leygardagur 7. mai 2005síða 5

Nr. 85 - 7. mai 2005 5 FØÐIDEILDIN Eydna Skaale eydna@sosialurin.fo – Orsøkin til, at vit hava valt at stuðla er útilukkandi tí, at fútarætturin verður blandaður upp í málið. Tað halda vit vera skeivt, staðfestir formaðurin í psykiatrifelag Føroya. Hann sigur, at hann onga viðmerking hevur til verk- fallið, um tað er ólógligt ella ikki, men hann heldur, at óansæð hvat, so eigur fútarætturin ikki at verða drigin inn í málið. – Hatta er eitt mál, sum partarnir eiga at loysa sína- millum, við at tosa saman og samráðast. Hóast sjúkra- røktarfrøðingarnir hava hótt við ólógligum verk- fallið, so hevur málið einki at gera í fútarættinum. Tað átti at verið tikið upp í gerðarrættinum, heldur Sjúrður Norðbúð. Hann heldur, at hetta er ein prinsippsak, og at tað er prinsippinum í málinum, sum psykiatrifelagið stuðl- ar. Einasta felag úr sjúkrarøktini Spurdur um hví psykiatri- felagið man vera einasta felag innan sjúkrahúsverk- ið sum stuðlar sjúkrarøktar- frøðingunum, svarar Sjúrð- ur Norðbúð, at tað veit hann ikki. – Eg havi ikki tosað við hini feløgini enn. Men sjúkrarøktarfrøðingarnir ringdu til okkara og spurdu, um vit ikki hildu tað vera ov galið, at fútarætturin er blandaður uppí málið. Og tað hildu vit avgjørt at tað var. Tí skrivaðu vit undir, sigur Sjúrður Norðbúð at enda. Fimm minuttir yvir miðnátt fríggja- náttina vóru fylgjandi boð løgd út á heima-síðuna hjá sjúkra- røktarfrøðingunum: Verkfallið, ið varð lýst at verða 6. mei kl. 8. verður hervið avlýst vegna fúta- forboð. Heitt verður á Álitisfólk felagsins at boða limunum frá hesum. Harmiligt Beint eftir, at niðrstøðan var kunngjørd úr fútarætt- inum, segði Jana H. Dals- gaard við portalin, at sjúkrarøktarfrøðingarnir harmast um, at fútarætturin skal vera mátin at loysa ósemjur. – Enn hava vit bara fing- ið úrskurðin munnligt, og vit hava onga viðmerking fyrr enn vit hava fingið hann skrivligt fríggjadagin kl 13. Men vit virða av- gerðina, og verkfallið er avlýst, segði Jana H. Dals- gaard. Hon staðfesti tó, at sjúkrarøktarfrøðingarnir harmast, at tað ikki ber til at loysa konfliktir á annan hátt enn gjøgnum fútarætt- in. Hon metir ikki, at Landssjúkrahúsið á nakran hátt hevur latið upp fyri samráðingarmøguleikum. – Og tað halda vit vera sera harmiligt, segði hon við portalin hóskvøldið. Undirritaðu yrkisfeløg mótmæla harðliga, at Føroya Lansstýri nýtir fútarættin sum arbeiðsrættarligt amboð mótvegis yrkisfeløgunum í sambandi við ósemjur á arbeiðsmarknaðinum, serliga við teirri sannroynd í huga, at føroyski arbeiðsmarknaðurin er í ferð við at finna eina loysn á spurninnginum um ósemjur á arbeiðsmarknaðinum. Kravt verður av Føroya Landsstýri um straks at taka áheitanina um fútabann aftur og bjóða felagnum Føroyskir Sjúkrarøktarfrøðingum til tingingar og semjing. Føroya Abeiðarafelag Havnar Arbeiðsmannafelag Starvsmannafelagið Føroya Pædagogfelag Klaksvíkar Arbeiðskvinnufelag Klaksvíkar Arbeiðsmannafelag Føroya Skipara– og Navigatørfelag Havnar Handverkarafelag Føroya Psykiatrifelag Føroya Postfelag Maskinmeistarafelagið Føroya Fiskimannafelag HAvnar Arbeiðskvinnufelag Yrkisfelag studenta– og HF lærara Føroya Lærarafelag Magistarafelag Føroya Yvirlýsing Jana H. Dalsgaard er hørm um, at fútarætturin skuldi dragast upp í málið. – Landssjúkrahúsið hevur ikki latið upp fyri samráðing- armøguleikum, sigur hon Verkfallið avlýst! Sjúrður Norðbúð, formaður í Psykiatrifelag Føroya: – Hetta er ein prinsippsak Poul Gert Hansen, sjúkrahússtjóri, sigur, at tað er í lagi at nýta fútarættin, tá ein starvsbólkur ólógliga ætlar at trýsta sín vilja ígjøgnum hjá leiðsluni. – Nú er staðfest, at vit hava leiðslurættin, og tað er gott, sigur hann FØÐIDEILDIN Eydna Skaale eydna@sosialurin.fo – Vit eru sjálvsagt ógvu- liga glað fyri, at tað ikki bleiv verkfall. Serliga vegna tey sjúku, sum vit hava undir hond. Og vit fegnast um, at tað somu- leiðis er staðfest, at vit hava leiðslurættin á sjúkrahúsin- um. Tað var týdningar- mikið fyri okkum, sigur Poul Gert Hansen, stjóri á sjúkrahúsinum Ongar samráðingar Hann sigur, at føðideildin nú verður skipað sum ætl- að. – Vit fara at skipa deild- ina soleiðis, sum vit alla- tíðina hava ætlað. Tað verð- ur gjørt saman við teimum starvsbólkunum, sum ar- beiða har. Vit ætla at geva teimum ávirkan, og tað hevur eisini allatíðina verið meiningin, sigur sjúkrahús- stjórin. Men hann slær fast, at broytingarnar ikki eru nakað, sum samráðingar verða um. – Eg eri vorðin ákærdur fyri ikki at lata upp fyri samráðingarmøguleikum, men tað er tí, at hetta er ikki eitt mál at samráðast um. Tað hevur ongantíð verið ætlanin, at hetta skuldi vera ein samráðing- arspurningur, slær Poul Gert Hansen fast. Hann vísir á, at tað eru 23 starvsbólkar á lands- sjúkrahúsinum og at tað verður vónleyst at skula samráðast við allar bólk- arnar, hvørjaferð broytingar verða gjørdar. Vit eru sett sum leiðsla, júst til at taka slíkar avgerðir, sigur hann. Spurdur hvat fólk nú kunnu vænta sær fer at henda á sjúkrahúsinum, svarar hann, at hann vónar, at tað nú verður friður. Ólógligar snildir Poul Gert Hansen sigur, at hann harmast um at tað var neyðugt at fara til fútarætt- in við málinum, men leiðsl- an metti ikki, at tað var nakar annar møguleiki, tí málið var komið so langt. – Okkurt má gerast, tá ein starvsbólkur hóttir við at fara í ólógligt verkfall, fyri at trýsta leiðsluna at broyta tiknar avgerðir. Tá kann man vera noyddur til at fara til fútarættin, sigur Poul Gert Hansen. Hann sigur, at í hesum føri var verkfallið eitt ólógligt amboð, sum starvsbólkarnir ætlaðu at nýta, fyri at trýsta leiðsluna at samráðast um nakað, sum ikki er eitt samráðing- armál – Eg kann eisini venda tí við, og siga, at tað var gott at vit fingu eina skjóta og greiða avgerð í fútarættin- um. Vit kunnu jú ikki góð- taka at starvsbólkar ólóg- liga trýsta sín vilja ígjøgn- um, slær Poul Gert Hansen fast. Spurdur um hvussu lagið er á sjúkrahúsinum í dag, svarar hann, at øll tykjast lættað um, at einki verkfall varð. – Eg havi verið runt á sjúkrahúsinum í morgun og tosað við ymsu starvsbólk- arnar. Øll tykjast glað og lættað, nú einki verkfall varð hóast alt. Eisini sjúkrarøktarfrøðingarnir, sigur hann. Hann vónar, at tey nú kunnu líta frameftir og leggja stríðið eftir seg. Sjúkrahússtjórin: Vit fegnast Nú kunnu barnakonur í høvuðsstaðarøkinum aftur draga andan róliga. Stríðið um føðideildina er í fyrstu syftu av, og við fútarættinum er staðfest, at einki verkfall verður í hesum umfari Lesið meira um úrskurðin hjá Fútarættinum á síðu 8