mikudagur 20. apríl 2005síða 23

Nr. 74 - 20. apríl 2005 23 Hvør skal hitta FCM Í Danmark verða seinnu hálvfinalur- nar í steypakapp- ingini spældar mikukvøldið DONG-CUP Jákup Mørk Spurningurin er eina- mest, hvørt tað skulu verða FCK ella Brønd- by, sum skulu hitta FC Midtjylland í finaluni. FCM vann í fyrru hálv- finaluni tryggan 4-0 sig- ur á Horsens og Johan Byrial Hansen, og tí er lítið at ivat í, at teir longu hava meira enn annað beinið í finaluni. Spurningurin er so, hvat mótstøðuliðið skal vera í Parkini kristi himmalferðardag. Í fyrru hálvfinaluni vann Brøndby 1-0 á FCK, og tí hava teir fyrimunin. Hinvegin vann FCK trygt á teimum gulu, tá tey bara fýra dagar seinni hittust í superlig- uni. Avrikini í vár hava eisini verið betri hjá hvítu leyvunum enn gulu kappingarneytun- um, og so er spurningur- in, hvørt teir eisini klára at venda hesi uppgávuni. -jm Tritathlon nevndin heldur fram Mikudagin hevði Føroya Triathlon Felag, stytt FTF, aðalfund. Á fundin- um stóð millum annað nevndarval á skránni, og tók øll nevndin við aftur- vali. Nevndin er nú skip- að við Evaldi Rasmus- sen sum formanni. Gunnar Dahl Olsen er næstformaður, Eli Christiansen, kassa- meistari og Beinir Rasm- ussen er skrivari. Tiltaks- limir eru Kári Simonsen og Jákup Johansen. Á fundinum varð annars semja um, at krøvini fyri luttøku á Oyggjaleikum framvyir skulu herðast. Framyvir verður kravt, at íðkarar, sum ynskja at vera við, hava ávísar royndir innan ítróttina, og eisini kann FTF seta kravtíðir, áðrenn luttøka verður góðkend. Næsta kappingin hjá Triathlon felagnum verður annars nú miku- kvøldið, tá 1/8-triathlon er á skránni. Talan er um opna kapping, og skulu luttakarar møta í svimji- høllini í seinasta løtu kl. 18.30. -jm Hóast bæði B36 og KÍ í farnu viku kæru dómin hjá FSF um vantandi spæliloyvi teirra, so munnu vón- irnar um ein broyttan dóm ikki vera tær heilt stóru SPÆLILOYVI Jákup Mørk Eftir at tað týsdagin um døgurðaleitið stóð greitt, at bæði KÍ og B36 vórðu dømd at tapa sínar dystir í kappingini um løgmans- steypið, gekk ikki long tíð, áðrenn kærur um málið vóru ávegis til dóms- nevndina. Tað man vera litil ivi um, at bæði feløgini hava sæð tað sum sína skyldu, at fáa dómsnevndina at hyggja at málinum. Kanska ikki so nógv, tí tey rokna við ein- um broyttum dómi, men kanska heldur, tí á hendan hátt verður seinasti møgu- leikin troyttur. Løgfrøðin er longu eftirspurd Tá kært verður til dóms- nevndina, so er vanligt, at nevndin fyrst og fremst tekur støði í teirri viðgerð, sum málið hevur fingið í kappingarnevndini. Og bara hetta í sjálvum sær ber helst boð um, at tað er ógvuliga lítið sannlíkt, at feløgini fáa viðhald í sínum kærum. Tað man vera sjáldan, at eitt einstakt mál hevur fing- ið somikið drúgva og helst eisini gjølla viðgerð í kapp- ingarnevndini, sum málið um spæliloyvini hjá KÍ og B36. Ikki færri enn fýra ymsar frágreiðingar liggja sum grund fyri úrskurðin- um. Ein frá feløgunum, ein frá fyrisitingini, ein frá kappingarnevndini og ein ein løgfrøðislig. Ikki minst hendan seinasta er nakað óvanlig, og bendir tí á, at málini eru kannað at kalla til botns, áðrenn úrskurður- in varð gjørdur. KÍ vil endurskoða dómin Tá kæra verður send FSF, so ber illa til at fáa hendan útlýggjaðan til miðlarnar, men sum skilst, so er talan um tvær heilt ólíkar kærur, sum verða sendar. Í tíðindaskrivinum, sum KÍ lat fjølmiðlunum varð staðfest, at felagið helt revsingina als ikki standa mát við misbrotið, og at fel- agið tí vil hava dómsnevnd- ina at viðgera málið av nýggjum. Hartil hevur KÍ biðið um innlit í sjálva málsviðgerðina, men tað má tó metast sum sera iva- samt, um teir fáa atgongd til hetta. Ein spurningur, sum tó hevur verið at hoyrt sum seiglívaður slatur kring málið, er, at kÍ ikki var so heilt óvitandi um, at spæl- ararnir ikki høvdu loyvi at spæla í dystinum móti Fram. Sum skilst, so hava klaksvíkingar undan dyst- inum verið í samband við fuglfirðingar um spæli- loyvini hjá Karstin Joensen og Høgna Madsen, sum báðir skiftu frá ÍF í vetur. Tað ber sjálvandi illa til at skjalprógva, at so er, men tað styrkir neyvan sakina hjá KÍ, um slík tíðindini ganga. B36 við nýggjum grundgevingum Hjá B36 er talan helst um eina heldur øðrvísi kæru. Felagið vil ikki upplýsa annað, enn at tey halda seg hava eina góða søk, men sum skilst á øllum brøgd- um, so hevur felagið reist spurningin, hvørt Eyðun Højgaard nakrantíð var leysgivin frá felagnum. Hesin spurningurin er settur, tí leysgevingin bygg- ir á teldupost millum táver- andi samskiparan í B36 og FSF, og altso ikki á vanligu skjølini, sum plaga at verða nýtt í slíkum førum. Sum vit áður hava nevnt, so má tað tó metast sum sera ivasamt, hvørt dóms- nevndin fer at broyta áskoðan av hesum ávum. Teldupostur er jú vorðið eitt alsamt vanligari samskiftis- amboð seinnu árini, og Eyðun Højgaard er neyvan einasti leikarin, sum er leyslatin við hesum skjal- prógvi. Eisini hóast grein 15 í kappingarreglunum staðfestir at galdandi loyvisbræv skal latast kappingarnevndini við átekning frá felagnum. Fer dómsnevndin at geva B36 viðhald í hesum, so er vandi fyri, at talan verður um øgiliga fløkju viðvíkj- andi spæliloyvum. Sambært teimum upplýsingum, sum vit hava fingið, so er als ikki óvanligt, at spæliloyvi verða avgreidd umvegis teldupost, og tí kann roknast við reinum ruðuleika á økinum, um B36 fær viðhald í sínum páhaldi. Nýtt spæliloyvi við flyting Og hartil er eisini annað fyrilit, sum talar ímóti, B36 yvirhøvur kann fáa viðhald í kæru síni. Tí hóast dóms- nevndin skuldi komið til ta støðu, at spælarin ikki er leyslatin frá B36, so skuldi hann kortini havt endur- nýggjað spæliloyvið, tá hann flutti til Føroya. Grein 18, 2 í kappingar- reglunum staðfestir, at: » Føroyingur, sum hevur fast- an bústað uttanlands, kann fáa loyvisbræv til at leika í Føroyum, tá váttan sam- bært grein 17, stk. 3 fyri- liggur.« Og av grein 17,3 fram- gongur, at útlendskur leik- ari bert kann fáa loyvis- bræv, um váttan frá út- lendska fótbóltssambandin- um fyriliggur um, at leikar- in er leysgivin. Tann váttan- in var eftir øllum at døma hjá DBU, men B36 hevði ikki biðið um hesa, og tí er einki nýtt spæliloyvi út- skrivað. Als ikki so prinsipielt Og at enda kundi so eisini verið viðmerkt, at hóast drúgvu viðgerðina, sum málið hevur fingið, so er talan kanska als ikki um so prinsipielt mál, sum tað hevur verið gjørt til. Reglan hevur altíð verið tann, at uttan spæliloyvi kanst tú ikki spæla. Gert tú tað, so hevur liðið tapt dystin. Júst hetta var eisini høvuðsgrundgevingin hjá FSF í úrskurðinum. Nevn- liga at spæliloyvini eru ein fundamentalur partur av føroysku fótbóltsskipanini. Og skal nakað prinsipielt takast út frá úrskurðinum, so má tað væl verða tann veruleiki, at týdningurin av spæliloyvunum varð stað- festur. Dómsnevndin broytir neyvan nakað Sveisara- bóltur og Pilates- venjingar Komandi vikuskifti verð- ur skeið í Føroyum, har áhugað hava møguleika at fáa frálæru í venjing við sonevndu Swiss-bólt- unum, umframt at talan eisini verður um venj- ingar innan pilates-háttin. Bæði Swiss-bólt og Pila- tes venjingar hava vunnið alt størri frama runt allan heim seinastu tíðina, og er talan um venjingar, sum hóska seg til íðkarar á øllum støði. Bæði hjá teimum, sum vanliga ikki røra seg so nógv, og hjá elitu-ítróttarfólki. Tað er Hanna Dalsgarð, sum stendur fyri skeiðun- um hetta vikuskiftið, og hon hevur longu drúgvar royndir innan hetta. Nakr- ar ferðir áður hevur hon verið í Føroyum í undir- vísingarørindum, og eis- ini hevur hon í eitt fimm- ára skeið búleikast í Ong- landi, har hon virkaði sum instruktørur. Síðani hon flutti aftur til Danmarkar, hevur Hanna virka sum instruktørur í Danmark. ,