mikudagur 16. februar 2005síða 28

28 Nr. 32 - 16. februar 2005 Spennandi í Hoyvík Í kvøld og í annað- kvøld eru øll liðini í Atlantic Airways kappingini hjá monn- um í dysti. Einamest spennandi tykist dysturin í Hoyík í kvøld millum H71 og VÍF verða ATLANTIC AIRWAYS- KAPPINGIN Terji Nielsen terji@sosialurin.fo Kappingarárið í ár hevur verið rættuliga óvanligt í fremstu mansdeildini, tí ilt er at spáa um undan dyst- um, hvør ið fer at vinna. Tað tykist sum um at øll liðini kunnu vinna á øllum, og eingin dystur er avgjørd- ur, fyrr enn hann er spældur. Kann VÍF økja Undan dystunum, sum vóru um vikuskiftið, vóru tað mong, ið høvdu hug til at avskriva møguleikarnar hjá vestmenningum at verja oddasessin, tí at liðið hevði mist tríggjar av týdningar- miklastu leikarunum á liðn- um vegna skaða. Men VÍF gjørdi hesum spádómum til skammar, tá ið teir vunnu móti StÍF inni á Skála. Tá ið so nærmastu kappingar- neytarnir úr Kyndli sam- stundis snávaðu móti Neist- anum, økti VÍF um leiðsluna hjá sær í deildini. Í kvøld skulu vestmenn- ingar so á vitjan hjá H71 í Hoyvík, og hetta verður óivað ein spennandi dystur. Seinast hesi bæði liðini hittust í Hoyvíkshøllini endaði tað við javnleiki, og tá misnýttu hoyvíkingar enntá eitt brotskast í sein- asta sekundinum. Hvørki Ingi, Áki ella Áki G. Olsen vóru við í dystin- um á Skála sunnudagin, tí teir eru allir skaddir, og teir verða heldur ikki við í kvøld. Hinvegin var eitt nýtt andlit, Sjúrður Poul- sen, at síggja á liðnum, og havandi í huga, at hann fekk fimm mál í dystinum á Skála, so verður Sjúrður óivað við aftur í kvøld. Hoyvíkngar hava nú fingið eitt sindur av viðráki aftur, og við sigrinum á KÍF sunnudagin hevur H71 strítt seg upp á triðjapláss- ið, har teir liggja javnir í stigum við KÍF og StÍF, men av tí at hoyvíkingar hava bestu málúrtøkuna, liggja teir í løtuni á bronsu- plássinum. Tað er ein missur fyri H71, at annar av sterku málverjunum hjá teimum, Levi Nybo, ikki verður við aftur fyribils. Levi er farin uttanlands í arbeiðsørind- um, og hann verður ikki aftur fyrr enn til tvey tey seinastu umførini í kapp- ingini. Tíbetur fyri H71, eru teir tó í teirri hepnu støðu, at teir hava tveir javnt góðar málverjar í Levi og Jens Skipagøtu. Kann Neista halda fram á aldukambinum Neistamenn syrgdu fyri einum rættuliga óvæntað- um úrsliti sunnudagin, tá ið teir bastu grannunum úr Kyndli. Neistin tykist verða komin fyri seg, og í kvøld hava teir so møguleikan at fáa tvey stig afturat í skjáttuna. Kollfirðingar koma á vitjan hjá Neistanum á Hálsi, og um tað eydnast Neistanum at vinna dystin, so eru teir bert tað eina stigið aftan fyri KÍF. Hinvegin noyðast koll- firðingar at vinna dystin, um teir framhaldandi ætla at verða við í stríðnum um bronsuna. Ein dystur verður eisini í annaðkvøld, og hann verður í høllini á Hálsi, har Kyndil fær vitjan av steypa- vinnarunum úr StÍF. Kyndil er av álvara steðgað upp í seinastuni, og um ikki før- oyameistararnir taka seg saman í næstum, so glíður meistaraheitið við vissu teimum av hondum. Sunnudagin tapti eitt ógvuliga tannleyst Kyndla- lið fyri Neistanum, og um teir ætla sær at fáa nakað burtur úr dystinum móti strandingum, so skulu aðrir bollar á suppuna. StÍF tapti eisini sunnu- dagin, tá ið oddaliðið VÍF var á vitjan, men ilt er at meta um strandingar, tí teir hava verið sera óstøðugir í ár. Endurtøka av steypafinaluni Tveir dystir í Sun- set-kappingini verða spældir í kvøld SUNSET-KAPPINGIN Terji Nielsen terji@sosialurin.fo Nakrir dystir í fremstu kvinnudeildini í hondbólti verða í kvøld. Ein dystur var eisini leiktur í kvøld, eftir at blaðið var farið til prentingar. Tann dysturin var millum Kyndil og VÌF á Hálsi. Steypafinalistarnir hittast Í kvøld hittast steypafinal- istarnir báðir, Neistin og Stjørnan, á Hálsi. Neistin hevði gott tak á Stjørnuni í finaluni, men tað var ikki nóg mikið til at koppa oddaliðnum. Stjørnan var ikki í dysti í vikuskiftin- um, tí dysturin móti VÍF bleiv útsettur, av tí at meg- inparturin av manningini hjá Stjørnuni lá við krím, skilst úr Klaksvík. Spurn- ingurin er so, um herviliga umfarssjúkan er liðug, og um oddaliðið aftur eru klárar til dyst. Neistin vann sunnudag- in móti StÍF á Skála, men tað ljóðar, at sterki út- lendski bakkurin hjá Neistanum, Simona Peter- sen, ikki verður eins nógv at síggja á Neistaliðnum framyvir, og spurningurin er so, hvørja ávirkan tað fer at hava á liðið. Sunnu- dagin var hon við í hópin- um, men Simona var ikki nógv á vøllinum. Hin dysturin í Sunset- kappingini í kvøld verður í Runavík, har botnliðið Tjaldur fær vitjan av grannunum hinumegin fjørðin úr StÍF. Bæði liðini taptu sínar dystir um viku- skiftið, og serliga Tjaldur var fyri einum eyðmýkj- andi tapi, tá ið tær fingu ein ordans lússing í Vági. Neistin og Stjørnan hittast í kvøld á Hálsi í einari endurtøku av steypafinaluni. Mynd: ÁLvur Haraldsen Christian Eli Zachariassen og H71 fáa í kvøld vitjan av oddaliðnum í Hoyvík. savnsmynd vu. tapt mál- dystir v - j - t mál mál munur stig 1 VB 2 2 - 0 - 0 527 312 215 17 2 Stjørnan 1 1 - 0 - 0 385 290 95 15 3 Neistin 2 1 - 0 - 1 445 356 89 12 4 Søljan 2 2 - 0 - 0 429 368 61 12 5 VÍF 1 0 - 0 - 1 350 351 -1 5 6 StÍF 2 0 - 0 - 2 359 426 -67 5 7 Kyndil 2 1 - 0 - 1 321 430 -109 5 8 Tjaldur 2 0 - 0 - 2 254 537 -283 0 vu. tapt mál- dystir v - j - t mál mál munur stig1 VÍF 5 4 - 0 - 1 445 400 45 16 2 Kyndil 5 2 - 0 - 3 445 370 75 12 3 H71 5 2 - 0 - 3 436 441 -5 9 4 KÍF 5 2 - 1 - 2 378 406 -28 9 5 StÍF 5 2 - 2 - 1 395 427 -32 9 6 Neistin 5 1 - 1 - 3 414 469 -55 6