týsdagur 10. mai 2005síða 29

Nr. 86 - 10. mai 2005 29 Nú er greitt, hvørji lið skulu umboða Ong- land í Champions League komandi ár. Enn er eitt pláss í UEFA Cup, sum ikki er avgjørt. Eftir er bert at finna útav, hvør skal ta tungu leið niður í The Championship, sum næstbesta deildin eitur. Fýra tey niðastu liðini hava framvegis møguleika at lív- bjarga sær, men bert eitt teirra fer at spæla í Premier League komandi kappingarár PREMIER LEAGUE Stefan í Skorini Chelsea fekk leygardagin steypið handa heima á Stamford Bridge. Tá hetta var seinasti heimadystur hjá meistarunum, fór steypahandanin fram á trið- seinasta leikdegi hjá Chel- sea. Hetta var næsta meist- araheitið í søgu felagsins. Tað síðsta kom fyri júst fimmti árum síðani í 1955. Chelsea møtti Charlton, og heimaliðið vann ein tepran 1-0 sigur við einum brotssparki í seinasta mi- nutti. Claude Makelele fekk heiðurin at taka sær av tí. Hóast meistaraheitið longu er fingið heim, still- aði Chelsea upp við einum sterkum liði, og teir vildu allarhelst enda við einum sigri á heimavølli. Men tað gekst ikki væl í hond hendan dystin. Charl- ton stríddist væl og vildi óivað vinna meistaralið- num neisir, nú teir skuldu fáa steypið handað. Men tað eydnaðist Chelsea at knógva Charlton í evstu løtu. Verjan lykilin Mourinho hevur bygt sítt lið uppá eina krútsterka verju. Bert trettan mál er skotin ímóti Chelsea í teim- um 37 dystunum higartil. Til samanberingar kann nevnast, at næstbestu verj- una eigur Manchester Uni- ted, har 22 mál er farin ígjøgnum. Í 25 dystum hevur Chel- sea verjan hildið málið reint, og hetta man vera eindømi. Nakrir leikarar hava meir enn aðrir lagt lunnar undir hendan Chelsea sigurin. Og um vit skulu nevna nakrar koma vit ikki uttanum John Terry í verjuni og Frank Lampard á miðvøllinum. Terry varð kosin ársins leikari av sínum viðleikar- um í Premier League, og hann hevur spælt allar dystirnar hjá liðnum í ár. Lampard fekk sama heið- urin, tá ítróttarjournalist- arnir valdu ársins leikara. Hóast hann er miðvallari er hann toppskjútti hjá liðnum í landskappingini við tólv málum. Arsenal fekk annaðplássið Arsenal tryggjaði sær sunnudagin annaðplássið frammanfyri Manchester United, ið nú bert hevur ein teoretiskan møguleika at vinna Arsenal innaftur. Arsenal vann 3-1 á heimavølli ímóti Liverpool, sum endaliga spældi sær av við møguleikan at luttaka í Champions League kom- andi ár, tí einki bendir á, at vinnarin av Champions League sleppur at verja heitið, um tað skuldi verið Liverpool, sum vinnur. Arsenal var einaráðandi fyri steðgin og kom fram um við málum frá Pires og Reyes. Eftir steðgin svaraði Liverpool aftur við máli frá Gerrard, men móti endan- um sló Fabregas sigurin fastan. Manchester United hevur elt Arsenal, men leygar- dagin megnaðu teir bert at fáa javnleik á heimavølli móti botnliðnum West Bromwich Albion, ið hevur fyrrverandi United kemp- una Bryan Robson við stýr- isvølin. Giggs legði United fram- um, og líkt var til ein trygg- an United sigur. Men mið- skeiðis í seinna hálvleiki javnaði Robert Earnshaw við brotssparki, og 1-1 gjørdist endaliga úrslitið. United byrjaði ikki við sterkastu manning, og tað kostaði teimum møguliga sigurin. Nú verður óivað fokuserað uppá FA Cup finaluna ímóti Arsenal. Everton vann leygar- dagin ein tryggan 2-0 sigur á Newcastle. Verjuleikarin David Weir og Tim Cahill skutu málini hjá Everton, sum nú kann gleða seg til Champions League fótbólt komandi ár, um teir væl at merkja vinna í kvali- fikatións-umfarinum. Harður bardagi í botninum Botnstríðið hevur verið óvanliga hart í ár. Øll tey fýra niðastu liðini hava framvegis eina vón um, at tey kunnu lívbjarga sær. Men trý teirra skulu undir øllum umstøðum ta tungu leið niður í næstbestu deild- ina. Tvey teirra møttust leyg- ardagin á Selhurst Park, har Crystal Palace tók ímóti Southampton. Dysturin endaði 2-2, og tað var ikki fyrr inni í eykatíðini, at Southampton fekk útjavn- andi málið. Fitz Hall hevði annars lagt Crystal Palace framum í fyrra hálvleiki, men Peter Crouch javnaði stutt eftir. Dysturin varð sera hart leiktur, og eftir steðgin fingu tveir leikarar reytt kort. Gonzalo Sorondo hjá Crystal Palace og Peter Crouch hjá Southampton vórðu riknir av vølli eftir ein samanbrest teirra mill- um. Í seinasta umfarinum, sum verður sunnudagin, skal Southampton møta Manchester United á heimavølli, meðan Crystal Palace skal á vitjan hjá Charlton. Fjórða botnliðið er Nor- wich, sum leygardagi vann 1-0 á heimavølli ímóti Birmingham. Einasta málið í dystinum skoraði Dean Ashton frá brotssparks- blettinum. Norwich liggur nú fjór- niðast og omanfyri niður- flytingarstrikuna. Norwich skal í seinasta dystinum spæla ímóti Fulham á úti- vølli og við einum sigri eru teir tryggir. Middlesbrough í UEFA Í kappingini um tað sein- asta UEFA-Cup plássið liggur Middlesbrough væl fyri eftir 1-0 sigurin á Tott- enham. Miðvallarin George Boateng fekk einasta málið eftir tíggju minuttir. Hetta var ein dyggur smeitur hjá Spurs, sum fegnir vildu sloppið við í UEFA Cup komandi kapp- ingarár. Nú skal Middles- brough bert hava ein javn- leik í seinasta dystinum á útivølli ímóti Manchester City fyri at tryggja sær sjeynda pláss, sum gevur at- gongd til UEFA Cup. City kann tó við einum sigri á Middlesbrough stjala plássi- ð á seinasta leikdegi. Hini bæði liðini í UEFA Cup eru Liverpool og Bol- ton, ið eru á ávikavist fimta og sætta plássi. Nú er eisini greitt, at Sunderland og Wigan Ath- letic skulu spæla í Premier League komandi kapping- arár. Tað seinasta plássið verður funnið eftir play-off dystirnar, har Ipswich, Der- by, Preston og West Ham skulu dystast. Úrslit, Premier League 7. mai Chelsea-Charlton 1-0 Aston Villa-Manchester City 1-2 Blackburn-Fulham 1-3 Crystal Palace-Southampton 2-2 Everton-Newcastle 2-0 Middlesbrough-Tottenham 1-0 Norwich-Birmingham 1-0 Portsmouth-Bolton 1-1 Manchester Utd.-WBA 1-1 8. mai Arsenal-Liverpool 3-1 Nú er bara niðurflytingin at spæla um Í yvirtíðini javnaði Southampton í dystinum móti Crystal Palace, og nú hevur liðið møguleikan at bjarga sær, tá teir taka ímóti Manchester United í seinasta umfarinum Mynd: Reuters