týsdagur 8. mars 2005síða 7

Nr. 46 - 8. mars 2005 7 Ungar gentur við barn Havn: Í dag, altjóða kvinnudagin, fer Mettu- stova enn einaferð at vera karmur um eitt tiltak fyri at markera henda dagin. Nógv tiltøk verða skipað kring allan heimin í dag, m.a. fer Amnesty Føroya Deild at hava tiltøk í Havn og í Runavík. Men í kvøld fer Mettu- stova at lýsa eitt evni, sum kanska ikki hevur verið so nógv tosað um. Evnið fyri kvøldið ella í samband við kvinnudagin er "Ungar gentur við barn". Alt skuldi tala fyri at her verður góð undirtøka til tiltakið. sb. Russar veiða nógv mest Fiskivinna: Fyrstu tveir mánaðirnar av árinum áttu skip úr ES-londunum bert ein evarska lítlan part av samlaðu veiðuni undir Føroyum. Hetta vísir eitt yvirlit yvir útlendska veiðu frá 1. januar og fram til 28. februar. Av teimum 18.500 tonsunum, ið veidd vórðu her, áttu ES- skip bert 318 tons. Nógv tann størsti parturin av veiðuni er framdur av russiskum skipum, sum eiga 16.200 tons av teim- um íalt 18.500 tonsunum. Tað er enn einaferð svartkjafturin, sum telur mest í yvirlitinum. Tí øll tann russiska veiðan í føroyskum sjóøki hevur nettupp verið svartkjaft- ur. Annars hava tey fremmandu skipini veitt 94 tons av brosmu, 915 tons av longu og um 170 tons av ávikavist toski og hýsu. Íalt hava ES-skipini verið 138 dagar í før- oyskum sjóøki og onnur skip í 961 dagar. sb. Væl vitjað ung- dómsstevna Ebenezer: Um vikuskiftið skipaðu tey ungu í sam- komuni Ebenezer í Havn fyri árligu ungdómsstevn- uni. Við hesa stevnuna hevði ein sett eina yvirskrift yvir stevna "Hvat er lívið?", og varð hetta lýst á ymiskan hátt í talu, sangi og vitnis- burðum. Rættiliga nógv ungfólk vóru á stevnuni. Fríggja- kvøldið og leygarkvøldið mundi talið av fólki vera um 1000 tilsamans. Leygarkvøldið talaði trúboðarin Símun í Túni. Sum ein part av skránni hetta kvøldið var møgu- leiki hjá teimum ungu at hoyra um ymiskar felags- skapir, sum arbeiða við kristniboðan úti í heimi. Í einum seinni blaði fara vit at skifta orð við eini hjún úr Klaksvík, sum vóru á hesi stevnuni. sb. Nú verður ein endalig loysn funnin fyri Fiskivinnuskúlan í Vestmanna. Gongst sum ætlað verður ein nýggjur skúli klárur at taka í nýtslu um hálvt triðja ár. SKÚLAR Snorri Brend snorri@sosialurin.fo Vestmanna: Gongur sum ætlað, so kann nýggi fiski- vinnuskúlin takast í nýtslu við byrjanina av skúlaárin- um 2007. Sambært uppskotinum hjá Jógvani á Lakjuni hevur hetta málið skund, tí hølistrupulleikarnir eru so átroðkandi at loysa. Ar- beiðið við prosjekteringini skal tí byrja longu í næsta mánaði, soleiðis at sjálvt byggiarbeiðið kann byrja í mars mánaði næsta ár. Kostnaðurin fyri skúlan er mettur til 22 mió. kr., men fyrivarni verður tikið fyri prísbroytingum í byggitíðini. Í kostnaðinum er eingin útreiðsla sett av til útvegan av grundøki, tí Vestmanna kommuna fer at lata grundøkið ókeypis til tann nýggja skúlabygning- in. - Neyðugt er ikki við vegagerð, tí vegur er til økið. Og neyðugt er heldur ikki at keypa leyst innbúgv og framleiðsluútgerð, tí hetta finst frammanundan, upplýsti mentamálaráð- harrin í framløguni fríggja- dagin. Kommunan sjálvur hevur ávíst trý øki, sum eru væl- egnað til ein slíkan fiski- vinnuskúla. Mett verður tó, at best egnaða staðið er við ferjuleguna Inni á Fjørð. Har eru góðir møguleikar fyri útbyggingum í fram- tíðini, eins og góðir møgu- leikar eru fyri hepnari byggilist fram við sjóvar- málanum. Óhóskandi skúli Fiskivinnuskúlin í Vest- manna hevur nú 16 ár á baki. Byrjað varð fyrst í einum sethúsum, ið vórðu umbygd til skúlabrúks. Hesi hølini vóru tó rætti- liga avmarkað, og tí vórðu eini grannahús leigað árið eftir og uppaftur eini í 1994. Hesi bæði húsini verða í løtuni brúkt til undirvísing, hóast tey ikki eru hóskandi til endamálið. Í mong ár hevur skúlin viðgjørt hesar umstøðurnar, og roynt hevur verið at funnið til aðrar og meiri hóskandi loysnir. Men í 2002 hendi so nakað í mál- inum, tá ein arbeiðsbólkur varð settur at loysa hølis- trupulleikan. Hesin bólkurin lat úr hondum eitt tilmæli fyri góðum tveimum árum síðani. Her varð týðiliga og greitt sagt, at eingin bygn- ingur fanst í Vestmanna sum var egnaður til ein skúla, og at einasta loysnin tí var at byggja ein nýggjan. Vestmanna kommuna hevur eisini víst hesum málinum stóran áhuga og hevur tí latið ókeypis grundøki til skúlan, og tí er klárt at fara undir prosjek- teringina, tá løgtingið fer at samtykkja málið. Tingið fer at hava 1. við- gerð av hesum uppskotin- um hósdagin í næstu viku. Sum sild í tunnu á Fiskivinnuskúlanum Tað var ongatíð vandi á ferð, tá eldur brád- liga kom í silo’ina á Kommunalu Brenni- støðini leygardagin. Hundraðtals bilar sluppu ikki av við ruskið, og vóru menn ikki serliga fegnir um tað BRENNISTØÐ Snorri Brend snorri@sosialurin.fo Havn: Eldurin í brenni- støðini á Sandvíkahjalla kyknaði upp um hálvgum fýra-tíðina, og slakar fýra tímar seinni hevði sløkki- liðið í Havn bast eldinum. Ein eldur av slíkum slagi hevur onkutíð verið áður, men enn er ikki greitt, hvat orsøkin var til henda eldin leygardagin. - Vit meta tað tó vera rættiliga sannlíkt, at eldurin er kyknaður av sær sjálv- um, sigur leiðarin, Bárður Michelsen við Sosialin. Orsakað av eldinum í silo’ini varð brennistøðin afturlatin fyri móttøku av ruski fram til mánamorg- unin. Hetta kom rættiliga illa við hjá teimum mongu, sum ætlaðu at brúka henda góðveðursdagin til at fáa ruskið beint av vegnum. Ein rættiliga stórur riðil av bilum mátti tí fara til húsa aftur við ruskinum, og hetta vóru menn sum vera man bæði harmir og illir um. Har var tó einki at gera, tí bingjurnar vóru fullar, og eingin møguleiki var at brenna alt hetta ruskið tann dagin. Hvat skaðin hevur kostað brennistøðini í er ilt at meta um. Menn frá Tryggingini komu á støðina seinnapart- in í gjár at meta um skaðan. Roykur og eldur Brennistøðin er vanliga opin fyri ruski frá privat- fólki leygardagar. Teir á brennistøðini høvdu tí fyri- reikað seg uppá alt ruskið, sum vanliga kemur ein slík- an dag. Á middegi var einki rusk í silo’ini, og ætlanin var at byrja við tømingini av bingjunum nakað eftir mid- dagsleitið. Hetta arbeiðið gekk sum tað skuldi, og nakað seinni vóru allar tær fullu bingjurnar á økinum tømdar fyrstu ferð. Ætlanin var síðani at fáa hesar fyltar av nýggjum, áðrenn dagur- in var at enda komin. Men um hálvgum fýra- tíðina byrjaði brádliga roykur av koma út úr silo’ini, samstundis sum roykurin úr høga skorstein- inum hvarv. Tað vísti seg, at eldur var komin í ruskið í silo’ini av sær sjálvum. Á brennistøðini hava teir mannagongdir, tá slíkt hendir. Roynt varð í fyrsta umfari at sløkkja sjálvir. Men tað vísti seg skjótt, at her var talan um størri logar enn so, og tí var bert eitt at gera og boða Alarmsentral- inum frá. Teir vóru skjótir á staðið og fingu beinanvegin tamarhald á støðuni, hóast eldurin fyrst varð sløktur um 19-tíðina. Skilja betur Bárður Michelsen sigur, at endamálið við tí vælút- greinaðu móttøkuni av ruskinum, er at fólk sjálvi kunnu skilja ruskið sundur í bingjurnar, sum eru ætl- aðar til tey ymisku sløgini av ruski. Tað er eisini so, at nógv av tí ruskinum sum kemur frá privatum er rættiliga turt og eldfimt, tí tað hevur ligið innandura í styttri ella longri tíð. - Men vit mugu tíverri ásanna, at fólk ikki altíð skilja ruskið nóg væl. Tað skal ikki so nógv til, at eldur kemur í av sær sjálv- um, tá ymisk evni verða blandað saman. - Bara eitt sindur av lakki ella cellulosu-tynnara sam- an við einum turrum klúti ella pappíri, kann vera nóg mikið til at eldur kemur í. Tí ynskja vit framhaldandi at minna fólk á tann týdn- ing, tað hevur at ruskið verður væl sundurskilt, sigur leiðarin á brenni- støðini. – Fólk mugu skilja ruskið betur Tað sá ógvusligt út, tá eldur brádliga kom í silo’ina á Brennistøðini á Sandvíkarhjalla. Vandi var kortini ongatíð á ferð Mynd: Álvur Haraldsen – Vit mugu bara ásanna, at fólk ikki skilja ruskið nóg væl, sigur Bárður Michelsen, leiðari á brennistøðini Mynd: Jens Kr. Vang