týsdagur 15. mars 2005síða 7

Nr. 51 - 15. mars 2005 7 Íslendsk læknastova: Bjóðar føroyingum viðgerð fyri barnloysi Nú fáa føroyingar, sum teir fyrstu uttan- fyri Ísland, møguleika at koma í viðgerð á íslendsku lækna- stovuni ART Medica, ið hevur bestu úrslit- ini í viðgerðum fyri barnloysi í Europa. Stjórin á ART Medica, læknin Guðmundur Arason, hevur júst verið á vitjan í Føroy- um og kannað møgu- leikarnar fyri sam- starvi við føroyska heilsuverkið BARNLOYSI Anna V. Ellingsgaard anna@sosialurin.fo Nú um dagarnar var stjórin á íslendsku læknastovuni ART Medica, Guðmundur Arason, og kunnaði seg um møguleikarnar fyri sam- starvi við føroyska heilsu- verkið um viðgerð av før- oyingum fyri barnloysi. Sum er, fara allarflestu før- oysk pør, ið ynskja viðgerð fyri barnloysi til Dan- markar, hóast tølini vísa, at íslendska viðgerðin gevur munandi betri úrslit. Sam- bært yvirlitum hjá ESHRE, europeiska stovninum fyri eftirgjørdar barnsburðir, hevur íslendska lækna- stovan bestu úrslitini í Europa. Í miðal eydnast 40 % av viðgerðnunum hjá ís- lendsku læknastovuni fyrstu ferð, meðan heili 97 % hava givið gott úrslit eftir fýra ferðum. Sum dømi kann nevnast, at á ART Medica eydnast 38 % av IVF (reagensglas) við- gerðunum, meðan miðal- talið fyri væl eydnaðar IVF viðgerðir í Danmark liggur á 25 %. Skulu kunna velja Guðmundur Arason vísir á, at pør, sum ynskja viðgerð fyri barnloysi, sjálvsagt vilja vita, hvar útlitini fyri einum góðum úrsliti eru best. Tí eiga fólk eisini at verða kunnaði um royndir- nar og úrslitini hjá sjúkra- húsum og læknastovum í ymsum londum. – Sjálvt um siðvenjan er, at føroysk pør fara til Dan- markar at fáa hesa viðgerð eiga tey at vita, at tað finnast aðrir møguleikar, so tey sjálvi kunnu velja. Tað kann til dømis vera, at treytirnar ella aldursmarkið fyri at koma í viðgerð eru ymiskar, og tí er tað harmi- ligt, um fólk setast aftur, tí tey ikki lúka onkra treyt, sum ikki er tann sama alla- staðni, sigur Guðmundur. Fyri Guðmundur eigur tað sum útgangsstøði ikki at vera nakar munur á, hvør viðgerð stendur eini 25 ella 40 ára gamlari kvinnu í boði. Tað veldst um, hvør trupulleikin er. Ein 25 ára gomlul kvinna kann hava minst líka stórar trupulleik- ar við at gerast við barn, sum ein, ið er 15 ár eldri. Tí ræður um at koma í viðgerð sum skjótast, meðan møgu- leikarnir enn eru av teimum bestu. Møguleikarnir hjá eini kvinnu at gerast við barn minka sum kunnugt við aldrinum, men er heils- an góð er onki til hindurs fyri, at kvinnur upp til 42 ár kunnu at koma í viðgerð á ART Medica. Framleiður kvinnan ikki egg sjálv longur, verður viðgerðin framd við eggdonatión Beinleiðis í viðgerð Ætlanin hjá ART Medica og Guðmundi Arasyni er at bjóða føroyskum kvinnum at verða kannaðar av einum kvinnulækna á læknastov- uni har, so tær kunnu koma beinleiðis í viðger. Sum er, skulu føroyskar kvinnur fyrst kannast í Føroyum, áðrenn tær verða sendar víðari til viðgerðina. Hetta kann hava langa bíðitíð við sær, tí so fáir kvinnulæknar eru í Føroyum. Ein annar møguleiki er at íslendskir læknar koma hendavegin til dømis eina ferð um mán- aðin at hjálpa til við gyn- ekologisku kanningunum her heima, fyri at stytta um bíðitíðina, sigur Guðmund- ur Arason. At ART Medica nú bjóð- ar føroyskum pørum sum tey fyrstu uttanfyri Ísland hesa viðger, kemst av, at talið á føroyskum pørum, talan verður um, hóast alt er so mikið avmarkað, at læknastovan kann tryggja teimum, at tey ikki koma á ein langan bíðilista. Fyrr fóru allar viðgerðir fyri barnloysi í Íslandi fram á landssjúkrahúsinum í Reykjavík, har arbeiðs- orkan hjá kvinnulæknunum eisini varð brúkt til aðrar viðgerðir enn bara fyri barnloysi. Bíðitíðin var lang og tí var vónleyst at bjóða viðgerðina fram aðrastaðni enn í Íslandi. Síðsta heyst varð so av- gerð tikin um at flyta allar viðgerðir fyri barnloysi av landssjúkrahúsinum fyri at savna tær og serfrøðina á einum stað. Nú fara so allar hesar viðgerðir fram á ART Medica, ið verur rikin sum privat læknastova av kvinnulæknunum Guð- mundur Arason og Tórður Oskarsson. Fyri íslendskar ríkisborg- arar kostar ein viðgerð á ART Medica 26.000 kr, har landið rindar upp til 50 % umframt at heilivágurin er ókeypis. Í løtuni er Guð- mundur Arason í ferð við at kanna, hvussu føroyski og íslendski stuðulin kann samskipast út frá sam- tyktini hjá Føroya Lands- stýri, um at tað almenna fíggjar upp til tvey felags børn fyri barnleys pør, und- ir ávísum treytum. Vilt tú vita meira um ART Medica ber til at fara á heimasíðuna www.artmedica.is, sum skjótt eisini verður tøk á enskum. Guðmundur Arason, stjóri á íslendsku ART Medica læknastovuni, ið hevur bestu úrslitini í viðgerð fyri barnloysi í Europa