hósdagur 10. februar 2005síða 15

Hesaferð hava vit myndir av handlinum hjá Hans Jákup Olsen á Doktaragrund úti á Reyni Frá 1899-1955 hevði Hans Jákup Olsen matvøruhandil í húsunum »í Tranti« á Doktaragrund úti á Reyni í Havn. Handilin sæst uttast til høgru á myndini (við pílin). Innsettu myndirnar eru av handlinum innan og av Hans Jákup Olsen (1875- 1960). Hans Jákup var kendur fyri at vera væl hýrdur og í góðum lag, gekk altíð og floytaði. Leggið til merkis gongu- breytina og rennusteinin sum eru gjørd úr gróti. Jens Olsen, sum síðst í 19. øld bygdi húsini »Handilsforeiningina« (har sum Café Natúr er í dag), byrjaði sítt viksemi í somu húsum í Tranti. Húsini beint fram á myndini átti Carl á Lag, har búðu fólk, sum arbeiddu fisk hjá honum. Seinni vórðu tey flutt niðan á Sundsvegin, har sum einkj- an eftir Carl á Lag (yngra), Inge Krause Jensen, býr í dag. Tey, sum hava okkurt at viðmerkja í samband við hesar myndirnar, eru væl- komin at seta seg í sam- band við Birgar Johannes- sen, ið savnar tilfar til Havnar leksikon, á telefon 314647 / 273168. Havnar leksikon: Matvøruhandilin hjá Hans Jákup Olsen ➔ Myndin av Doktaragrund: Føroya Fornminnissavn Innsettu myndirnar: Gudrun Rubeksen Næstu ferð hava myndir av minustrúkaranum »Green Dolphin« hjá Thorshavns Mælkeforsyning og Margarinefabrik Poul gjørdist kattakongur Leygardagin skipaði Eyst- uroyar Froskmannafelag fyri tunnusláing í bátahyl- inum í Runavík. Ein rætti- liga stórur partur av limun- um í felagnum luttóku, eins og myndin vísir. Kattakongur gjørdist Poul Joensen úr Fuglafirði. sb. Teir kýta seg við tunnu- sláttrinum í Runavík Mynd: Dinna Jensen