fríggjadagur 17. juni 2005síða 2

2 Nr. 113 - 17. juni 2005 Tíðindaskriv Partabrøvini hjá P/F Atlantic Petroleum vórðu skrásett á Virðisbræva- marknaði Føroya (VMF) og ICEX mikudagin 15. juni. Hetta vóru fyrstu føroysku partabrøvini á VMF og ICEX. Á tíðindafundi í Tórs- havn mikumorgunin 15. juni varð skrásetingaravtal- an undirskrivað av Atlantic Petroleum, ICEX og VMF. Fyrsti handilin við parta- brøvunum hjá Atlantic Pe- troleum fór fram, tá ið marknaðurin lat upp kl. 11. Skrásetingin av Atlantic Petroleum er byrjanin til partabrævahandil á Virðis- brævamarknaði Føroya í samstarvi við ICEX. Sigurd Poulsen, stjóri hjá VMF, staðfesti m.a. hetta tá av- talan varð undirskrivað: »Hetta er ein søguligur dagur fyri føroyska virðis- brævamarknaðin. Atlantic Petroleum hevur gingið á odda við at skráseta seg á okkara marknaði og vóna vit, at aðrar føroyskar fyritøkur fara at nýta sama møguleika í framtíðini.« »Vit vóna at skrásetingin av Atlantic Petroleum fer at verða grundarlag undir ein- um sterkum føroyskum virðisbrævamarknaði«, staðfesti Thordur Fridjons- son, stjóri fyri ICEX. »Hetta er fyrsta fyritøkan, ið verður skrásett grundað á avtaluna millum ICEX og Virðisbrævamarknað Før- oya, og er hetta ein týðandi hending. Vit vilja ynskja Atlantic Petroleum hjarta- liga vælkomnum«. Wilhelm Petersen, stjóri hjá Atlantic Petroleum, stað- festi m.a.: »Tað gleðir okk- um at verða fyrsta føroyska fyritøkan á VMF, og fyrsta útlendska fyritøkan á ICEX, og gleða okkum til eitt gott samstarv í framtíð- ini.« Atlantic Petroleum varð stovnað í 1998 sum fyrsta føroyska olju- og gassfyri- tøkan. Nominella virðið av øll- um partabrøvunum hjá At- lantic Petroleum er 73.997.800 krónur. Í løtuni eru 84.9% av partabrøvunum og at- kvøðurættinum hjá felagn- um ognað av generellum íleggjarum. Skrásetingin av partabrøvunum hjá Atlantic Petroleum varð samskipað av Kaupthing Bank hf. - Kaupthing Virðisbræva- meklarafelag P/F. Prospekt- ið hjá Atlantic Petroleum, prísir á virðisbrøvum og aðrar upplýsingar eru at finna á www.vmf.fo og www.icex.is. Atlantic Petroleum er nú skrásett á VMF og ICEX Wilhelm Petersen, stjóri: -Tað gleðir okkum at verða fyrsta føroyska fyritøkan á VMF, og fyrsta útlendska fyritøkan á ICEX, og gleða okkum til eitt gott samstarv í framtíðini Myndir Jensk K Vang -Virðisbrævamarkn- aður Føroya virkar fyri at skapa atgongd til fígging hjá vinn- uni. Hetta fegnast vit um. Hinvegin mugu vit ásanna, at at- gongdin til vágafúsan kapital í breiðari merking er ikki nøkt- andi í Føroyum – ikki minst tá talan er um fígging til íbirtarar. Vit mugu tí fram- haldandi arbeiða fyri at menna fíggjarskip- anir, sum kunnu birta upp undir nýskapan VIRÐISBRÆVA- MARKNAÐUR Jan Müller jan@sosialurin.fo Hetta segði Jóannes Eides- gaard, løgmaður m.a. til hátíðarhaldið í sambandi at Atlants Kolvetni varð skrá- sett á VMF/ICEX miku- dagin. Løgmaður leitaði fyrst aftur í tíðina: – Danbjørg, sáli, skuldi einaferð taka soleiðis til orðanna á tingi, at tað var ikki til at fáa eygað á eina erliga sosialistasál fyri tí bera kapitalistamjørka, sum tá valdaði. Hvat sami Danbjørg hevði sagt í dag, er ikki ringt at gita. Men soleiðis broyta tíðirnar okkum øll. Nýggjar tíðir – nýggjar avbjóðingar – nýggjar hugsanir. Sjálvt tað góða »latíni« broytist. Tí er tað ein heiður fyri meg, sum løgmaður, og enntá, sum sosialdemokratiskur løgmaður at bera fram eina røðu í dag. Hvat er politikkur? Stutta útgávan er, at politikkur snýr seg um vælferð. Hóast ymisku flokkarnir kunnu hava ymiskar tilgongdir og uppfatanir av, hvat vælferð er, so eru allir flokkar samdir um, at málið er at skapa vælferð. Vit eru eisini samd um, at vælferðin als ikki kemur av sær sjálvum. Hon er ikki ein gáva, men hon er eitt mál, sum stríðast skal fyri. Og vælferðin hevur harum- framt ein fíggjarligan kostnað og í nógvum førum ein stóran kostnað. Tí er tann longra útgávan av, hvat politikkur er, at hesin snýr seg um vælferð, bú- skap og vinnu. Skulu vit megna at fíggja eina góða vælferð, mugu vit hava ein sterkan búskap, og hesin hevur brúk fyri einari sterkari vinnu, sum kann skapa neyðugan vøkstur og inntøkur til samfelagið. Ynskja vit vælferð, so ynskja vit eisini ein sterkan búskap. Ynskja vit ein sterkan búskap, so ynskja vit eisini eina sterka vinnu. Onkuntíð hava vit lyndi til at »stinga høvdið í sand- in«, tí vit vilja ikki síggja veruleikan, sum hann er, ella tí vit halda, at tað »gongur nokk«. Vit noyðast tó at viður- kenna, at vit eru komin fram á fleiri týðandi vega- mót, ið krevja, at stórar politiskar avgerðir verða tiknar. Hesi vegamót reka inn á okkum, um vit vilja tað ella ikki. Spurningar sum altjóðagerð, okkara samstarvsviðurskifti við ES og EFTA, einskiljingar og framtíðar vinnubygnaður segði løgmaður og helt fram: Rættar avgerðir takast – Eitt er so vist, at lata vit standa til verða vit so dyggiliga afturútsigld. Ein alsamt harðari altjóða kapping frá láglønarlond- um hevur við sær, at kapp- ingarførið dragnar. Í størri og størri mun kasta londini rundan um okkum saman í tætt bú- skaparligt samstarv. At standa uttan fyri gerst alt- samt truplari. Tí mugu avgerðir takast – rættar avgerðir. Vit mugu seta út í kortið, og vit mugu vera framsøkin við greið- um ætlanum, sum kunnu menna okkara samfelag. Tað var í hesum anda, at landsstýrið um ársskiftið setti sær fyri at gera eina heildarætlan ella strategi fyri samfelagið. Talan er um meiri enn eina ætlan, soleiðis sum vit vanliga skilja hetta hugtak, tí setast skulu greið mál og greiðar tíðarætlanir fyri, nær málini skulu vera rokkin. Visjónin er, at Føroyar skulu vera millum fremstu lond í 2015, og strategiin er upp- skriftin, sum skal føra okk- um hagar. Hugsanin og endamálið við Strategi 2015 er at skapa karmar fyri búskap- arvøkstri – varandi búskap- arvøkstri, soleiðis at tað eisini í framtíðini verður peningur tøkur til fram- haldandi at menna okkara vælferðarskipanir. Løgmaður fegnast um virðisbrævamarknað