mikudagur 23. mars 2005síða 16

16 Nr. 58 - 24. mars 2005 Styrkisroyndir á skránni 1. deild eitur nú Formuladeildin KÍ, HB, B36 og NSÍ verða øll mett millum liðini, sum kunnu gera seg galdandi. Longu fyrsta umfarið fæst ein ábending á, hvussu tey eru fyri, nú álvarin aftur er í bóltspælinum UPPTAKT Jákup Mørk Fyri ein ítróttarskrivara kann tað vera eitt sindur møtumikið, at fótbólts- landskappingin byrjar um høgtíðina. Serstakliga tí hetta ger tað at kalla vón- leyst at hava eina feska upptakt til ymsu liðini, sum skulu í eldin annan páska- dag. Í so máta kundi tað verið ynskiligt, at fyrstu dystirnir vórðu spældir skírisdag, men tá vildi talan helst verið um hálvgum ræstar dystarfrásagnir, tá næsti útgávudagurin er um knappa viku, so alt í alt fær tað helst ikki verið øðrvísi enn tað sama. Hinvegin verður lesarin ikki snýttur fyri fót- bóltsskriving um høgtíðina, tí í blaðnum í dag er stóra fótbóltsblaðið hjá Sosialin- um, sum vit í dag geva út sjeynda árið á rað. Brak í Klaksvík Fyri fyrstu ferð verður fót- bóltslandskappingin í bestu deildini – sum nú eitur Formula-deildin - í ár leikt yvir 27 umfør, og longu í tí fyrsta av hesum eru tvær styrkisroyndir, sum tykjast serstakliga áhugaverdar. Ikki minst kann talan gerast um ordans brak í Klaksvík, har javnaldrarnir báðir, KÍ og HB, fara at tak- ast. Seinnu árini hevur HB havt munin, og ikki minst man tað níva í Klaksvík, at HB nú skal roknast sum mest vinnandi felag í landinum. Seinasta vikuskifti vunnu bæði liðini seg víðari í steypakappingini, og hjá HB mundi sjálvsálitið fáa eitt lop rætta vegin, tá teir uppiborið vunnu á NSÍ. Hinvegin ber illa til at nýta 7-1 sigurin á Fram sum nakað mát fyri styrkina hjá KÍ í ár. Hinvegin kunnu klaksvíkingarnir líta aftur á KÍ-kappingina fyrr í mánaðinum, har teir vunnu 4-1 á HB. Tann dystin varð sagt, at spælið hjá KÍ var á eini heilt, heilt góðari leið, og so er spurningurin, um teir megna at finna tað spælið framaftur. NSÍ sýndi til tíðir veik- leikar, tá teir vitjaðu HB farna sunnudag, og hesa- ferð skulu teir so aftur í Gundadal. Hesaferð móti B36. Í árstalsfelagnum hava teir í ár enn einaferð styrkt sær um liðið, og vónin er heilt greitt, at silvurið frá í fjør skal skifast um við gull í ár. Sigurin á Skála í steypakappingini bar boð um, at liðið er við at vera væl fyri, og megna teir at leggja fyri við einum sigri á NSÍ, sær kanska slettis ikki so galið út, hóast tað fram- vegis eru 26 dystir eftir tað at spæla. TB sum ókendur faktorur Í Vági verður endurtøka av 1/8-finaluni í steypakapp- ingini, tá ÍF kemur á vitjan. Sunnudain vann ÍF tepran sigur vesturi á Eiðinum, og verður úrtøkan hin sama hesaferð, er einki at ivast í, at teir eru væl nøgdir. Í Gøtu hevur EB/Streym- ur staðið seg væl seinnu árini. Teir eru tó skerdir av leikbanninum, sum Marni Djurhuus hevur, eftir at hann fekk reytt kort sein- asta vikuskiftið. Gøtumenn hava seinnu árini lagt dent á at byggja eitt nýtt lið upp, og so verður spennandi at síggja, hvønn íblástur Sám- al Joensen og Magni Jarn- skor kunnu geva ungu monnunum. Seinasti dysturin verður á Skála, har heimaliðið má roknast sum stórfavorittur, nú TB kemur á vitjan. Hin- vegin kann TB yvirraska í ár, tí liðið hevur fleiri ókendar faktorar. Ikki minst verður spennandi at vita, í hvønn mun nýggju útlendingarnir fara at styrkja um liðið. Fótbóltssamband Føroya hevur gjørt stuðulsavtalu við KT- fyritøkuna For- mula.fo um at verða høvuðsstuðul hjá fremstu deildini í mansfótbólti. Tískil er nú einki, sum eitur 1. deild, men ístaðin er komin Formula- deildin FORMULADEILDIN Terji Nielsen terji@sosialurin.fo Á tíðindafundi í FSF-hús- inum mikumorgunin bleiv stuðulsavtala millum Fót- bóltssambandið og For- mula.fo undirskrivað. Av- talan inniber, at gamla 1. deildin í mansfótbólti nú eitur Formuladeildin. Báðir partar fegnir um avtaluna Tað vóru teir báðir Óli Holm og Torkil Holm Pet- ersen, ið vegna ávíkavist FSF og Formula.fo, undir- skrivaðu avtaluna, sum í fyrstu atløgu er galdandi fyri hetta kappingarárið. Báðir partar søgdu, at teir vóru fegnir um avtaluna. Formaðurin í FSF, Óli Holm, segði á tíðindafund- inum, at Fótbóltssamband- ið hevði arbeitt við málin- um í umleið eitt hálvt ár. Hugskotið til at fáa ein høvuðsstuðul til fremstu deildina, hevur FSF fingið úr okkara grannalondum, har tað er púra vanligt, at landskappingarnar hava ein høvuðsstuðul. Til dømis eitur tað jú SAS-ligain í Danmark, Landsbanka- deildin í Íslandi og Tippe- ligain í Noreg. Formula hevur sum ábyrgd at stuðla Forstjórin hjá Formula.fo, Torkil Holm Petersen, segði, at KT-fyritøkan var sera fegin um, at tað var hon, ið gjørdist fyrsti høv- uðsstuðulin hjá fremstu deildini í føroyskum mans- fótbólti. Torkil Holm Petersen greiddi frá, at tað ofta verður spurt, um fyritøkur fáa nakað aftur fyri stuðul- in. Eftir hansara tykki er tað ikki tað mest týdning- armikla, tí ein fyritøka sum Formula.fo hevur sum ábyrgd at stuðla ítróttinum í ávísan mun. Torkil Holm Petersen segði eisini, at Formula.fo ikki hevur sett FSF nakrar treytir fyri, hvussu stuðuls- peningurin skal býtast, tí eftir hansara tykki hevur Fótbóltssambandið betur førleika til at gera hetta. Feløgini fáa sín part av pengunum Óli Holm, formaður í Fót- bóltssambandinum, var sera fegin um, at tað hevur eydnast FSF at fáa ein høv- uðsstuðul til kappingina. Spurdur hvussu stuðuls- peningurin verður nýttur, segði Óli Holm: - Feløgini í 1. deild fáa sjálvsagt sín part av pengunum. Nakað skal eisini nýtast til leikara- menningina hjá FSF, men enn er endaliga býtið ikki gjørt. Fyri einum ári síðani gjørdi HSF líkandi avtalu um fremstu deildirnar hjá kvinnum og monnum, men HSF rendi seg í ávísar trupulleikar, tí tað hevur víst seg, at luftmiðlarnir treyðugt vilja nýta nýggju heitinum hjá teimum báð- um kappingunum. Hetta sama kann fara at gera seg galdandi í sambandi við fótbóltin, men Óli Holm sigur, at FSF ætlar sær at fara á fund við stjóran fyri ÚF og SVF, soleiðis at hetta kemur í rættlag. Hóast 1. deild nú kemur at eita Formuladeildin, so verður ikki gjørt sum í hondbóltinum, har fyrr- verandi 2. deild nú eitur 1. deild. Í fótbóltinum verður 2. deild verandi 2. deild. Tvær ferðir Holm, Torkil og Óli, taka lógvatak. Formula.fo er nú høvuðsstuðul fyri bestu fótbóltsdeildina í landinum Mynd: Jens Kr. Vang