hósdagur 5. mai 2005síða 27

Nr. 84 - 5. mai 2005 27 Liverpool hevur fyri fyrstu ferð í tjúgu ár spælt seg í finaluna í fremstu evropeisku kappingini. Seinna hálvfinalan varð av- gjørd við einum iva- somum máli frá Luis Garcia. Sjónvarps- upptøkurnar vísa ikki greitt, um bólturin var innanfyri CHAMPIONS LEAGUE Stefan í Skorini Talan bleiv ongantíð um ta stóru fótbóltsupplivingina, tá Chelsea var á vitjan hjá Liverpool á Anfield Road. Liverpool skoraði eftir fýra minuttir og royndi síðani at halda málið reint. Hetta eydnaðist eisini til fulnar, og Chelsea megnaði ikki í tveimum dystum at fáa bóltin í málið. Hetta ber boð um eina sterka verju, og Liverpool- verjan hevur ferð eftir ferð verið róst til skýggja fyri fleiri framúr avrik í Cham- pions League í ár. Ivasamt mál Bert eittans mál avgjørdi hesa hálvfinaluna millum tey bæði ensku liðini Liver- pool og Chelsea. Spaniólin Luis Garcia, sum hevur skotið fleiri týdningarmikil mál fyri Liverpool seinastu tíðina, átti seinasta fótin á tí málinum. Málið kom annars eftir eitt sera væl spælt álop. Riise dróg inn í vøllin úr vinstru og sendi til Gerrard, ið við uttarusíðuni lyfti bóltin uppum verjuna til Baros, sum hevði slitið seg leysan. Baros fekk prika bóltin uppum málverjan og landsmannin Petr Cech, sum samstundis feldi Bar- os. Bólturin datt fyri føtur- nar á Garcia, ið sendi bóltin seinasta meturin innum strikuna. Spurningurin var tó, um bólturin var innan- fyri, áðrenn Gallas fekk ruddað burtur. Tað helt linjudómarin í øllum før- um, og so var 1-0 eftir bert fýra minuttir. Ein annar spurningur er eisini, um Liverpool ikki átti eitt brotsspark, um Garcia ikki skoraði. Hetta halda í øllum førum fleiri eygleiðarar. Sjónvarpsupptøkurnar vístu heldur ikki greitt, um bólturin var innanfyri. Men møguliga fæst greiði á hesum komandi dagarnar, tá ensku fjølmiðlarnir hava granskað myndirnar nærri. Chelsea setir seg á dystin Hetta var sjálvsagt sum at fáa vátan vøtt frammaná hjá nýkrýndu meistarunum úr Chelsea. Seinastu fýra dagarnir hava Chelsea leik- ararnir verið á tindinum, men týskvøldið fullu teir við einum braki. Men Chelsea fall ikki í fátt fyri tað og royndi at berja seg innaftur í dystin, sum fyrri hálvleikur leið. Didier Drogba hevði eitt gjøgnumbrot løtu seinni í høgra borði, men ístaðin- fyri at skjóta royndi hann at sneiða framvið Carragher, og tað miseydnaðist. Joe Cole slapp eisini aft- ur á baklinjuna, eftir at Garcia púra óneyðuga hevði mist bóltin til Lam- pard í eini vandamiklari støðu. Innleggið hjá Cole gjørdist tó ov høgt. Chelsea hevði annars ilt við at bróta ígjøgnum verj- una hjá Liverpool, sum hinvegin ikki hevði nakra aðra vandamikla roynd í fyrra hálvleiki. Vánaligt spæl hjá heimaliðnum Eftir steðgin var tað fram- vegis Chelsea, ið hevði initiativið, men tað gekk enn meira striltið við at bróta ígjøgnum. Tá tjúgu minuttir vóru eftir framdi Mourinho tvær útskiftingar. Út fór Thiago, sum enn einaferð spældi ein vánaligan dyst og var púra anonymur, og inn kom Kezman. Harumframt kom Arjen Robben inn fyri Joe Cole, sum heldur ikki fekk nakað serligt burturúr. Hetta var kanska heldur seint, og løtu seinni kom stóri týskarin Robert Huth inn fyri Geremi. Verju- leikarin Huth fór síðani í álopið fyri at fáa tyngd í luftspælið. Liverpool hevði sera lítið at bjóða í seinna hálvleiki, tá vit hugsa um álopspartin. Miðvøllurin megnaði so at siga ongantíð at halda uppá bóltin, sum ein kann vænta av einum hálvfinalisti í Champions League. Bert Riise royndi at gera eitt sindur um seg á vinstra vongi, men hann var mang- an ov einsamallur til at fáa nakað burturúr. Hetta gjørdi uppgávuna hjá verjuni enn tyngri, men hon megnaði hóast alt at halda Drogba og hinum frá fatinum. Eftir dystin segði Mour- inho í sínum serliga stíli, at betra liðið tapti hendan dagin. Men hann legði aft- urat, at hann vónaði, at Liv- erpool vann finaluna í Istanbul. Svøvnleysar nætur hjá Gudjohnsen Móti endanum av dystinum var tað hinvegin Liverpool, sum endiliga fekk sett nøk- ur álop í verk. Hetta komst av, at Chelsea sendi alt fleiri fólk niðan á vøllin og hugsaði minni um verjupartin. Cissé, ið var komin á vøllin fyri Baros, fekk gott pláss, men hann megnaði ikki at gera sær dælt av hesum. Ta einu ferðina fekk hann ein gyltan møguleika, tá hann fangaði eina aftur- legging frá Gallas, men Cissé sendi beint í føvning- in hjá Cech. Dómarin legði seks minuttir afturat. Tveir áskoðarar runnu inn á vøllin undir dystinum, og tað gjørdi óivað sítt til, at so nógv varð lagt afturat. Og í allarsíðsta minutti fekk Chelsea tann møgu- leikan, teir høvdu bíðað eftir allan dystin. Eftir eitt innlegg úr vinstru datt bólturin datt fyri føturnar á Gudjohnsen við handaru stong. Hann fekk tíð at temja bóltin og langa til, men ólukkutíð fyri Chelsea fór bólturin dygst framvið stongini. Ein gyltur møgu- leiki, ið skuldi givið mál. Rafael Benitez vann UEFA Cup við Valencia í fjør, og nú hevur hann møguleika at gera tað eitt hakk betri og vinna Cham- pions League. Benitez metti, at Liver- pool hevði uppiborið sigur- in eftir eitt fantastiskt avrik í verjuni. Liverpool hevur einki mál latið inn í trimum teimum seinastu dystunum í Champions League, og tað boðar frá eini stabilari verjuketu við Finnan, Car- ragher, Hyypia og Traoré. Finalan verður allarhelst ímóti AC Milan tann 25. mai á Atatürk Stadion í Ist- anbul. Fýra ferðir áður hev- ur Liverpool staðið ovast á sigurspallinum við steypin- um við teimum stóru oyr- unum. Tað var í 1977, 1978, 1981, 1984. Ivasamt mál sendi Liverpool í finaluna Dómarin hevur bríkslað fyri seinastu ferð, og Steven Gerrard og John Arne Riise fegnast um sætta finalu- plássið hjá liðnum í Europa Mynd: Reuters Champions League, 2. hálvfinala: Liverpool — Chelsea 1-0 (1-0) 1-0: Sanz Luis Garcia, 4 Liverpool vinnur 1-0 samanlagt FAKTA UM DYSTIN