fríggjadagur 18. februar 2005síða 16

16 Nr. 34 - 18. februar 2005 Lesið -so eru tit við! Bílegging á øllum ferðaskrivstovum og hjá Atlantic Airways. Talið av ferðaseðlum fyri hesar prísir er avmarkað. Gongur sum ætlað, so verður Sjómans- heimið í Runavík latið uppaftur um ein mánað. Men navnið verður broytt HOTELLVIRKSEMI Snorri Brend Avtala er gjørd við hjúnini Andreas og Kirstin Andre- asen úr Saltangará um at lata dyrnar upp aftur. Hetta verður kortini gjørt undir nýggjum navni, tí hereftir skal Sjómansheim- ið marknaðarføra seg sum »Hotel Runavík Sjómans- heimið«. Tey hava bæði sagt upp arbeiði síni, og koma tískil at arbeiða nógv á hotell- inum. – Skal hetta bera til, er neyðugt at vit arbeiða nógv sjálvi, men tað koma eisini onnur fólk at arbeiða her, sigur Andreas við »Trúboð- in«, sum er málgagn hjá Heimamissiónini. Andreas og Kirstin hava royndir frá slíkum arbeiði, tá tey í trý ár vóru leiðarar á sjómansheiminum í grøn- lendska býnum Holsteins- borg. Fleiri bíleggingar Sjómansheimið lat aftur í august mánaði í fjør, og hjúnini meta, at nógv má gerast til tess at marknað- arføra hotellið. Tað fer tí eisini at taka nøkur ár, inn- til tað veruliga kann hvíla í sær sjálvum. Tey miða eftir at fáa sín part av ferðafólkunum, ið vitja her, og annars skipa fyri skeiðsdøgum, tema- døgum, fyrilestrum og øðr- um. Hjúnini hava langtíðar- leigað bygningin, og fara at reka tað við mastovu og kømrum. Trúboðin skrivar, at í mars mánaði eru longu fleiri stórar bíleggingar komnar til matstovuna. Summarið í ár er somuleið- is longu rættiliga væl selt, og í juni mánað er hotellið næstan fult bílagt. Í kjallaranum á Hotel Runavík Sjómansheimið fer felagsskapurin Blái Krossur nú at hava virk- semið sítt, eins og Formula fer at leiga hin partin av kjallaranum. Nýtt hotell í Runavík Sjómansheimið í Runavík letur nú uppaftur. Byrjanin sær lovandi út, tí longu nú eru fleiri bíleggingar komnar til matstovuna og til kømrini Mynd: Jens Kr. Vang