fríggjadagur 11. mars 2005síða 10

10 Nr. 49 - 11. mars 2005 Leingi fyri ikki at siga nærum altið hevur føroyski búskapurin verið bundin at eini vøru, eini fram- leiðslu. Leingi var tað landbúnaðurin. So kom fiski- vinnan. Eftir tað kom so eisini alivinnan. Nú verður so tosað um aðrar vinnur at byggja framtíðar vinnu- bygnaðin á, eitt nú ferðavinnu, KT-vinnu, oljuvinnu og nú eisini tónleikavinnu. Hugaligt var at síggja seinasta nummarið av Kvinnu, har tað verður kunngjørt, at tað hevur eydnast blaðn- um at savna tríggjar av okkara fremstu tónlista- kvinnum á einum og sama palli í summar. Eivør, Guðrun og Lena skulu syngja í Keypmannahavn í juni. Vit kunnu bert taka hattin av fyri stigtakarunum til hetta tiltak, tí tað er júst slíkar vissiónir og veru- leikar vit hava brúk fyri. At savna tríggjar av okkara fremstu tónlistakvinnum á einum stórum palli í útlandinum er í tráð við tað, sum vinnulívsfólk, pol- itikarar og onnur hava tosað um, nevniliga hetta at vísa umheiminum, at Føroyar eru ikki bert fiskur og eitt reint hav. Føroyar eru eisini so nógv annað. Eitt nú yndisligar og hugvekjandi kvinnurøddir, sum kunnu vera við til at vekja áhugan fyri okkara lítlu tjóð og fólki. Eitt er at menna ein útflutning við føroyskum tón- leiki. Eitt annað er at brúka okkara frægu tónlista- fólk sum ambassadørar fyri okkara tjóð. Vit eru so von við at hoyra, av røttum, hvussu góðir ambassa- dørar føroyska fótbóltslandsliðið er fyri land okkara. Eivør, Guðrun og Lena eru og kunnu so sanniliga eisini vera góðir ambassadørar fyri tjóð okkara, men kanska fyrst og fremst fyri tað tær sjálvar standa fyri og duga. Vit eru øll fegin um at eiga fræg tónlistafólk sum hesi trý, og tað er okkara alra ynski og vón, at tað tey hava sett út í kortið, og sum skal geva ríkiligan ávøkstur, bert er ein byrjan. At her liggur eitt hav av møguleikum fyri framman: at gerast kend, at ríka heimin við teirra tónleiki og sangi, at skapa virði til sín sjálvs og land okkara og harvið loksins at vera við til at fjøltátta okkara búskap, soleiðis at hann fær fleiri bein at standa á. Gott í tykkum á blaðnum "Kvinnu" og tykkum tríggjar songstjørnur okkara, at tit í felag hava fingið hetta í lag. Tað er so eitt stig á leiðini at geva umheiminum smakk uppá, hvat før- oysk tónlistafólk goyma í sær og hvussu hesin skatt- ur kann koma flest møguligum til góða. DAGSINS MEINING Sosialurin Tónlistarligir ambassadørar VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Tóki Højgaard toki@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Teresa Jensen teresa@sosialurin.fo Hjørdis Gregersen hjordis@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Vilmund Jacobsen vilmund@sosialurin.fo Snorri Brend snorri@sosialurin.fo Magnus Gunnarsson maggi@sosialurin.fo Terji Nielsen terji@sosialurin.fo Anna V. Ellingsgaard anna@sosialurin.fo Eydna Skaale eydna@sosialurin.fo Ítróttur: Jákup Mørk jakup@sosialurin.fo Terji Nielsen terji@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 228814 e-post: aki@sosialurin.fo e-post: dagfinn@sosialurin.fo Sosialurin í Vágum: 360 Sandavágur tel. 333820, 220507 fax 333720 e-post: edvard@sosialurin.fo e-post: vagar@sosialurin.fo Uppseting/prent: Uppseting: Føroyaprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Innsent tilfar Av tí at vit fáa rættuliga nógv innsent tilfar sendandi – meira enn vit fáa í blaðið – hevur blaðleiðslan verið noydd at gjørt nakrar avmarkingar. Enn sum áður skal fult navn skal vera undir øllum innsendum greinum – annars verða tær ikki prentaðar. Harnæst tilskila vit okkum rætt til at ikki at taka við tilfar, sum eisini er sent øðrum bløðum ella hevur verið prentað aðrastaðni. Drúgvar greinar – greinar sum eru longri enn áleið 5.500 tekn, verða raðfestar lægri, og koma bert í blaðið, um pláss er fyri teimum. Tað er ein fyrimunur um vit fáa tilfarið umvegis teldupost ella á diskli. Globaliseringin er ein spennandi avbjóðing fyri Sambandsflokkin Svar til Andras Róin Kaj Leo Johannesen Sambandsflokkurin At allir føroyingar innan 2015 hava atgongd til breiðbandssamband er ein eins stór sjálvfylgja í dag sum útbyggingin av vega- netinum var í fimti-áru- num. Tað eru mangir føroying- ar sum eru ikki sørt ør- kymlaðir av øllum hesum nýggja, sum floymir inn yvir land okkara, bæði tá talan er um nýggja tøkni og um broytingar í okkara nærumhvørvi. Orð sum breiðbandi og elektroniskar peningaflytingar eru vorðin ein partur av føroyska ger- andisdegnum. Ein av stóru broytingun- um og avbjóðingunum í føroyska samfelagnum, er samhandilin við Evropa. Tað er upp til okkum sjálvi at taka støðu til, hvussu vit velja at síggja hesar av- bjóðingar. Um vit vilja skapa framhaldandi bú- skaparvøkstur og vælferð, so metir Sambandsflokkur- in at vit skulu síggja hetta rákið sum eina spennandi avbjóðing, sum, um vit brúka hana rætt, verður grundarsteinurin undir ein- um framtíðar vælferðar- samfelagi. Vilja vit ikki góðtaka hesar broytingar, men held- ur velja framhaldandi at síggja tær sum hóttanir, so koma vit at standa eftir sum eitt fjarskotið tilafturskom- ið land í Evropa. Vit mugu ongantíð ov skjótt brynja okkum til ta nýggju globalu kappingina í vinnulívinum. Siga vit nei til tað, so mugu vit eisini kunna vísa á, hvørjar aðrar møguleikar vit hava. Sambandsflokkurin metir at tann besti vegurin til framburð er at stimbra alla frælsa kapping í vinnulív- inum, og at sleppa okkum av við øll monopol sum tí- anverri hótta kostnaðar- støði í øllum heimsins sam- feløgum í dag. Harumframt skulu vit sum skjótast ger- ast ein samanrunnin partur av Evropa. Sambandsflokkurin er tann flokkurin sum hevur gjørt mest við at upplýst um hvat ES er fyri nakað. Tað hevur mangan verið ført fram, at um Ísland og Noreg gerast limir í ES, so verður støðan hjá okkum munandi broytt. Nú hendi tað so, at Framsóknarflokk- urin í Ìslandi setti treytirnar fyri ES limaskapi á dags- skránna, og í Noregi verður eisini fylgt væl við støðuni hjá Íslendingum. So er spurningurin hvar vit eru og hvat vit ætla. Sambands- flokkurin vil enn einaferð koma við eini áheitan um at fáa ES kjakið aftur á dags- skránna. Árni Vang Las tína grein, har tú svaraði aftur til Dimmu og SVF viðv. internet og Prix Føroyar. Eg fari ikki at siga mína meining um tað skuldi verið ókeypis at sæð Prix Føroyar á netinum ella ikki, men tá tú sigur at: M.a. hava flestu londini í dag ikki »flatrate«, og kostnaður, sum er nevnd- ur.... Hattar er entin ein beinleiðis lygn ella hevur tú ikki fingurin á pulsinum, hvat internet og flatrate í okkara grannalondum við- víkjur. Eg gjørdi eina sera skjóta leiting á netinum, tók mær minni enn 5 min., og eg brúkti bert Google, og fann, at í Norra er tað Telenor; Finnlandi eru tað Saunalathi og Tiscali, og í Danmark eru tað Telia, Cybercity og Stofanet, ið kunnu bjóða FLATRATE. Eru møguliga fleiri aðrar fyritøkur, ið bjóða flatrate internet í hasum londum, men eg haldi, at eg havi víst á nóg nógv dømir. Eg havi spurt meg sjálv- an, hví stjórin á Føroya Tele, ein maður, ið eg havi stóra virðing fyri, fyri tað arbeiði, tú og fyritøkan hava gjørt fyri samskifti í Føroyum, kann finna upp á at siga, at flestu lond ikki hava flatrate!?! Eg havi sjálvur búð niðri, og eg veit/skilji væl, at int- ernet-útbjóðarar her heima ikki kunnu bjóða somu tænastu sum t. d. í Dan- mark, men vinarliga ikki gera okkum fyri gjøldur við at samanlíkna tykkum við internet-útbjóðarar í Dan- mark, tí tit koma ikki upp á hálvan skógv av teimum. Búði har fyri fimm árum síðani, og longu tá vóru teir langt framman fyri, hvat tit eru í dag. Eg ælti ikki, at hettar skal blíva til eitt kjak millum meg og Føroya Tele ella Kall, men vil bara siga mína meining og rætta Andras Róin viðv. flatrate útbjóðing í okkara granna- londum. ps. Eg fann einki um flatrate útbjóðan í Svøríki, men haldi ikki, at tað er neyðugt.