leygardagur 2. apríl 2005síða 4

4 Nr. 62 - 2. apríl 2005 Á skatturin, skatt- urin, eitur nýggj bók, sum nú er komin á marknaðin. Men hóast heitið kundi bent á eina kærleiks- søgu av onkrum slag, so er talan tó um meira kontant og ítøkilig virði ÚTGÁVA Jákup Mørk Talan er nevnliga um út- gávu hjá frá Charles Adams, sum er professari í skattsøgu og serfrøðingar í altjóða skattarætti. Bókin snýr seg fyrst og fremst um skattin sum hugtak. Hvussu hesin er íkomin søguliga og – ikki minst – hvussu hesin ávirk- ar samfeløgini á ymsan hátt. Aðra staðni hevur bókin fingið sera góð ummæli, og er tað enntá sagt, at Charles Adams við hesum hevur framt eitt ómøguligt bragd. Nevnliga at gera søguna um skatt til áhugaverdan lesna. Tað er Óli Breckmann, sum hevur týtt bókin, men hóast hann og Adams kanska ikki hava ólíkar áskoðanir um skatt, so heldur hann ikki, at hetta hevur eggjað honum til at fara undir arbeiðið. - Maðurin er jú vísinda- maður, og tí arbeiðir hann út frá nøkrum givnum kri- terium, sum hann hevur sínar grundgevingar fyri. - Kanska er hann eisini ávirkaður av sínum forfedr- um í so máta, tí eg meini, at hann er av jødiskum upp- runa. - Jødarnir hava eisini í hesum sambandi eina sera sentrala og forvitnisliga skattsøgu. Eina søgu, har tey ferð eftir ferð verða skrædlað í skatti, rikin út í næsta land fyri síðani at verða skrædlað einaferð afturat. - Tað haldi eg hevur ávirka høvundin í hansara áskoðan á rímiligheitina í skatting, men talan er framvegis um eitt verk, sum er vísindaliga væl frágingið, leggur Óli dent á. Óli vísir annars á, at júst hetta við proportionali- tetinum í skattinum – rímiligheitini – er nakað, sum Adams gevur stóran ans. - Hann hevur eina ógvu- liga filosofiska tilgongd til hetta, og hugleiðir hann nógv um, hvussu rími- ligheitin kann mátast og ikki mátast. - Júst hesum viðvíkjandi hava vit báðir kanska eins áhugamál, men tað eru sum so ikki hesi, ið hava fingið meg at fara undir arbeiðið. Tað hevur bara verið per- sónligur áhugi – og ikki politiskur – sum hevur fingið meg at fara undir týðingina. Sjálvur helt eg í øllum førum, at hetta var góður lesnaður, og at tað loksins var gjørligt at fáa hetta slag av upplýsing, sigur Óli Breckmann. Hann leggur aftur, at hann fekk púra fríar teym- ar, tá bókin skuldi um- setast, men at hann kortini ikki hevur tikið nøkur før- oysk viðurskifti við í sjálvari bókini. Bíleggingarseðlar til bókina eru helst komnir flestu húskjum í hendi, og kostar hon 190 krónur um- framt vanligt postgjald. Skatturin hjá Óla Skatturin hjá Óla snýr seg ikki um kærleika millum menniskju, men um tað slagi av skatti, sum tey í Fíggjarmálaráðnum hava um hendi