týsdagur 15. mars 2005síða 8

8 Nr. 51 - 15. mars 2005 MARKNAÐARRÁK Undirskotið á amerikanska handilsjavnanum vaks í januar mánaða úr 55,7 mia. til 58,3 mia. dollarar. Tað er í stóran mun merkt av, at al- tjóða handilskvotur fyri klæðir vórðu strikaðar 1. januar. Klæðir verða í stór- an mun innflutt úr Kina. Hendan gongdin sær út til at kunna halda fram, og harvið framhaldandi leggja trýst á handilsjavnan. Tað er áhugavert, at høgi oljuprísurin ikki hevur havt nakra serliga ávirkan á handilsjavnan enn. Um oljuprísurin heldur sær á hesum høga stigi, kann hann einsamallur økja um undirskotið við umleið 4 mia. dollarum í februar ella mars. So er talan um størsta undirskot nakrantíð, og tað kann fáa dollaran at vikna enn meir frá teimum 1,34, ið fáast fyri hvøjra evru í løtuni. Lánsbrævarentur sveiggja enn 10-ára danska lánsbræva- rentan helt áfram at sveiggja millum 3,75% og 3,90% í síðstu viku. Tó var rákið uppeftir. Støðan á láns- brævamarknaðinum er merkt av, at íleggjarar ikki eru samdir um, hvørt rentu- hækkingin í februar var nóg stór ella ikki. Tískil kann væntast, at 10-ára rentan fer at halda áfram við stóru sveiggjunum millum 3,70%-3,95% nakað aftrat. Norrøn partabrøv Sum áður mett, staðfestu partabrævaíleggjarar vinn- ing í farnu viku. Hetta hendi eftir at norrøn parta- brøv støðugt hækkaðu und- anfarnu seks vikurnar, og fekk virðið á teimum at minka eitt sindur aftur. Dollarakursur, oljuprísur og amerikonsk smásøla fara at ávirka gongdina á partabrøvum hesa vikuna. Hesa vikuna Amerikanska gjaldsjavna- hallið fyri 4. árfjórðing 2004 og útlendsk keyp av amerikonskum virðis- brøvum í januar verða kunngjørd hesa vikuna. Marknaðirnir vænta størri gjaldsjavnahall og óbroytt- an eftirspurning eftir am- erikonskum virðisbrøvum. Hetta eru sera týðandi lyklatøl fyri dollarakursin, sum kann broytast nógv, um tølini ikki verða sum væntað. Dollarin kann vikna enn meira Donsk 10-ára renta Vísital fyri norrøn partabrøv Gjaldoyru Íløgufeløg Kursur +/- % Kursur +/- % USD 5,53 -1,6% Lánsbrøv í DKK 106,94 0,1% JPY 5,32 -0,3% Evru Lánsbrøv 171,11 0,0% GBP 10,66 -1,2% Norrøn Partabrøv 91,23 -1,6% NOK 0,91 1,0% Altjóða Vøkstur 60,69 -1,8% Broytingar eru útroknaðar í mun til fyri viku síðan. 3,5% 4,0% 4,5% 2004 2005 700 800 900 2004 2005 Vika 10, 2005 www.kaupthing.fo Føroyingar missa milliónir ÍLØGUVIRKSEMI jan@sosialurin.fo Føroyingar hava mist fyri kanska 100 mill. kr. í einum týskum íløgufelag, sum varð stongt hós- kvøldið. Keldur Sosialurin hevur tosað við meta, at einstaklingar og fyritøkur í Føroyum hesi seinastu árini hava sett stórar peninga- upphæddir í týska íløgu- felagið "Phoenix Kapitaldi- enst", sum hevur dyrgt við upp í 10 og 15% í avkasti/- rentu. Tilsamans 600 mill. euro av íalt 800 mill. euro eru horvnar stendur í grein í Berlingske Tidende og eisini endurgivið á DR heimasíðuni. Umleið 150 mill. euro koma frá íleggj- arum í danska kongaríkin- um herímillum Føroyum. Talan er um stuldur og falsknarí av skjølum og talan er meira og minni um totaltap. Tvs. at her verður einki at heinta aftur skilst. – Hetta er eitt sera, sera stórt problem. Íleggjararnir koma at missa nógvar peng- ar uppá hetta sigur Claus Schäfer, stjóri fyri donsku deildina hjá Phoenix. Jørn Astrup Hansen, stjóri í Føroya Banka sigur í stuttari viðmerking, at hann er vitandi um, at før- oyingar hava sett stórar upphæddir í felagið. – Okk- ara varhugi er, at týska fel- agið hevur verið virkið í Føroyum í nógv ár, og at føroyingar hava sett rætti- liga fittar upphæddir í felagið. At týska íløgufelagið Phoenix hevur verið virkið í Føroyum sæst m.a. á hesi reklamuni á B36 húsinum í Gundadali Mynd Jensk Vang Stjórin: - Rættiliga nógv missa pening Stjórin í Phoenix í Danmark, Claus Schæfer váttar at fyritøkan er í trup- ulleikum. Hvussu nógvur føroyskur peningur er í vanda fyri at verða mistur, kann hann ikki siga nakað um enn FÍGGJARHEIMUR Snorri Brend - Yes, you are right. We’ve problems! Soleiðis segði enskt- talandi stjórin í donsku deildini av "Phoenix Kap- italdienst", Claus Schæfer beint eftir middag í gjár. Allan fyrrapartin høvdu fólk, ið hava sett pening í fyritøkuna, ringt hana – og hann! - niður fyri at fáa at vita, hvat var á vási. Og ikki minst, um teirra pen- ingur framvegis var í góð- um hondum. Vit tosaðu við telefon- damuna, og hon váttaði beinanvegin, at fyritøkan var í trupulleikum. Hon stillaði okkum síðani víð- ari til ein annan mann, sum ikki vildi upplýsa okkum um, hvussu nógv- ur føroyskur peningur er í vanda fyri at verða mistur. Bæði tvey vístu til stjór- an. Men hann kundi lítið siga. – Eg havi úr at gera bara við at taka telefon- ina, segði hann við Sosi- alin. Hann hvørki vildi ella kundi upplýsa, hvussu nógvan pening, ið føroy- ingar høvdu sett í felagið. Tað yvirlitið hevði hann ikki við hondina. Claus bað okkum tosa við seg einaferð seinni um kvøldið. – Men eg kann tó siga so mikið, at fleiri fara at missa pening, segði Claus Schæfer, meðan næsta telefonin lá og bíðaði eftir honum.