týsdagur 26. apríl 2005síða 31

Chelsea hevur sligið fast við sjey tumma seymi, at tað er besta liðið í Onglandi í ár. Wayne Rooney skor- aði ársins mál ímóti Newcastle, og United andar aftur Arsenal í nakkan í kappingini um annaðplássið. Í botninum er líkt til, at vit fáa ein sannan gysara móti endanum av kappingini PREMIER LEAGUE Stefan í Skorini stefan_skorini@hotmail.com Jose Mourinho kann nú fegnast um, at hann bert er tvey stig frá at tryggja sær meistaraheitið. Hetta kunnu hansara menn gera, tá teir møta Bolton leygardagin. Chelsea kann tó tryggja sær fyrsta enska meistara- heitið í fimmti ár, um Arse- nal ikki vinnur á Tottenham mánakvøldið. Mourinho hevur tó sagt, at hann fer at heppa á Arsenal mána- kvøldið, tí at so verða hans- ara menn enn meira upp- settir at vinna ímóti Bolton. Leygardagin var Fulham, sum liggur í tyngra endan- um á stigatalvuni, á vitjan á Stamford Bridge. Ein tryggur 3-1 sigur til Chel- sea var ikki yvirraskandi fyri nakran. Joe Cole, ið hevur fingið eitt gjøgnum- brot seinastu mánaðirnar, legði heimaliðið á odda, men veteranurin John Coll- ins javnaði fyri Fulham stutt fyri steðgin. Í seinna hálvleiki var Chelsea spælstýrandi, og við málum frá Frank Lam- pard (hansara tíggjunda mál í landskappingini higartil) og Eidur Gudjohn- sen tryggjaðu teir sær sig- urin. United aftur á sigurskós Manchester United hevði tapt tveir teir seinastu landskappingardystirnar, áðrenn farið varð á vøllin ímóti Newcastle sunnu- dagin, og hendan gongdin skuldi broytast. Tað var tó Newcastle, ið legði seg framum við máli frá Darren Ambrose, og støðan var eisini 1-0 til gestirnar í steðginum. Wayne Rooney hevur havt nakrar strævnar vikur við alskyns ótespiligum tabloid-forsíðum, ið hava lagt hann undir at sláa unn- ustuna og harðligt náttarlív. Rooney hevur svarað aftur við einum rættarmáli ímóti The Sun. Men sunnudagin vísti hann sítt virði á vøllinum, tá hann fluktaði bóltin í netið úr 25 metra fjarstøðu. Eitt tað vakrasta málið higartil í kappingini. Hetta gav United blóð á tonna, og Wes Brown fekk sigursmálið við sínum fyrsta landskappingarmáli nakrantíð. Liverpool snávaði Liverpool hevur higartil havt eitt heldur soltið kapp- ingarár, og hendan gongdin helt fram leygardagin, tá liðið var á vitjan hjá botn- liðnum Crystal Palace. Eingin roknaði við, at Liverpool fór at fáa ein lættan dyst, tí at Crystal Palace framvegis hevur alt at stríðast fyri. Og tað skuldi vísa seg, at Liver- pool ikki megnaði at knógva tí hart leikandi Crystal Palace liðnum. Landsliðsleikarin Andrew Johnson skoraði einasta málið í dystinum í fyrra hálvleiki. Venjarin Rafael Benitez kærdi sína neyð eftir dystin og vildi vera við, at dóm- arin hevði loyvt alt ov hørð- um spæli frá heimaliðnum. Hetta hevði millum annað við sær, at Milan Baros mátti fara av vølli við skaða í fyrra hálvleiki, og hann er ivasamur til hálvfinaluna í Champions League ímóti Chelsea mikukvøldið. Liverpool hevur bert fingið eitt stig í trimum teimum seinastu lands- kappingardystunum, og tað hevur tikið broddin av teirra roynd at vinna sær Champions League pláss komandi ár. Everton hevur nú sera góð kort á hondini at tryggja sær fjórða plássið. Tíðliga leygardagin hevði Everton vitjan av Birming- ham, og endaliga støðan gjørdist 1-1. Emile Heskey legði Birmingham á odda fimm minuttir inn í dystin. Hend- an støðan helt sær heilt til fimm minuttir fyri leiklok, tá veteranurin Duncan Ferguson fekk útjavnandi málið. Ferguson skoraði eisini sigursmálið ímóti United leygardagin, og leiðslan í Everton um- hugsar nú at geva tí luft- sterka áleyparanum ein eitt ára sáttmála í summar. Everton er nú fýra stig frammanfyri Liverpool og Bolton, sum spældi 1-1 ímóti Aston Villa. Everton hevur harafturat ein dyst til góðar. Tvey botnlið vunnu Merkisvert er at síggja í ár, at enn hava øll botnliðini nakað at spæla fyri. Og um vikuskiftið vunnu tvey av botnliðunum sínar dystir. Fyrst var tað Crystal Palace, ið vann á Liverpool. Síðani var tað Norwich, sum í evstu løtu fekk tryggjað sær sigurin ímóti Charlton. Tað var sviin Mathias Svensson, ið fekk sigursmálið hjá uppflytar- unum. Hesi bæði liðini fóru tí framvið bæði Southampton og West Bromwich Albion, sum nú eru á ávikavist aftasta og næstaftast plássi. West Brom var á vitjan hjá Middlesbrough, ið eltir eitt pláss í UEFA Cup kom- andi ár, og tað gjørdist ein 4-0 sigur til heimaliðið. Szilard Nemeth fekk tvey av málunum, og Hassel- baink og Downing fingu hvør sítt. Southampton leikti sunnudagin lokaluppgerð ímóti arvafíggindunum úr Portsmouth, sum seinastu árini hevur givið Sout- hampton kapping sum einaráðandi á suðurstrond- ini. Hesir dystirnir hava ofta verið merktir av trupulleikum við áskoðar- um, men soleiðis var tó ikki hesuferð. Portsmouth vann ein greiðan 4-1 sigur, og tað hevur við sær, at Ports- mouth kann draga andan lættari, nú teir hava tryggj- að sítt pláss í bestu deildini. Øll málini fullu innanfyri fyrsta hálva tíman. Fyrst legði Yakubu heimaliðið framum, áðrenn Arjen van Zeeuw økti til 2-0. Henri Camara minkaði til 2-1, men Lomano Tresor Lua Lua skoraði tvey mál innan fyri fimm minuttir til enda- liga úrslitið 4-1. Blackburn og Manchest- er City leiktu 0-0 í tí sein- asta dystinum hetta viku- skiftið. Í morgin møtast Arsenal og Tottenham á Highbury. Nr. 77 - 26. apríl 2005 31 Úrslit, Premier League 19. apríl Aston Villa-Charlton 0-0 Manchester City-Birmingham 3-0 Norwich-Newcastle 2-1 Portsmouth-Liverpool 1-2 Tottenham-WBA 1-1 Blackburn-Crystal Palace 1-0 Chelsea-Arsenal 0-0 Everton-Manchester Utd. 1-0 23. apríl Everton-Birmingham 1-1 Chelsea-Fulham 3-1 Aston Villa-Bolton 1-1 Blackburn-Manchester City 0-0 Crystal Palace-Liverpool 1-0 Middlesbrough-WBA 4-0 Norwich-Charlton 1-0 24. apríl Portsmouth-Southampton 4-1 Manchester Utd.-Newcastle 2-1 Chelsea nærri enn nakrantíð Wayne Rooney hevur júst skorað eitt av vakrastu málunum yvirhøvur hetta kappingaárið Mynd: Reuters