mikudagur 23. mars 2005síða 5

Nr. 58 - 24. mars 2005 5 Leiðslan á Landssjúkrahúsinum fær frið fyri Hans Paula Strøm Hóast sjúkrarøktar- frøðingar hótta við verkfalli, fer lands- stýrismaðurin í heilsumálum ikki at leggja seg út í ósemj- una á føðideildini á Landssjúkrahúsinum LANDSSJÚKRAHÚSIÐ Áki Bertholdsen aki@sosialurin.fo – Eg fari ikki at leggja meg út í, hvussu leiðslan á Landssjúkrahúsinum legg- ur arbeiðið til rættis. Hans Pauli Strøm, lands- stýrismaður, fer ikki taka politisk stig til at forða leiðsluna á Landssjúkra- húsinum at seta umstríddu umleggingarnar á føði- deildini í verk. Sostatt er tað greitt, at hóast sjúkrarøktarfrøðingar- nir taka málið so álvarsliga, at tær hótta við verkfalli, rínur tað ikki við Lands- stýrismannin í hesum føri. Felagið Føroyskir sjúkra- røktarfrøðingar skrivaðu annars landsstýrismannin- um bræv í farnu viku, har tað heitti á hann um at bera so í bandi at ætlaðu um- leggingarnar ikki verða settar í verk. Felagið ger púra greitt, at tað fer ikki undir nøkrum umstøðum at góðtaka um- leggingarnar og tað fer at taka tey stig, sum eru neyð- ug at taka fyri at forða fyri, at tær verða settar í verk. Leiðslan á Landsjúkra- húsinum ætlar at siga nøkr- um sjúkrarøktarfrøðingum á føðideildini á Lands- sjúkrahúsinum upp og at lata ljósmøðurnar yvirtaka arbeiðið. Ljósmøðurnar eru á vakt kortini, men verða bara til- kallaðar, tá ið kvinnur skulu eiga. Leiðslan á Lands- sjúkrahúsinum vil tí hava tær at verða við í vanliga ar- beiðnum á føðideildini fyri at fáa meiri nyttu burturúr teimum. Tað fer at kosta átta sjúkrarøktarfrøðingum á føðideildini, starvið. Sjúkrarøktarfrøðingarnir siga, at tað er ein krígsav- bjóðing at taka røktina frá sjúkrarøktarfrøðingum og leggja hana undir ein annan fakbólk, sum tær siga ikki hevur røktarfrøðiliga út- búgving. Fer ikki at seta krøv Men landsstýrismaðurin ger púra greitt, at hann fer ikki at taka stig til at forða fyri, at umleggingarnar verða settar í verk. – Leiðslan á landssjúkra- húsinum er sett til at leiða og at skipa arbeiðið og tað fari eg ikki at leggja meg út í, sigur Hans Pauli Strøm. Hann ger heilt greitt, at tað er ikki uppgávan hjá polit- iska myndugleikanum at leiða og skipa arbeiðið á Landssjúkrahúsinum. Tí verður tað heldur ikki hann, sum fer at seta krøv til, hvør skal arbeiða hvar á Landssjúkrahúsinum. Hann vísir á, at leiðslan á Landssjúkrahúsinum er mannað bæði við einum sjúkrahústjóra, ein lækna- stjóra og einum røktarstjóra, so har eru bæði læknafrøðin og sjúkra-røkt-arfrøðin um- boðað í sjálvari leiðsluni. – Uppgávan hjá leiðsluni er at leggja arbeiðið á lands- sjúkrahúsinum til rættis, eisini á teimum einstøku deildunum og í hesum føri eru umleggingarnar gjørdar í samráð við depilsdeildir- nar á Landssjúkrahúsinum. Landsstýrismaðurin sig- ur, at í hesum førum hevur leiðslan á Landssjúkrahús- inum gjørt nakrar umlegg- ingar á føðideildini og á psykiatrisku deild. – Leiðslan hevur hvat var- hugan av, at stríð kundi fara at taka seg upp um hesar umleggingar og tí hevur hon eisini lagt tær fyri al- manna- og heilsumálaráðið og mær sum landsstýris- mann. Hans Pauli Strøm hevur somuleiðis boðað leiðsluni frá, at hann fer ikki at seta seg upp ímóti umlegging- unum. – Eg havi at vita, hvørjar avleiðingar hesar broyt- ingar hava og eg havi boðað frá, at eg fari ikki at seta meg upp ímóti teimum. – Tað kemur sostatt ikki upp á tal, at politiski mynd- ugleikin fer at leggja seg út í málið? – Nei, tað fari eg ikki. Eg virði rættin hjá leiðsluni á Landssjúkrahúsinum at leiða og skipa arbeiðið og tað vænti eg eisini, at sjúkra- røktarfrøðingarnir gera. Hans Pauli Strøm leggur afturat, at hesar umlegging- arnar eru als ikki gjørdar í óðum verkum. – Hetta eru umleggingar, sum er hava verið í umbúna í nógv ár og sum sostatt eru væl og virðiliga gjøgnum- hugsaðar. Hann leggur afturat, at Føroyar eru eitt lítið land og Landssjúkrahúsið hevur avmarkaða játtan og tað mugu vit liva við. Hann leggur afturat, at talan verður neyvan um, at uppsøgdu sjúkrarøktarfrøð- ingarnir á føðideildini koma at ganga arbeiðsleysir, tí tað er altíð brúk fyri teimum aðrastaðni í húsinum. Sjúkrarøktarfrøðingarnir leggja nevniliga dent á, at tað prinsipiella í málinum er, at talan er um at taka eitt røktarøkið og leggja tað uppí hendurnar á einum fakbólki, sum ikki er útbúgvin til tess og at tað kemur ikki undir hugtakið at leiða og skipa arbeiðið? – Jú, tað er tað. Her er talan um at leggja arbeiðs- gongdina um fyri at skil- bøta raksturin og størri gagn av tí arbeiðsmegi, sum er til taks og tað er ein leiðsluábyrgd. – Leiðslan hevur eisini ábyrgdina av, at allar mannagongdir eru fylgdar, tá ið slíkar umleggingar verða gjørdar og mær kunnugt eru tær tað. – Tí er ikki talan um at nakrar umleggingarnar á føðideildini eru smoygdar niðuryvir høvdið á nøkrum, sigur Hans Pauli Strøm. – Nú lækkar prísurin á farmaflutningi ímill- um Suðuroy og Havn- ina næstan niður í helvt PRÍSLÆKKING Áki Bertholdsen aki@sosialurin.fo – Hetta er einki minni enn størsta framstigið fyri vinnulívið í Suðuroy í nógv ár. So høgt metir Hendrik Old, løgtingsmaður, ætlan- ina hjá samgonguni um at lækka prísin á farmaflutn- ingi ímillum Suðuroy og Havnina. Hendrik Old er tingmað- ur fyri Suðuroy og hartil er hann formaður í Vinnu- nevndini hjá Løgtinginum og er tí ein av fremstu vinnuligu talsmonnunum hjá samgonguni. Prísurin á farmaflutningi ímillum Suðuroy og Havn- ina er so høgur, at í nógv ár hevur hann verið mettur sum ein stórur bági fyri at hava vinnulív í Suðuroy. Men týsdagin boðaði Jógvan við Keldu, lands- stýrismaður í innlendismál- um, frá, at samgongan hev- ur gjørt av, at prísurin á at flyta farm ímillum Suðuroy og Havnina skal javntsetast við prísin á at flyta farm ímillum Havnina og Sandoy og ímillum Leirvík og Klaksvík. – Tað merkir, at prísurin á at flyta farm ímillum Havn- ina og Suðuroy fer næstan niður í helvt, sigur Hendrik Old. Ómetaliga stórt framstig Hann sigur, at tað er nógv ár síðani at vinnan í Suðuroy hevur verið fyri so stórum frambroti, tí hann heldur, at hetta fer at vera ein ómetaliga stórur bati. Hereftir verða allir bilar yvir fimm metrar langir roknaðir sum farmabilar og nú fer prísurin á at flyta teir aftur og fram við Smyrli næstan niður í helvt. – Harumframt fer prís- urin á at flyta vanligan farm eisini niður í næstan helvt. Formaðurin í vinnu- nevndini leggur dent á, at her er ikki bara talan um at lækka prísin á at flyta fisk, sum mest hevur verið um- røtt. Her er eisini talan um at lækka prísin á ølllum farmaflutningi yvirhøvur. – Hetta fer at fáa ómeta- ligan týdning fyri alt vinnu- lív í Suðuroy, ikki bara fyri fiskivinnuna. Týdningurin fyri fiskivinnuna verður heldur ikki at forsmáa. Eitt nú hava tey, sum fáast við saltfisk í Suðuroy, mangan funnist at, at tað er ov dýrt at fáa salt til Suðuroyar, men tann prísurin fer nú niður í helvt. Men tað eru eisini aðrar fyritøkur, kanska serliga tær, sum fáast við tungan og stóran flutning, sum hava fýlst á flutningskostnaðin, men tað fer alt niður í helvt. – Samstundis fer hetta at geva bilaeigarum og flutn- ingsfeløgum í Suðuroy heilt aðrar møguleikar at bjóða seg fram at til flutning norð- ureftir og til at átaka sær flutningsuppgávur norðan- fyri, tí nú verður kostnaður- in av at flyta bilar við Smyrli ikki tann stóri trupulleikin, sigur Hendrik Old. – Hetta er tann einfald- asti og besti mátin at javnt- seta vinnulívið í Suðuroy við vinnulívið aðrastaðni, uttan at lata studning. Kostar tríggjar milliónir Tað hevur verið upplýst, at tað fer at kosta Strand- ferðsluni einar tríggjar milliónir í inntøkumissi, at prísurin á farmaflutningi ímillum Suðuroy og Havn- ina fer niður í helvt. Men Hendrik Old ivast ikki í, at hetta fer at føra við sær, at Smyril fær so nógvan farm at føra, at samanum- tikið fer tað at geva Strand- ferðsluni fleiri inntøkur. Hann vísir eisini á, at í hesum sambandi skal flutn- ingsstuðulin fyri at flyta fisk ímillum Havnina og Suðuroy eisini lækkað niður á sama støðið sum hann er fyri at flyta fisk ímillum meginlandið og Sandoynna og ímillum meginlandið og Klaksvík. – Soleiðis ber til at fíggja ein part av tí, sum hetta kostar. Men verður tað neyðugt við eini eykajáttan afturat til Strandferðsluna, verður tað gjørt, sigur Hendrik Old. Leiðslan á Landssjúkrahúsinum skal hava frið at arbeiða og tí fer Hans Pauli Strøm, lansstýrismaður, ikki at forða fyri umleggingunum á føðideildini, hóast sjukrarøktarfrøðingarnir hótta við verkfalli Størsta framstig fyri suðuroyingar í nógv ár Hetta fer at skapa heilt aðrar møguleikar fyri vinnuligum framburði í Suðuroy, sigur Hendrik Old, formaður í vinnunevndini