leygardagur 19. mars 2005síða 5

Nr. 55 - 19. mars 2005 5 P/F 14 hjá Poul Mohr Kjartan Mohr er nýggjur nevndar- limur í P/F Sandoy Seafood eftir endur- reisingina av felagnum FISKIVINNA Vilmund Jacobsen vilmund@sosialurin.fo Í samband við, at P/F 14, sum er eitt partafelag hjá Poul Mohr, hevur sett pening í P/F Sandoy Seafood, er sonur Poul, Kjartan Mohr, komin í nevnd felagsins. P/F Sandoy Seafood er felagið, sum eigur og rekur fiskavirkini á Sandi og í Skopun. Gamalt felag Poul Mohr sigur, at P/F 14 hevur sett nakað av peningi í P/F Sandoy Seafood fyri at hjálpa virkjunum í Sandoynni í gongd aftur, sum hann tekur til. Spurdur, hvaðani navnið á partafelagnum, P/F 14, stavar, sigur hann, at hetta er eitt rættiliga gamalt felag. - Hetta er eitt felag, sum er stovnað í 1936 – og navnið P/F 14 stavar frá, at hetta felag var nummar 14 í partafelagsskráset- ingini í sínari tíð, sigur Poul Mohr. Nýggjur stjóri á Kollafjord Pelagic Dánjal Jákup Andrea- sen sleppur nú at royna, um hann sam- an við sínum fólki kann megna at skapa lønandi vinnu á Kollafjord Pelagic STJÓRASKIFTI Vilmund Jacobsen vilmund@sosialurin.fo Stjórin á Kollafjord Pelagic eitur ikki longur Sofus Poulsen, sum í fleiri ár var stjóri á Rækjuvirkinum á Oyri, men sum í seinastuni hevur verið stjóri á pelag- iska virkinum í Kollafirði. Maðurin, sum er komin í hansara stað, er Dánjal Jákup Andreasen, ið hevur drúgar royndir sum fiska- virkisstjóri, eitt nú á Fiska- virkinum í Vestmanna. Sosialurin royndi í gjár at fáa fatur á fyrrverandi stjóranum, Sofusi Poulsen, men hann var ikki at hitta. Vit royndu eisini at fáa fatur á Dánjal Jákupi, men hann var á fundi í Havn. Nevndarformaðurin í Kollafjord Pelagic, Sverri Hansen, hevur seinastu dagarnar verið í Føroyum – og fer ætlandi avstað aftur til Íslands í dag, men heldur honum fingu vit fatur á, áðrenn blaðið fór til prentingar. Longu byrjaður Sum skilst, byrjaði Dánjal Jákup Andreasen í nýggja starvinum hósdagin, sam- stundis sum Sofus Poulsen gavst í hesi vikuni. Tað hevur gingið striltið hjá Kollafjord Pelagic, síðan virkið varð bygt í Kollafirði fyri nøkrum árum síðan. Ymiskar umbyggingar eru framdar á virkinum, og nýggj útgerð er sett upp, eins og felagið er vorðið endurskipað. Men líkt er til, at tað er torført at fáa lønandi virksemi innan víðu veggirnar í stóra bygninginum á havnalagn- um í Kollafirði. Sosialurin hevur skilt, at ongar broytingar eru farnar fram í nevndini aftanfyri Kollafjord Pelagic. Bjørn Kalsø, lands- stýrismaður í fiski- vinnumálum, hevur nú givið JFK-Troli innflutnigsloyvi til risatrolaran, Atlantic Navigator, sum er fyrrverandi American Monarch FISKIVINNA Vilmund Jacobsen vilmund@sosialurin.fo Gongst sum ætlað, verður risatrolarin, Atlantic Nav- igator, sum er fyrrverandi American Monarch, ein partur av føroyska fiski- skipaflotanum til heystar. Sambært Norðlýsinum, sum er lokalblaðið hjá norðoyingum, hevur lands- stýrismaðurin, Bjørn Kalsø, í vikuni givið JFK- Troli innflutningsloyvi til risatrolaran, sum ætlandi kemur í flotan í staðin fyri hin risatrolaran, Næraberg. Til heystar Í samrøðu við Norðlýsið, sigur reiðarin hjá JFK- Troli, Hanus Hansen, at gongst sum ætlað, kemur Atlantic Nagivator higar til lands einaferð í heyst. - Nú verður arbeitt við at fáa fíggingina upp á pláss, og gongur alt sum ætlað, vænta vit, at trolarin verður klárur at fara til fiskiskap fyri Næraberg einaferð í heyst, sigur Hanus Hansen. Manningin umborð á Nærabergi telir eini 80 fólk, men Atlantic Naviga- tor er eitt munandi størri skip, og tí er væntandi, at manningartalið við hesum skipinum verður væl omanfyri 100. Líkt er til, at torført er at fáa lønandi vinnu innan víðu veggirnar á pelagiska virkin- um í Kollafirði, Kollafjord Pelagic. Nú fær so Dánjal Jákup Andreasen høvi at royna seg eftir Sofus Poulsen, ið er farin frá sum stjóri Mynd: Jens Kr. Vang Helena landar mánadagin - Tað hevur bara ver- ið heilt fitt av fiska- arbeiði í vár, sigur Jason Johannesen, virkisleiðari á Fiska- virking í Miðvági FISKIVINNA Vilmund Jacobsen vilmund@sosialurin.fo Eini 60-70 fólk eru til ar- beiðis á virkinum hjá Fiskavirking í Miðvági, tá ið fullmannað er. Tey ar- beiða hýsu, sum verður virkað til portiónir. Ein minni partur av fram- leiðsluni fer í blokk, kanska ein triðingur ella so. Størsti parturin av rá- vøruni kemur frá línu- bátunum. Jason Johannesen, virkisleiðari, sigur, at væl av arbeiði hevur verið á virkinum í vár. - Tær fyrstu tvær vikur- nar í januar var lítið og einki at gera, men síðan hevur bara verið heilt fitt av arbeiði. Hann vísir á, at á mid- degi mikudagin var aftur turt gólv á virkinum, og síðan hevur einki verið at gjørt í gjár og í dag. Men mánadagin fara tey aftur til arbeiðis í Miðvági. Tá kemur línu- báturin, Helena, sum er heimahoyrandi í Klaks- vík, á Miðvág at landa. Smáur fiskur Jason Johannesen vísir á, at hýsan hjá línubátunum hevur verið smáfallandi, men tað hevur gingið hampiliga væl at fingið fatur á henni. Ein fittur partur av veiðini hjá bát- unum er hýsa, sum vigar minni enn eitt kilo. - Tað vísir seg, at allur fiskur er smáur. Hýsan er smá, upsin er smáur, og toskurin er eisini smáur. Jason hevur heft seg við tað, sum ein skipari segði í Sosialinum herfyri. Hes- in vísti á, at gýtingarupsin er nógv smærri nú enn fyri nøkrum árum síðan. Tað verður helst soleið- is, sigur Jason, at tá ið myndugleikarnir í fram- tíðini skulu friða gýting- arfisk, so verður tað tann smái fiskurin, sum verður friðaður! - Alt er so undarligt vorðið, heldur virkisleið- arin fyri. Atlantic Navigator kemur fyri Næraberg Atlantic Nagivator er nógv størri enn Næraberg, sum vit síggja á hesi myndini. Væntandi verða væl omanfyri 100 fólk við skipinum, sum ætlandi verður ein partur av føroyska fiskiskipaflotanum til heystar