mikudagur 23. mars 2005síða 15

Nr. 57 • páskirnar 2005 • 24. januar 2005 • 79. árgangur • www.sosialurin.fo Skála størsti favoritturin Aftur í ár ber til at vedda um føroyskan fótbólt á NordicBet. Og nú ber eisini til at gita, hvør verður meistari VEDDING Jákup Mørk Eins og teir gjørdu tað í fjør, so fer veddingarfyri- tøkan, NordicBet.com, at hava dystir úr føroysku fótbóltslandskappingini í sínum útboði. Oddsini til fyrstu dystir- nar eru ásett, og sambært hesum, so er Skála størsti favoritturin at vinna sín dyst í hesum umfarinum. Oddsini hetta fyrsta umfarið síggja soleiðis út: VB-ÍF 2,10 3,65 2,50 GÍ-EB/S 2,15 3,80 2,35 Skála-TB 1,40 3,95 5,45 KÍ-HB 2,25 3,80 2,25 B36-NSÍ 1,70 3,35 3,80 Umframt einstøku dystir- nar, so hevur NordicBet í ár eisini sonevndu vinn- araspølini, har tú longu nú kanst spæla uppá, hvør verður meistari í ár. Her er HB favoritturin hjá fyritøkuni, meðan B36 og KÍ eru næst í røðini. Hartil ber eisini til at spæla sonevnt head-to- head. Tá skulu tvey lið veljast, og veddast skal so um, hvat av hesum verður fremri, tá allir 27 dystir- nir eru leiktir. T.d. kann spælast HB-B36, har HB gevur pengarnar 1,65 ferðir aftur, og B36 2 ferðir. Um spurningin, hvør verður føroyskur meist- ari, hevur veddingarfyri- tøkan annars hesi boðini. Tað kann sjálvandi verða justerað upp og niður, sum dystirnir líða. HB 2,10 B36 3,50 KÍ 4,50 EB/S 15,00 GÍ 20,00 NSÍ 30,00 Skála 40,00 ÍF 60,00 VB 70,00 TB 100,00 Øll verða javnstillað Lutfallið millum styrki og vekt verður avgerandi, tá besti rógvarin skal finnast á stórari rógvikapp- ing í Runavík RÓGVIKAPPING Jákup Mørk Fish-fair kappingin eitur rógvikappingin, sum NSÍ kappróður skipar fyri annað vikuskiftið. Her verður so møguleiki hjá bæði rógvarum og heil- um bátsmanningum at royna, hvussu formurin er, nú nýggja róðrarárið stend- ur fyri framman, og skal metast eftir tilmeldingini higartil, so er áhugin fyri kappingini sera stórur. – Longu nú hava nøkur og fjøruti teknað seg til kappingina í opna bólkin- um, so eg rokni við, at talan verður um heilt góða und- irtøku, sigur Sámal Han- sen, sum er ein av fyrireik- arunum hjá NSÍ. Styrki/vekt Í mun til FM-kappingina, sum varð hildin í Havn fyri stuttum, so er talan um eina broyting í reglunum, nú rógvast skal í Runavík. Tað ræður framvegis um at rógva málið sum skjót- ast, men tað er tó ymiskt, hvussu langurin teinurin á málið er hjá rógvarunum. – Vit hava valt at nýta ein altjóða góðkendan rokni- frymil, soleiðis at tað verð- ur lutfallið millum styrki og vekt, sum verður avgerandi. Í kappingarháttinum, sum verður nýttur í t.d. FM og DM, hevur ein stórur rógv- ari sín sjálvsagda fyrimun, tí maskinan sær ikki mun á, hvør rógvarin er. Tá hevur ein maður upp á eini 90 kilo sum oftast meira rá- styrki enn ein, sum vigar 65, men tann munin vilja vit burturbeina hendan dagin. – Mátingar, sum eru gjørdar, vísa, at fyri hvørt kilo, sum ein rógvari vigar meira, skal hann nýta 0,55% meira orku at fáa ferð á bátin. Tað er jú mun- ur á, hvussu tungt báturin liggur í sjónum. Hetta verð- ur so nakað, sum rógvi- maskinan tekur hædd fyri, og á tann hátt vil kappingin svara til, hvussu bátarnir høvdu flutt seg, um hesir rógvararnir veruliga sótu í báti – og ikki á eini rógvi- maskinum, sigur Sámal. Og lítið man vera at ivast í, at hetta er nakað, sum hevur stimbrað undir áhug- an fyri tilmelding. Eftir vanliga kappingarháttinum hevði lítil ivi helst verið um, at vinnarin av degnum fór at verða Jón Rosenblad, sum til FM-kappingina var eini 15 sekund framman fyri næsta mannin. Sjálv- andi kann hann framvegis vinna, men við sínum 95 kilo er Jón ein storur mað- ur, og tí skal hann rógva ein longri tein enn fleiri av lættaru kappingarneyt- unum. Góðir karmar Hóast stóru tilmeldingina, sum longu nú er veruleiki, so rokna fyrireikararnir tó ikki við, at talan verður um nakrar trupulleikar, tá kappingin skal avgreiðast. Ítróttarhøllin í Runavík verður karmur um tiltakið, so plássi er ovmikið av. Rógvimaskinur verða lænt- ar frá feløgum kring landið, so eisini hetta skuldi verið upp á pláss, og heldur til- meldingin somu ferðina, sum hon hevur gjørt, so verður talan eisini um hóp- in av róðrarfólki. Sjálv bólkingin av róðrarfólki verður eisini nakað øðrvísi hesaferð, enn hon var til FM-kappingina, sigur Sámal. - Kappingarhátturin legg- ur upp fyri vektarbýtinum, sum vanliga verður nýtt, og tí hava vit valt, at vit heldur vilja býta luttakararnar eftir aldri. Hesi verða flokkað soleiðis, at tey 12-15 ára gomlu kappast fyri seg, 14- 18 ára gomlu fyri seg, 18- 35 ára gomul fyri seg, og so verður ein bólkur fyri veteranar eisini. – Hartil verður so talan um stafettir, og her er bólk- ingin eftir bátsmanningum. Tað vil siga, at 10-manna- før kappast fyri seg o.s.fr. Áskoðaravinarligt Tað skerst ikki burtur, at hóast rógving á eini maskinu kann ljóða sum eitt ítriv, sum at kalla bara er ætla til fantastar, sum hvønn dag stríðast móti sær sjálvum og eini maskinu, so er tað at rógva á maskinu ein sera áskoðaravinarlig ítrótt. Teldutøknin ger tað nevnliga gjørligt við áskoð- arunum at fylgja við, hvussu gongst einstøku rógvarunum, og í Runavík verður nógv lagt fyri í so máta. Allar maskinurnar verða íbundnar eina teldu, sum varpar rógvingina upp á stórskíggja. Her verður kappingin sýnd, sum vóru rógvararnir á einum vatni, so áskoðararnir veruliga síggja, hvussu munurin er. Rógvaranir sjálvir hava eitt display á maskinuni, har teir alla tíðina síggja, hvar teir eru í feltinum, eins og metrarnir aftur og fram til næsta rógvaran framganga. So eisini hjá teimum man hetta vera meira hugaligt, enn at rógva einsamallir. Umframt Fish Fair, sum er høvuðsstuðul, eru Før- oya Tele og Føroya Bjór eisini stuðlar til tiltakið. Og eisini hesi fara at seta dám á. Fartelefonir verða lutaðar burtur millum luttakarar- nar, og verður hitin og tost- in ov nógvur, so hava teir á Føroya Bjór nóg mikið av isotoniska Spark við, so- leiðis at eisini tann síðan av sakini skuldi verið í lagi. Tilmelding til kappingina fer annars fram á www.itrott.info, har reglur v.m. eisini framganga. Dystaryvirlit Fótbóltur 1. deild menn Dagur dystur dómari 28.03 VB-ÍF Birgir Sondum 28.03 GÍ-EB/S Lassin Isaksen 28.03 Skála-TB Páll Augustinussen 28.03 KÍ-HB Suni Johansen 28.03 KÍ-VB Dagfinn Olsen Hondbóltur Sunset-kappingin Dagur kl. Dystur 24.03 14.30 StÍF-Stjørnan 24.03 14.30 Kyndil-Tjaldur 24.03 14.30 VB-Neistin 24.03 14.30 VÍF-Søljan Roknað verður við stórari luttøku, tá NSÍ kappróður skipar fyri rógvikapping mynd: www.drekin.fo