týsdagur 12. apríl 2005síða 5

Nr. 68 - 12. apríl 2005 5 Á Norðoya Heima- virki eru tey farin at brynja seg út til summarið. Ætlandi fer at verða meir gjørt burturúr søguliga umhvørvinum, har handilin liggur, nú ferðafólk eru byrjaði at leita sær til Norð- oyggjar HEIMAVIRKI Anna V. Ellingsgaard anna@sosialurin.fo Klaksvík: Á Norðoya Heimavirki eru tey so smátt farin at fyrireika seg til summarið og ferðafólkini. Maria Marstein, sum dag- liga starvast í handlinum og eisini stendur fyri innkeypi, heldur eitt vakið eyga við, hvørjar vørur eru á lagri, og hvørjar hon má skaffa meir av. Onkrar av vørunun keypir hon frá virkjum, sum framleiða føroysk pløgg, og aðrar keypir hon frá limum í felagnum, sum bæði virka pløgg og ymsar lutir til handilin at selja. Søguligt umhvørvið Á hvørjum ári móti sumri byrjar ein javnur streymur av bussum við ferðafólki á útferð til Klaksvíkar. Sum oftast er ein vitjan inn á Norðya Heimavirki ein fastur táttur á hesum út- ferðum, men Maria fílist eitt sindur á, at so lítil tíð ofta er sett av til at vitja í handlinum. Tá ferðafólka- bussarnir koma, verður vanliga fyrst steðga við Christianskirkjuna og síðani við Fornminnissavn- ið. Síðani verður stegðað við Heimavirkið á veg til ferjuna aftur, men tá mugu ferðafólkini sum oftast skunda sær rættiliga nógv. Og ofta vísir tað seg, at tey høvdu havt hug at steðga longri, tí tey vóru ikki greið yvir, hvussu nógv ymiskt er at fáa í handlinum. - Nú ein dagin steðgaði ein bussur við einum bólki av kvinnum úr Danmark her. Tær vóru púra ovfarnar av stóra úrvalinum og keyptu heilt fitt av vørum. Men tað var ongin ivi um, at tær fegnar vildu steðga longri, men stundir vóru ikki til tað, um tær skuldu náa Dúgvuna, sigur Maria. Maria vísir á, at Noroya Heimavirki liggur beint í einum tí søguríkasta stað- num í Norðoyggjum. Hand- ilin húsast á Biskupstø í einum av gomlu bygning- unum hjá Kjølbro, har vakra standmyndin hjá Hans Paula Olsen av Kjøl- bro stendur í túninum framman fyri handilin. Navnframi Nólsoyar Páll búði eisini beint við á bóndagarðinum á Myrkjan- oyri, og søguligi Bátaverk- staðurin hjá Jákupi bónda á Biskupstø er eisini nærm- asti granni. - Tað hevði verið huga- ligt, um vit kundu fingið onkran at greiða ferðafólk- unum frá øllum hesum og soleiðis gjørt vitjanina á Norðoya Heimavirki enn meir áhugaverda, heldur Maria. Føroysk klæðir av landinum Ferðafólkini, sum vitja á Heimavirkinum, eru altíð áhugað í at keypa føroyskar troyggir, men áhugin fyri teimum smærri heima- gjørdu vørunum er serliga stórur. Hesar hava tey sum oftast á lagri, tí limirnir í felagnum eru sera ídnir at selja handlinum ymiskt heimagjørt, bæði pløgg og lutir. Handilin hevur gjørt lítið við at upplýsa um, at skóleistar, vøttir, hosir, pannubond o.a er heima- bundið, og tað eru ferða- fólkini oftast sera ovfarin av at hoyra, tí slíkt fæst næstan ikki longur, hoyrir Maria tey ofta siga. - Vit føroyingar taka tað jú sum eina sjálvfylgju at, slík pløgg eru heimabund- in, men tað gera ferða- fólkini avgjørt ikki. So kanska skuldu vit sett eitt lítið merki í, har tað stóð "Handmade in Klaksvík", smílist Maria. Á Heimavirkinum hava tey eisini alt til føroysk klæðir, og tey bjóða seg eisini fram at seyma vestar og skjúrt fyri fólk, um tey ynskja tað. Eisini er tað meir enn so komið fyri, at handilin hevur fingið bí- leggingar uppá føroyska búnan aðrastaðni frá. Heilir kvinnubúnar eru sostatt fleiri ferðir sendir til Noreg og Grønland, greiðir Maria frá. Føroyskar mótatuflir Hesa løtuna, vit vitja inni á Norðya Heimavirki, kemur ein av limunum inn á gólvið at práta við Mariu um onkran lut, hann kundi hugsað sær at farið í holt við. Maria er sera spent at vita, um hann møguliga dugir at gera føroyskar tufl- ir. Jú, heldur maðurin. Tað skuldi nokk borið til, um hon veit at siga honum, hvar hann kann skaffa leður. Vit spyrja Mariu, hvør er áhug- aður í at keypa føroyskar tuflur og fáa at vita, at eftir- spurningurin millum føroy- ingar eftir hesum tuflum er í hæddini beint nú. Hond- gjørdu føroysku tuflurnar eru nevniliga vorðnar hægsti móti aftur saman við føroyska búnanum - bæði hjá monnum og kvinnum. Sum heild letur Maria væl at stuðlinum, handilin fær frá norðoyingum. Tað er til dømis heilt vanligt, at fólk velja at støkka inn á gólvið hjá Heimvirkinum, tá ein føðngardagsgáva ella gávur til onnur serstøk høvi skulu keypast. - Jú, vit eru væl nøgd. Tá vit byrjaðu, var tað onkur, sum spáddi, at handlinum kanska fór at vera lív lagað í eini 10 ár. Nú havi vit verið her í meir enn 20 ár, og alt bendir á, at áhugin fyri okkara vørum bara økist, sigur ein bjartskygd Maria Marstein. Vit kunnu bjóða eitt gott arbeiðspláss við góðum starvsfeløgum. Løn sambært avtalu. Hevur tú spurningar, kanst tú seta teg í samband við Ullu Joensen, telefon 34 51 00 ella á telduposti ulla@elektron.fo. Send eina umsókn við persónligum upplýsingum, útbúgvingum og starvsroyndum til P/F Elektron, Staravegur 9, 110 Tórshavn, í seinasta lagi hósdagin 20. apríl 2005. Stíla umsóknina til Ullu Joensen. Húsavørður til Elektron Stephanssons Hús Vit søkja eftir nýggjum húsavørði, at avloysa okkara núverandi húsavørð, sum fer frá vegna aldur. At vera húsavørður í Elektron er ein fjølbroytt uppgáva, sum bæði krevur góð evni sum hand- verkari, tøkniligt hegni og góð samstarvsevni. FØRLEIKAR:
Góðkendur el-innleggjari
Maskinmeistari HÚSAVØRÐURIN HEVUR M.A. ÁBYRGDINA AV:
Øllum vanligum uppgávum sum húsavørður
Neyðstreymsveitingini og el-skipanini
Fráboðanarskipanum
Sløkkiútgerðini
Viðlíkahaldi av bilum
Tryggingarviðurskiftum
Viðlíkahaldi av VVS skipanum UM ELEKTRON Elektron er KT-veitari til føroyska marknaðin. Størstu kundarnir hjá Elektron eru føroysku peningastovn- arnir og Toll- og Skattastova Føroya. Størstu partaeigararnir eru Føroya Banki, Føroya Sparikassi og Føroya Landsstýri. Á Elektron starvast umleið 60 fólk og nettoumsetningurin var umleið 50 mió.kr. í 2004. PF ELEKTRON STARAVEGUR 9 · P.O. BOX 3219 FO - 110 TÓRSHAVN TEL.: +298 34 51 00 - FAX: +298 34 51 01 e-mail: info@elektron.fo Norðoya Heimavirki Ein søguligur miðdepil Maria Marstein hevur starvast í handlinum hjá Norðoya Heimavirkisfelag í 11 ár. Limir støkka ofta inn á gólvið í Norðoya Heimavirki til eitt prát ella at lata inn heimagjørdar lutir at selja í handlinum