leygardagur 19. mars 2005síða 26

26 Nr. 55 - 19. mars 2005 Fløgan við Eivør Pálsdóttir og DR Big Band er stór og góð og víðfevnd. Ein stórur gloypubiti, har ein tó kennir teir góðu og kendu smakkirnar aftur, men hesaferð kryddraðir øðrvísi TÓNLEIKUR Dagfinn Olsen dagfinn@sosialurin.fo Big Bandið hjá Danmarks Radio hevur megnað at fingið í lag útgávu, har gávuríka songkvinnan Eivør Pálsdóttir er við. Og í júst umvendari raðfylgju tykist tað øvugt, at fløgan eitur "Trøllabundin, Dan- ish Radio Big Band & Eivør Pálsdóttir". Tað átti sjálvandi at verið Eivør fyrst og síðani stóri hópurin av dugnaligum tónleikarum. Tað ber fløgan í hvussu er prógv um. Tí tað er í stóran mun Eivør, ið gevur útgávuni flog. Staðfestast kann eisini, at hetta er ein útgáva av teim- um stóru og góðskumiklu. Útsett Á fløguni eru løg, ið vit kenna frá undanfarnum út- gávum. Men her eru tey útsett fyri fleiri og øðrvísi ljóðføri. Útsetingin er ein onnur, men tó ikki so ólík teim undanfarnu. Men hetta er øðrvísi, spennandi, fleirfalt, stórt (big) og fleiri tónar eru at spæla við. Okkurt spenn- andi og heldur disharmon- iskt. Men harvið er ikki sagt, at hetta er tað, ið fellur lætt- ast hjá breiðu lurtara- fjøldini, uttan at niðurgerða nakran. Men á ein hátt er hetta, sum at koma at kenna Eivør aftur. Jazzkenda sniðið minnir meira um upprunan og hennara fyrstu fløgu við Ivory. Hetta sagt, eftir at tónarnir við Eivør og Bill Bourne hava ljóðmað longi. Har er talan um tað meira fólksliga. Og í øllum hes- um sæst so eisini, at Eivør spennir víða í sangvirksemi sínum. Frálíka guitarsolospælið í Mín Móðir er kærkomið frávik hjá teimum, ið halla meira til vísu og rocktón- leikin. Annars er at siga, at nógv kingo- og kvæðakent at hoyra. Lær meg Guð at Liva er meira jazzkent, og at útseta Guð fyri jazz er heldur forkunnugt á føroyskum. Men tað riggar. Big Hetta er ein stór útgáva. Bæði skilt sum góð og frálík, men eisini við teim mongu tónleikarunum, sum nú einaferð mynda eitt Big Band. Har eru eini 20 - 25 tón- leikarar, mest mannfólk, ið so dugnaliga passa blást- urin og ymiskt annað. Men tað skerst ikki burtur, at tað er Eivør, ið ber útgávuni uppi, so allur blásturin ikki er til fánýtis og fer unidir kav. Hinvegin er tað eisini meiningin.Hon skal bera útgávuna og restin vera undirlag. Soleiðis verður spælt og soleiðis er útsett í stóran mun. Og annan veg er vert at skriva sær handan bæði oyru, at tað er ikki ein og hvør, ið fær áheitan frá DR Big Band. Men samstarvið millum Eivør og Bigbandið er eydnast. Gleðiligt og spennandi er eisini, at í næstum fara tey á pall saman í Keypmanna- havn í Copenhagen Jazz- House. Samanumtikið kann stutt sigast um fløguna Trølla- bundin, at hon riggar. Ein skal tó gera sær greitt, at her er tað bigband tón- leikur, ið setur dags- skránna, tó at Eivør og hennara tilfar bera hesum uppi. Flott og væl avstaðfarið. Fløguhúsin boðar longu frá byrjan frá góðum. Sera snotiligur og við góðum myndum, har Eivør vát og trøllslig kemur úr vatninum (onkur teskaði greinskrivaranum, at hetta er tikið í Bláa Lóninum). Í øllum førum riggar tað, og kámu og glarkendu mill- umsíðurnar seta eisini rætta dámin á. Jú, ein kann og skal spæla fløguna ofta. Oftari og oftari. Hvørja ferð okk- urt at gerast trøllabundin av. Kanska er navnið ikki komið av ongum! Eivør útsett fyri mangt og hvat Áarvegur 6 · Tel 34 00 00 · www.ff.fo European Seafood Exposition 26. - 28. apríl Til messu í Brússel ... 11.280,- 12.510,- Vit flúgva beinleiðis til Brússel! Úr Vágum 25. apríl - heim úr Brússel 28. apríl Flogferð úr Vágum til/ úr Brússel. Kostnaður fyri hvønn íroknað flogferð, ferðaavgjald og gisting í 3 nætur u/ morgunmat: í einkultrúmi á Bedford Hotel.... í einkultrúmi á NH Atlanta Hotel.... Bert flogferðin báðar vegir íroknað ferðaavgjald...... Les meira á okkara heimasíðu flogfelag.fo 6.810,- Bílegging: í seinasta lagi 1. apríl !