hósdagur 10. mars 2005síða 21

Um vikuskiftið fer Guðrun Sólja Jacobsen at syngja á tveimum konsertum í Havn og í Fuglafirði. Konsertirnar eru í sambandi við, at hon hevur givið nýggja fløgu út Um vikuskiftið fer Guðrun Sólja Jacobsen at hava tvær konsertir í Føroyum. Tær verða á dansistaðnum Rex í Havn og í Mentanarhúsin- um í Fuglafirði. Tað hevur verið nógv á skránni hjá Guðrun í Dan- mark seinastu tíðina. Hon gav fyrst í februar mánaði nýggja fløgu út, og hon hevur gjørt pr-arbeiði í sambandi við fløguna. Søl- an av fløguni hevur gingið væl bæði í Danmark og í Føroyum, og tað ger stóran mun í Danmark, at fløgan hevur verið førd fram í sjónvarpslýsingum. Á nýggju fløguni eru tulkingar av kendum sang- um, men onkur einstakur nýggjur sangur er eisini á fløguni. Úr at gera Umframt nýggju útgávuna hevur Guðrun Sólja Jacob- sen eisini verið nógv frammi í sambandi við kappingina Stjørna eitt kvøld, sum DR hevur skip- að fyri seinastu vikurnar. Guðrun kom allan vegin í finaluna, og hóast hon hevði eina sera góða fram- førslu í finlauni, vann hon ikki fram millum tey trý fremstu í kappingini. Nú hevur Guðrun aftur stundir at koma heim til Føroya at hava konsertir, og um vikuskiftið verður møguleiki at hoyra hana syngja í Havn og í Fugla- firði. Fríggjakvøldið 11. mars syngur Guðrun í Rex í Havn, og leygarkvøldið 12. mars verður hon at hoyra í Mentanarhúsinum í Fugla- firði. Showmenn spæla við Síðsta summar hevði Guðr- un Sólja Jacobsen onkra framførslu í Føroyum, har tónleikararnir í Showmonn- um spældu undir hjá henni, og tað samstarvið eydnaðist so væl, at tað verður endur- tikið næsta vikuskiftið. Til tiltakið í Mentanar- húsinum í Fuglafirði, sum er bæði konsert og dansur, fara Showmenn eisini at spæla til dans part av tíðini. Forsøla til konsertina í Mentanarhúsnum er á Shell-støðunum kring land- ið, og til tiltakið á Rex ber til at keypa atgongumerki í forsølu á Kunningarstovuni í Havn. Stjørna í tvey kvøld í Føroyum Guðrun Sólja Jacobsen hevur verið nógv frammi í Danmark síðstu vikurnar, men um vikuskiftið fer hon at syngja á tveimum konsertum í Føroyum