hósdagur 23. juni 2005síða 7

1 • JUNI 2005 7 C M Y K 7 MÓTI Eivør Pálsdóttir er eisini heimskend í Føroyum fyri at tora at ganga nýggjar leiðir innan klædnastíl. Ferð eftir ferð hevur hon yvirraskað og sjokkerað við sínum sermerktu klæðum. À gallakvøldinum mánakvøldið var hon eisini í einum sermerktum kjóla. Tað er Svanhild Strøm, sum fleiri ferðir áður hevur seymað uppá Eivør, sum eisini hesuferð hevði havt gongd í nálini. Tær hava eitt stak gott samstrav og hóska væl saman. Svanhild hevur eftirhondini seymað einar 10-15 kjólar til Eivør. Grøni kjólin er bundin og var til endamálið settur saman við einum svørtum toppi, sum Svanhild eisini hevur seymað. Eivør hevur fyrr verið í bæði toppinum og kjólanum, men ongantíð áður hevur hon borið pløggini í senn. Men tað riggaði avbera væl, og styðjaði eisini uppundir hennara gátuføru og lokkandi framførðslu. Eivør Pálsdóttir Myndatekstur – Petrina Berg, ið var frásøgufólk á kvøldinum, var eisini í einum løttum kjóla frá Guðrun & Guðrun Eftir sýningina komu allar modellirnar út aftur, saman við sniðgevunum, sum – júst sum í stóru mótasýningunum – fingu blómur og vórðu heiðraðar. KONGSHÚSIÐ SÁ FØROYSKA SNIÐGEVING Til gallakvøldið, sum varð hildið í Norðurlandahúsinum mánakvøldið, vóru tveir føroyskir sniðgevar, sum sýndu sínar vørur fram fyri teimum royalu og meginpartinum av VIP fólkunum í Føroyum. Tær vóru Guðrun Ludvig frá Guðrun & Guðrun og Borgný Dam Patursson. Við ullini sum grundtilfari gongur Borgný nýggjar leiðir og setur saman tað, ið eingin fyrr hevur roynt. Við gazu og leður, bjartlittum tilfari, sum er tøvt inn í føroysku seyðaullina, sameinir Borgný til fullnar tað, sum kann tykjast ósambæriligt. Borgný fær íblástur úr ótamdu náttúruni – stormur og friðsemi, óbrýnt og bleytt, siðbundið og nýtt. Guðrun Ludvig Borgný Dam Patursson Guðrun & Guðrun hava frá fyrstu kollektión spælt við mótsetningum – bæði tá ið umræður tilfar og litir. Tilfarið er rátt og vilt, samstundis sum tað er fonnlætt og skygt. Litirnir eru bæði mildir og sterkir – júst sum litirnir í færoysku náttúruni. Endamálið í sniðgevingini er at sameina kvinnuliga lættleikan við stórbæru og samansettu náttúruna.