hósdagur 7. apríl 2005síða 19

Nr. 65 - 7. apríl 2005 19 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Almannastovan nýtt búmerki Í sambandi við 30 stovningardagin hevur almannastovan fingið nýtt búmerki, sum lýsingarstovan Krea í Saltangará hevur designað. Búmerkið varð alment sýnt fram undir móttøkuni seinasta fríggjadag TÍÐINDASKRIV Vit síggja tríggjar formar, sum koma saman soleiðis, at annar endin á teimum fer inn í eina felags miðju, og hin gongur út úr miðjuni. Formarnir eru allir eins, og saman mynda teir ein tríkant. Teir tríggir formarnir umboða tríggjar ymiskar persónar. Hesir persónarnir hava tvær hendur, har vinstra hondin á øllum trimum er rætt inn móti eini felags miðju, og høgra hondin gongur út úr miðjuni. Hetta merkir, at allir partar geva og allir partar fáa. Tað eru tríggir litir í búmerkinum. Hetta skal av- spegla, at ein sær persónarnar, sum almannastovan tænir, sum einstaklingar, sum hava sín egna karakter og sítt egið virði, og sum ein tænir við atliti til tess. TÍÐINDASKRIV "Je´eri Valari" verður allarhelst sungin nakrar ferðir hin 18. juni komandi, tá ið "Valarar hittast" í Val- inum á Tvøroyri. Ein bólk- ur av "gomlum" valarum hevur tikið stig til at fyri- skipa hátíðar- og veitslu- hald fyri teimum, sum hava serligt tilknýti, eru upp- vaksin í ella ættað úr Valin- um. Tiltakið verður 18. juni 2005 í Valinum. Um dagin verður skipað fyri fólka- fundi í Valarabrekkuni og forkunnugari framsýning í Fylking við gomlum mynd- um /filmum úr Valinum. Seinni á kvøldi verður ítróttarhøllin í Trongisvági karmur um stórfingna veitslu við góðum mati, undirhaldi og dansi. Fyri- reikararnir rokna við at stórur áhugi verður fyri tiltakinum. Tað er neyðugt at melda seg til tiltakið, sum verður lýst í bløðun- um. Prógv 5. apríl tók Signa Joensen cand.phil.-prógv í »Norðurlendskum, serliga føroyskum máli og bókmentum« á Føroyamálsdeildini á Fróðskaparsetri Føroya. TÍÐINDASKRIV Leygardagin tann 9. apríl frá kl. 16 - 20 verður klædnaframsýning í Riber- húsi í Fuglafirði, har høvi verður at síggja og keypa nýggju klæðir okkara til várið. Her fáast klæðini til ta lítlu eins væl og ta stóru kvinnuna. Klædnaframsýning í Riberhúsi Valarar hittast … Í dag fyllir Herluf Joensen, vanliga nevndur Herluf á Heygum, 80 ár. Hann er føddur í Hvalvík 7. apríl 1925, harhann hevur búð mest sum alla sína lívstíð. Herluf er sonur Jógvan og Jóhonnu Joensen á Heygum, bóndahjún í Hvalvík. Er giftur við Óluvu, dóttur Poul og Sannu Andreassen av Oyrarbakka. Herluf og Óluva eiga fýra synir: Jógvan Páll, Súni, Jeffri og Hall- dórur, umframt átta abba- og ommubørn: Beinta, Hallur, Bjørt, Pól, Brian, Allan, Talita og Óluva. Hann fekk tíðliga saman við elstra bróðrinum ábyrgdina av arbeiðnum á garðinum. Faðirin, Jógvan av Heygum, var sjúkur og doyði longu tá Herluf var 16 ár. 19 ára gamal fór hann til Íslands at arbeiða á bóndagarði. Heimaftur komin var Herluf til skips, og aftan á arbeiddi hann á Hvalastøðini við Áir. Gravkúgvin, sum Hvalvíkar kommuna keypti, nevnd Hvalvíks- kúgvin, kom í 1950, og fekk Herluf tilboðið at vera traktorførari. Hetta var einasta gravkúgv í landinum og kom eisini at verða ein kollvelting innan vegagerð í Føroyum. Fyrsti vegur, sum varð gjørdur við grav- kúgv, var millum Hvalvík og Áir- nar og síðan Hósvík og Áirnar. Landsverkfrøðingurin sá stóra framstigið og vildi hava gravkúnna til Vestmanna at hjálpa SEV við vatnútbyggingini. Eftir tingingar við Hvalvíkar kommunu varð farið um fjallið við gravkúnni til Vest- manna. Í 1956 avger Landsverkfrøðing- urin at keypa gravkúgv og bjóðar Herlufi at føra hana, og hann tekur av. Síðan byrjar tíðarskeiðið við vegagerð við maskinu hjá landin- um. Byrjað varð á Skipanesi og inneftir. Seinni varð farið til Suður- oyar at gera veg millum Hov og Tvøroyri. Eitt tíðarskeið búði Herluf við familju við Gjógv, meðan vegurin Gjógv-Funningur og Eiði varð gjørdur. Og eitt tíðarskeið í Vík, meðan vegurin Tjørnuvík-Streymnes varð gjørdur. Nú var gongd komin á vegagerðina og fleiri maskinur vórðu keyptar inn. Herluf tók ímóti teimum nógvu fyrstu maskinunum, og varð stórt álit víst honum í hansara yrki hjá Landsverkfrøðinginum. Hann arbeiddi sum traktoraførari hjá landinum í samfull 40 ár. Herluf hevur altíð átt bát og dámar serstakliga væl at vera á floti og til útróðrar. Seinnu árini sjálv- andi sum stuttleikatúrar. Seyða- haldið hevur fylgt honum alt lívið og í egnum seyða- og hoygghúsi kunnu nógvar løtur koma og fara uttan at ein varnast tíðina. Tær og konu tíni verður ynskt hjartaliga tillukku við degnum. Vónandi fáa tit ein góðan og hugnaligan dag. Vinarlig heilsan Synir við familju Herluf 80 ár Teitur Lassen er aftur heima á klettunum og fer á pallin í Rex fríggjakvøldið TÓNLEIKUR dagfinn@sosialurin.fo Teitur Lassen er heima aft- ur á klettunum. Hann ferð- ast dúgliga úti í heimi við tónleiki sínum, men fríggjakvøldið er túrurin aftur komin, til at føroy- ingar sleppa at lurta eftir Teiti á palli. Teitur fer fríggjakvøldið á pallin í Rex í Havn. Teitur og guitarin fara at spæla vælkendu løgini, ið hava víst seg at standa mát úti í heimi eisini, og kanska verður okkurt nýtt og for- vintisligt at hoyra frá hon- um, tí nú er ein løta síðani at hann stóð á føroyskum palli seinast. Teitur í Rex fríggjakvøldið