hósdagur 17. februar 2005síða 24

Nýtt frá Eyðuni í Rex Eyðun Nolsøe fyrireikar seg til Prix Føroyar tón- leikakappingina við einari framførslu í Rex í Havn fríggjakvøldið. Hann fer at spæla egið tilfar – gott gamalt og spildurnýtt Eitt av teimum kendastu nøvnunum, sum eru við í Prix Føroyar í ár, er Eyðun Nolsøe. Hann hevur sum tónleikari og sangskrivari útmerkað seg í føroyskum popptónleiki. Fyrst var tað í Frændum, har hann sum blaðungur tónleikari slapp upp í part saman við beiggjum og vinmonnum. Hann fekk við tíðini ein alt størri leiklut í bólkinum og hevur skrivað onkrar av kendastu sangun- um hjá bólkinum. Eyðun Nolsøe hevur eisini roynt seg við eini soloútgávu, og hann ar- beiddi í nøkur ár nógv sam- an við Terja Rasmussen, og teir góvu eisini eina fløgu út við nýggjum sangum. Nýggir sangir Nú hevur Eyðun Nolsøe gjørt av, at hann vil verða við í Prix Føroyum, og leygarkvøldið um 10 dagar skal hann í eldin. Men fyrst skal hann royna seg á pallinum í Rex í høvuðsstaðnum. Har fer hann fríggjakvøldið at spæla, og tað verða nógvir góðir sangir á skránni. »Á, um vit«, »80'ini«, »Millum mussarnar«, »Dupultsong« og aðrir sangir, sum Frændur gjørdu landskendar, »Dansa«, »Sjalusi« og aðrir av solo- útgávuni hjá honum, og so ikki minst onkrir nýggir sangir, sum skulu royna flogið, áðrenn teir verða spældir til Prix Føroyar. Góðar tónleikarar Eyðun Nolsøe hevur allier- að seg við góðum tónleik- arum, nú hann fer við til Prixið. Kim Hansen, James Olsen, Jens Marni Hansen og Johannus á Rógvu Joensen, sum nú í longri tíð hava spælt saman í bólkin- um Showmenn, spæla undir hjá Eyðun, og ein betri smurda poppmaskinu kann Eyðun ikki ynskja sær at spæla sær á. Tað verður spennandi at hoyra Eyðun Nolsøe til Prix Føroyar, men tey, sum ikki klára at bíða so leingi, hava møguleikan at hoyra hann á Rex fríggjakvøldið.