fríggjadagur 11. mars 2005síða 8

8 Nr. 49 - 11. mars 2005 Nýggja skipafelagið hjá gøtumonnum hevur fingið sær høvuðsstøð í Søldar- firði, sum ikki er so langt haðani, Tróndur i Gøtu í síni tíð legði síni skip FARMASIGLING Orð og myndir: Edvard Joensen Søldarfirði: Gøtumenn eru aftur farnir undir farma- sigling millum Skálafjørðin og Danmark. Tað hendi týsdagin, tá Norland hjá fe- lagnum Norlink, sum fe- lagið hjá Hera Thomsen í Gøtu eigur, fór fyrsta túrin til Danmarkar við farmi. Og ein tann fyrsta farma- túrin á millum Føroyar og táverandi Danmark hoyra vit um í føroyingasøgu um, at ein annar kendur gøtu- maður, Tróndur í Gøtu, gjørdi. Eisini í aðrar mátar hava gøtumenn í dag tikið táttin hjá Tróndi uppaftur. Trónd- ur hevði síni skip á Skipa- nesi. Norlink heldur til í Søldarfirði, sum ikki er so langt frá gomlu havn Tróndar. Norland, sum skipið eit- ur, ið skal sigla í fastari rutu millum Danmark og Føroy- ar, kom til Føroya mána- dagin, og fór avstað aftur á fyrsta farmatúrinum týs- dagin. Áðrenn farið varð av Søldarfirði týsdagin, var móttøka í nýggju farma- høllini, sum Heri Thomsen hevur bygt á havnarlagnum. Nógv fólk var komið at heilda upp á teir, sum standa fyri hesum nýggja tiltakinum, og fleiri tóku orðið á samkomuni. Tór- hallur Thomsen, sum er annað ættarlið í fyritøkuni Heri Thomsen, beyð væl- komin, og røður vóru hildnar. Millum aðrar av borgarstjóranum í Runavík- ar Kommunu, Rodmundi Nielsen. Men nú eru tað gøtu- menn, sum standa fyri til- takinum, so rímiligt helt eisini borgarstjórin í Gøtu Kommunu, Páll Isholm, seg framat og segði økur orð. Eisini formaðurin í havnarnevndini hjá Runa- víkar Kommunu, Klæmint Østerø, og Thorleif Jo- hannesen, sjómanstrúboð- ari, høvdu orði á samkom- uni. Fólk hittust, prátaðu og fingu ein bita inni í pakk- húsinum, ella tey valdu at fara ein túr umborð á Nor- land, sum lá við bryggjuna uttanfyri. Teir høvdu lastað nakað av farmi fyrrapartin, og eitt sindur kom afturat, áðrenn skipið stutt eftir møttøkuna fór av Søldarfirði til Vágs, har onnur havnin í Føroy- um er, og síðan til Hirts- hals. Tórhallur Thomsen, stjóri, hevur góðar vónir. Hann metir, at við tí prísi skipið fekst fyri, eigur tað at fara at bera til. Skipið stendur í 13 milliónum, sigur hann. Fyrsta túrin úr Føroyum hava teir umleið 600 tons av farmi við. Tað er bara ein partur av tí, skipið klár- ar at lasta. Men ein byrja. Og nakað er longu fingið til næsta túr, eins og eisini nakað av farmi er við upp aftur úr Danmark. Tað eru enn mest feløg úr Eysturoynni og úr Suðuroy, sum hava tikið av tilboð- num frá Norlink, sigur Tór- hallur Thomsen. Høvuðshavnin verður Søldarfjørður, og so verður lagt at í Vági á veg niður aftur til Danmarkar. Lossað verður so norðan- fjørðs í Søldarfirði mána- dag, og vøran, sum kemur við skipinum, verður við lastbilum koyrd til innflyt- aran. Tað, sum skal til Suðuroyar, verður umborð, til skipið týsdag kemur til Vágs, sigur Tórhallur Thomsen. Heri Thomsen eigur frammanundan farmaskip- ini Skuran og Sirius, sum framhaldandi fara at sigla í fríari sigling millum Før- oyar og grannalondini. Í kjalarvørri Tróndar Tórhallur Thomsen, stjóri, í farmahøllini í Søldarfirði Upphavsmaðurin til tað heila, Heri Thomsen, gekk við myndatóli at goyma løtuna á Menn hittast at práta. Sumt hava teir felags, og annað ikki Fiskaframleiðarar eru væl altíð áhugaðir i nýggjari útflutningsrutu