin í Havn. Fremra rað f.v.: Halldis Poulsen, Fútaskrivstovan, Kristina Christiansen, Jens Jensen, politistøðin í Havn. Mynd: Politistøðin Dagurin 20. januar. Brøðramessa. Hildin til minnis um teir báðar Fabianus og Sebastianus. Teir eru ikki brøður, men vórðu fyri trúar sakir tiknir av døgum sama dag í árinum, Fabanus, sum var pávi, umleið ár 250, og Sebastianus – kristin hermaður – umleið ár 288. Tað sigst, at teir báðir eru jarðaðir undir tí núverandi kirkjuni San Sebastian í Róm. Fabianus er rómverskt ættarnavn. Sebastianus er upprunaliga grikst navn, ið merkir heiðurverdur. Sum nakað nýtt seta vit nú allar myndir av brúðar- pørum, sum vera sendar til til teigin "Heilsanir", í Vikuskiftis Sosialin í litum. Brúðarmyndirnar koma undir somu treytir sum aðrar myndir til "Heilsan-ir", t.v.s. at tær kosta 30 kr. Síðsta freist at lata brúðarmyndirnar inn er hósdag kl. 12.00 Sosialurin Litmyndir av brúðarpørum í Føroya Landfúti: Átta starvsfólk heiðraði Havnar leksikon: Sersjanthúsini - Føroya fyrsta fotoatelier Hendan myndin er tikin miðskeiðis í 1930-unum yviri við Strond í Havn. Húsini uttast til vinstru eru tey sum Julius Clementsen (í Syðradali), átti (har sum bygningurin hjá Smyril Line er í dag), í miðuni er fyrrverandi grótvirkið, og uttast til høgru eru tey sokallaðu Sersjanthúsini (við pílin). Tað var í 1849, at sergent Frederik Hansen Jager kom til Føroyar sum ovasti á Skansanum. Sama ár fóru menn undir at byggja honum hús, og stóðu tey liðug í 1850. Húsini vóru bygd yviri við Strond, ella sum økið tá kallaðist, »Blegestykket«. Jager var virkin fotograf- ur, og í 1850 innrættaði hann sær fotoatelier í norð- ara endanum í húsunum. Hetta var fyrsta fotoateleir í landinum. Jager búði í húsunum til 1861, tá hann flutti aftur til Danmarkar. Í 1865, tá »politikorpset« bleiv sett á stovn, og fram til 1875, búði »kvartermes- ter« í Sersjanthúsunum. Í 1875, tá meslinga- epidemiin breyt út, og fram til umleið 1919, bleiv húsið brúkt sum epidemihús, og eftir tað vórðu tey leigað út til íbúðir. Í dag stenda Sersjanthús- ini (ella rættari, ein lítil partur á teimum) úti á Reyni. Á myndini sæst at fyrsta vegastrekki yviri við Strond er gjørt. Arbeiðið bleiv boðið út í 1934, og er myndin tí tikin einaferð miðskeiðis í 1930-unum. Innsettu myndina hevur Jager sjálvur tikið í 1852, og vísir hon hvussu Sersjanthúsið sá út, tá tað var nýbygt. Tey, sum hava okkurt at viðmerkja í sambandi við myndina, eru vælkomin at seta seg í samband við Birgar Johannessen, ið savnar tilfar til Havnar leksikon, á telefon 314647/273168. ➔