fríggjadagur 24. desember 1999síða 5

Nr. 246 - 24. desember 1999 tíðindablaðið Einir sjey ella átta fangar skulu í ár halda jól handan rimarnar í Jónas Broncksgøtu. Starvsólkið í Arresthúsinum fer í størstan møguligan mun at gera jólini hugnalig fyri teimum sum ikki sleppa út at halda jólini saman við sinum nærmastu Mynd: Alvur Haraldsen Jólini verða eisini hildin handan rimarnar Ymiskt er, hvussu fólk halda jól. Tey flestu eru saman við sínum nærmastu um hógtíðina, men tað eru tó nókur, ið noyðast at halda jól handan rimarnar í arresthúsinum í J. Broncksgøtu. Starvs- fólkið í arresthúsinum roynir tó at gera jólini so hugnalig sum gjørligt fyri fangarnar TERII NIELSEN Hóast tú hevur gjørt eina brotsgerð og situr í fongsul, so eru myndugleikarnir her á landi so mikið lagaligir, at teir lova tær at sleppa at halda jólini saman við tín- um nærmastu. Tað vil siga, at teir flestu av teimum fangunum, sum í løtuni sita í arresthúsinum í Jónas Broncksgøtu sleppa heim at halda jólini saman við sín- um kæru. Nekur sleppa ikki heim Í ár verða tað tó einir átta fangar, sum ikki sleppa heim á jólum. Hetta eru fyrst og fremst fangar, sum sita varðhaldsfongslaðir. Tað vil siga, at teir ikki eru dømdir, men at sakarmálið koyrir ímóti teimum í løt- uni. Fyri ikki at ávirka kanningarnar hjá løgregluni sleppa hesir fangarnir ikki út um jólini, tí mett verður, at teir so kunnu ávirka kanningararbeiði. Leiðarin í arresthúsinum, Bent Jákup Hansen, sigur, at tað mangan gongur rúm tíð frá tí, at ein er dómdur fongsulsrevsing, og so til man skal inn at sita. Tá ið so arrestin innkallar fólk til at sita dómin hjá sær, so royna teir at laga tað so, at fólk ikki koma at sita um jólini og aðrar høgtidir við. Hann nevnir eisini, at tað onkuntíð hevur lagað seg so mikið væl, at teir ikki hava havt nakran fanga sitandi um jólini, og tískil hevur arresthúsið tá verið stongt um høgtidina. Annars roynir starvsfólk- ið í arresthúsinum at gera tað so hugnaligt sum gjør- ligt handan rimarnar, nú jólini eru á gáttini. Tá ið Sosialurin vitjaði, høvdu fangarnir longu prýtt kliv- arnar, og sama kvold skuldu teir fáa dekoratiónir á borð- ini. Bent Jákup Hansen sig- ur, at tað er so hugnaligt, sum tað nú einaferð kann vera undir teimum um- støðunum, sum har eru. Maturin er góður Eins og so mangir aðrir før- oyingar gera nú á døgum, so eta teir í arresthúsinum dunnu á jólum. Allur mat- urin, ið etin verður handan rimarnar, kemur av lands- sjúkrahúsinum, og teimum hevur Bent Jákup Hansen alt gott at bera. Hann sigur, at maturin er avbera góður, og um høgtidirnar plagar okkurt eyka gott mangan at fylgja við matinum. Eins og øll onnur fáa teir eisini rís- ingreyt omaná. Tað einasta, sum er eitt sindur ødrvisi við matinum í hjá teimum, sum sita í arrestini um jól- ini, er, at teir fáa jóladóg- urðan á miðdegi jólaaftan og ikki um kveldið, sum annars er vanligt heima við hús. Eisini fáa allir fangarnir gávur, um teir sita inni á jólum. Vanligt er, at familj- an kemur við gávum til teirra, og hetta verður latið teimum uttan stórvegis hóvasták. Tað er ikki bert mat og gávur, sum tey fongslaðu í arresthúsinum, fáa um jól- ini. Eisini fáa tey andaliga fødi. Arresthúsið hevur sín egna prest, ið kemur at halda eina guðstænastu fyri fangunum jólaaftan, og arresthúsleiðarin sigur, at tað plagar allir fangarnir at vera við til. Prestur hjá arresthúsinum er Sverri Steinhólm, sum eisini er sjúkrahúsprestur. Nógv gistandi í ár Bent Jákup Hansen sigur, at í ár hevur arrestin havt rættuliga nógv fólk gist- andi. Nágreiniliga hvussu nógv fólk talan er um, dugir hann ikki at siga, men talið liggur um tey hálvtannað- hundrað. Hetta talið er rættuliga høgt, og teir hava næstan fult hús so at siga allatíðina. Arresthúsið í Havn hevur rúm fyri 15 fangum, men verður stúvað væl, so kunnu teir vera 18 í tali. Allir klivarnir eru til ein persón, uttan tann eini, har rúm er fyri trimum fangum í senn. I arresthúsinum eru nógvir ymiskir hentleikar, sum fangarnir kunnu gera sær dælt av. Til dømis hevur húsið eitt væl útgjørt kondi- rúm, har man kann styrki- venja. Somuleiðis er borð- tennis, billiard, dart og aðrir hentleikar, sum ein kann stytta sær um stundir við. Allir klivarnir hava sjón- varp, har møguleiki er at síggja seks ymiskar rásir. Annars roynir starvsfólkið í arresthúsinum at gera dag- arnar hjá teimum, sum sita inni, so líkar døgunum utt- an fyri rimarnar, sum gjør- ligt er. Roynt verður, at fangarnir í mest møguligan mun hava eitthvørt at takast við um dagarnar, so at dag- urin ikki gerst so gråur og keðiligur. Bent Jákup Han- sen greiðir frá, at eru til dømis onkrar umvælingar, ið skulu gerast í húsinum, so verður ofta heitt á onkrar av fangunum um teir hava hug til at gera hetta, tí tað vísir seg, at nógvir av teim- um eru ógvuliga fittir í hondunum og hava hug til at gera slíkt arbeiði. Somu- leiðis eru tað fleiri, sum stytta sær stundir við at rippa húkar. Arresthúsleiðarin sigur, at teir hava eina fasta dag- skipan í húsinum, sum sig- ur, at tey, ið sita inni, ar- beiða frá klokkan átta á morgni til klokkan tólv. Síðani er døgurdastedgur í ein tíma, áðrenn farið verð- ur aftur til arbeiðis klokkan eitt, og so verður arbeitt fram til klokkan fimm. Um kvold er so felagsløta, har man kann gera sær dælt av mongu hentleikunum í húsinum. Hesir skipaðu arbeiðsdagarnir eru serliga ætlaðir teimum, sum sita inni í longri tíð, tí tað vísir seg, at hava hesir fangarnir ikki nakað at takast við, so verður vent upp og niður á degnum hjá teimum, og teir verða ávirkaðir av hesum sálarliga, sigur Bent Jákup Hansen. Gongur friðarliga fyri seg Annars heldur arresthús- leiðarin, at tað gongur frið- arliga fyri seg yviri í Jónas Broncksgotu. Sjáldan eru nakrir trupulleikar við teim- um, sum sita inni, og tað er heldur eingir trupulleikar av teimum, sum sleppa heim at vitja um jólini. Teir, ið sita langar dómar, sleppa onkuntíð heim at vitja fa- miljuna okkurt vikuskifti, men móta so aftur í arrestini sunnukvøld. Í ár fella jólini á eitt vikuskifti, so tað verð- ur ikki stórt ødrvisi hjá fangunum enn at fara heim í vikuskifti.