fríggjadagur 27. mai 2005síða 22

22 Nr. 98 - 27. mai 2005 Eins og fuglurin Føn- iks reis Liverpool úr øskuni, og eftir 120 ómetaliga spennandi minuttir kundi Liver- pool aftur hevja steypið við teimum stóru oyrunum. Ein tann mest spennandi finalan í eitt manna- minni varð spæld í Istanbul mikukvøldið CHAMPIONS LEAGUE Stefan í Skorini Tað var niður í dalin og upp á tindin. Reint kensluliga var Champions League fin- alan mikukvøldið ikki fyri fólk við veikum hjarta. So ótrúligt sum tað ljóðar, so var tað Liverpool, sum lá omaná, eftir at Milan og Liverpool høvdu dystast. Hvør skuldi trúð, at Liver- pool kundi venda gongdini eftir at hava verið aftanfyri 3-0 ímóti AC Milan í einum finaludysti? Um nakar, sum er við síni fullu fimm, kann vitna hetta, vil greinskrivarin fegin hoyra frá viðkomandi. Avrikið hjá Liverpool mikukvøldið fer í søgu- bøkurnar sum eitt eina- standandi "comeback". Eingin hevur hevur afturút við trimum málum og vent gongdini fyri síðani at vinna. Hetta var eisini mál- ríkasta finala síðan 1962, tá Benfica vann 5-3 á Milan. Skelkandi byrjan Grundvøllurin undir sigrin- um hjá Liverpool í Champi- ons League hevur verið ver- juketan, sum í fleiri førum hevur víst heimsklassa. Men hendan verjan sveik full- komiliga í fyrra hálvleiki. Eftir bert 52 sekund hevði AC Milan lagt seg framum. Eftir at hava givið bóltin upp sendi Traoré bóltin fyri føturnar á Pirlo, sum straks setti eitt álop í verk, og tað endaði við, at Kaka vann eitt fríspark í høgra borði. Deyðbólts-serfrøðingurin Pirlo sendi lágt innfyri, har liðformaðurin Maldini fluktaði bóltin í kassan. Liverpool-verjan var tikin á bóli í fyrsta minutti. Har ein skriða er lopin, er onnur væntandi, sigur orðatakið. Milan hevði takið á dystin- um fyri steðgin, og tað skjóta álopsspælið hjá mil- anesarum vísti seg at vera ein ov stórur gloypibiti hjá Liverpool. Sum hálvleikurin leið, var tað Milan, sum var vandamiklari og skapti fleiri málmøguleikar. Shev- chenko fekk bóltin í kassa, men tað var kolldømt vegna sera tunna rangstøðu. Verj- an hjá Liverpool hevði eis- ini ilt við at fóta sær, og ser- liga Traoré var fleiri ferðir á tunnum ísi, tá Shevchenko og Kaka royndu seg við gjøgnumbrotum. Móti endanum av hálv- leikinum fór luftin úr ballón- ini hjá Liverpool, og Milan fekk tvey skjót mál. Fyrst var tað Shevchenko, sum varð sendur ígjøgnum í høg- ra borði í einum skjótálopi. Hann legði tvørturum til Crespo, sum skoraði til 2-0. Beint frammanundan hevði Garcia rópt um brotsspark, tá Nesta nýtti albogan at steðga bóltinum inni í brotsteiginum. Hetta vóru Liverpool-leikararnir sera ónøgdir við, men ístaðin fyri brotsspark og møguliga 1-1, gjørdis tað hinvegin 2-0 til Milan. Ilt skuldi gerast verri, og fáar minuttir seinni var 3-0. Aftur var tað Crespo, sum átti síðsta fótin á bóltinum. Kaka legði eina perfekta sending ígjøgnum verjuna til Crespo, sum lyfti uppum Dudek til 3-0. Enska skommin Fyri nøkrum árum síðani sá eg eina dokumentar-send- ing um enskar fótbólts- hooligans, og hvussu teir týggjaðu sær í Hollandi og Belgia í EM 2000. Send- ingin kallaðist "Enska skommin", og eg helt, at hetta var ein hóskandi yvir- skrift til hesa greinina. Hes- in spádómur varð tó so dyggiliga gjørdur til skammar í seinna hálvleiki. Carlo Ancelotti, venjari hjá Milan, lýsti løtuna sum "seks svakir minuttir". Tað tók nevniliga Liverpool seks minuttir at venda 0-3 til 3-3. Besta comeback í søguni hjá evropeisku kappingini fyri meistaralið. Eins og Liverpool hevur Milan-liðið havt eina krút- sterka verju, og hon hevur fleiri ferðir borðið liðið ígjøgnum dystir, tá álopið ikki hevur riggað optimalt. Men nú sveik hon brádliga. Undrið Hóast enska liðið var aftan- fyri við trimum málum, fullu teir ikki í fátt. Fyrst var tað liðformaðurin Ger- rard, sum minkaði um mun- in til 3-1, tá hann stýrdi ein- um innleggi frá Riise í handara horn. Tveir minuttir seinni var tað Vladimir Smicer, sum gjørdi tað veruliga spenn- andi, tá hann úr 25 metrum langaði ein bólt inn. Nú fóru teir reyðu veru- liga at trúgva uppá, at undr- ið kundi henda. Og vit skuldu bert bíða í fýra min- uttir, tá Liverpool fekk brotsspark. Milan Baros, ið annars hevði tað ómetaliga torført sum einsamallur áleypari, fekk vart bóltin væl inni í brotsteiginum og legði fyri føturnar á Gerrard, sum varð feldur av Gattuso. Málverjin hjá Milan, Dida, bjargaði í fyrsta um- fari, men Xabi Alonso fylgdi sjálvur upp og beindi returin inn til 3-3. Eftir hetta dovnaði dyst- urin eitt sindur. Liverpool tók seg longri aftur á vøllin og hugsaði mest um at verja javnleikin. Milan hevði eisini tær vandamiklaru royndirnar eftir hetta. Traorá bjargaði til dømis einaferð á mál- strikuni, tá Shevchenko fangaði ein retur frá Dudek, og Jon Dahl Thomassen hevði eisini ein gyltan møguleika eftir innlegg frá Serginho. Størsta møguleikan í øll- um dystinum átti tó Shev- chenko. Hann setti høvdið á eitt innlegg frá Serginho, sum Dudek bjargaði í fyrsta umfari. Sheva fekk tó enn ein møguleika at beina bólt- in í netið, men 50 senti- metrar frá málinum rakti hann beint í krovið á mál- verjanum, sum allarhelst spældi sín síðsta dyst fyri Liverpool. Liverpool helt høvdið kalt Síðani varð farið til brots- sparkskapping, og fleiri vildu gera Milan til fav- orittar enn einaferð. Milan vann nevniliga eftir brots- spørk ímóti Juventus fyri tveimum árum síðani, og Dida verður harumframt mettur sum ein tann besti málverjin í Evropa í dag. Men hesuferð var tað Liverpool, ið helt høvdið kalt í avgerandi løtuni. Ser- ginho sendi sítt skot oman- fyri, og Dudek bjargaði skotinum hjá Pirlo. Har- ímillum hevði Hamann skorað uppá sítt spark. Síðani var tað danin Jon Dahl Thomasson, og hann skoraði tað fyrsta hjá Milan. Hin norðurlendingurin í finaluni, John Arne Riise, megnaði ikki at skora, tá Dida sera akrobatiskt fekk tveitt seg niður í høgra horn og bjargað. Síðani kundi Milan javn- að, og tað gjørdi Kaka uttan stórvegis trupulleikar. Liv- erpool átti tó eitt skot til góðar, og tað setti Smicer (spælir helst eisini sín síðsta dyst fyri Liverpool) trygt í netið. Um ikki Shevchenko skoraði tað fimta og síðsta brotssparkið hjá Milan, hevði Liverpool vunnið finaluna. Stjørnuáleyparin hjá Milan var ikki nóg kaldur, og Dudek bjargaði skotinum. Harvið gjørdist Liverpool Champions Lea- gue vinnari anno 2005. Ímóti øllum oddsum og metingum hevur Rafael Benitez gjørt eitt bragd og ført steypið við teimum stóru oyrunum aftur til An- field. Hetta var fimti sigur- in hjá Liverpool í hesi kapping, og tí fær felagið steypið til ognar. Nú skal UEFA gera av, um Liverpool sleppur at verja heitið. Liverpool end- aði nevniliga á fimta plássi í Champions League, og tað gevur ikki atgongd til Champions League. Enska fótbóltssambandið hevur gjørt av, at fýra tey fremstu fara víðari, og at einki undantak verður gjørt. Nú setur Liverpool sína vón til, at UEFA fer at loyva vinnaranum 2005 at vera heitið komandi kappingarár. Hetta málið verður avgreitt, áðrenn vikan er liðin. Liverpool fekk steypið til ognar Ein fantastiskur og ótrúligur fótboltsdystur er av. Liverpool hevur fyri fimtu ferð vunnið europeisku meistarakapping- ina, og Steven Gerrard, sum við málið sínum gav liðnum trúnna upp á sigurin, kann hevði steypið móti turkiska himmalinum Mynd: Reuters