mikudagur 22. juni 2005síða 4

4 Nr. 116 - 22. juni 2005 Kendi danski sjón- varpslæknin, Peter Qvortrup Geisling, hevur verið í Føroy- um seinasta viku- skiftið og hildið skeið fyri starvsfólki hjá fyritøkum VITJAN Stefan í Skorini stefan@sosialurin.fo Hetta er aðru ferð innan stutta tíð, at danski læknin vitjar í Føroyum. Síðst framleiddi hann eina send- ing úr Føroyum, men hesuferð hava ørindini verið at hildið skeið ella fyrilestur fyri starvsfólki. Fyrilestrarnir hava mest snúð seg um samskifti og strongd. Starvsfólkið á nøkrum størri føroyskum fyritøkum hava havt høvi at hoyra danska læknan, ið er kendur fyri sendingina "Lægens bord" á DR. Fleiri hemoridir í bløðunum Danski læknin hevur rakt eina nerv við sínum sen- dingum um heilsu. Stórur áhugi er fyri hesum evnin- um, og fjølmiðlarnir geva sær møguliga ikki nóg stórt far um, at slíkt tilfar ofta fangar lesarar, lurtarar og hyggjarar. - Eg havi havi ofta sagt til stuttleika, at tað skuldu verið fleiri hemoridir í bløðunum, sigur Peter Qvortrup Geisling. - Fólk hava stóran áhuga fyri fjølmiðlatilfari, ið snýr seg um heilsu og ymsar sjúkur, og tí kunnu fjøl- miðlarnir vinna nógv við at hava slíkt tilfar við, greiðir læknin frá. Kemur aftur Sjónvarpslæknin hevur mest nýtt hesa ferðina at hyggja seg um í Føroyum, og hann hevur eitt nú verið útferð í Kalsvík á Kals- oynni og hugt eftir fugla- bjørgunum har. Peter Geisling sigur, at hann hevur ætlanir um at koma aftur hendavegin, men honum dámar best, um onkur verkætlan er knýtt at ferðini, og hann hevur leys- ligar tankar um, at hann møguliga fer at gera okkurt fjølmiðlaátak næstu ferð hann kemur til Føroya. Læknin hevur orðið Erla Bech Jensen úr Havn hevur ikki forsømt nakran tíma, tey trý árini hon hevur gingið í Studentaskúlanum í Hoydølum. – Eg elski at ganga í skúla, sigur Erla, og tað er eftir øllum at døma frá- greiðingin uppá eitt væleydnað stu SKÚLAGONGD Stefan í Skorini stefan@sosialurin.fo Hugsa tær ein gráan týs- morgun í november. Regnið slær á vindeygað í kamar- inum. Eingin er inni at hála teg upp úr songini. Tá er lætt at venda sær á hina liðina, lata skúla vera skúla og fara aftur í dreymaverð. Og vit eru eisini fleiri, ið eru fallin fyri freistingini. Men soleiðis hevur 18 ára gamla Erla Bech Jensen úr Havn tað ikki. Hon hev- ur nevniliga møtt upp til hvønn einasta tíma tey trý árini, hon hevur gingið í Hoydølum. - Tað hevur verið ein sera góð tíð, men eg eri glað fyri, at royndirnar nú kunnu leggjast afturum bak, og at alt er yvirstaðið. Tað er tó við einum farra av sorg- blídni, at man nú sigur farvæl, sigur hon. Franskt var yndismálið Erla hevur gingið á máls- ligu deild í ð-flokkinum, eisini nevndur 02ð. Erla væntar at fáa knapt 10 í meðal í próvnum. Spurningurin nú er sjálv- andi, hvat prógvið skal nýtast til. - Eg havi ofta hugsað um at lesa franskt víðari. Tað var eisini mín yndislæru- grein í Studentaskúlanum, greiðir Erla frá, og hon leggur flennandi afturat, at hon eisini skoraði eitt 11- tal í munnligu royndini í fronskum. - Eg havi havt ein dreym um at læra franskt til lítar og síðani at undirvísa børn- um í afrikanska landinum Senegal í sambandi við missiónsarbeiði, sigur Erla. Tí er ein møguleiki, at hon fer at lesa franskt víðari, men enn er eingin endalig støða tikin tí viðvíkjandi. Fyri fyrst fer hon at leita sær eftir onkrum fyrifall- andi arbeiði her heima, áðrenn leiðin møguliga gongur út í heim. Longu sæð heimin Erla hevur stóran áhuga fyri missiónsarbeiði, og hon hevur verið við for- eldrunum úti í heimi í hesum sambandi. Í eitt ár hevur hon siglt við trúboðaraskipinum Doulos, har pápin var skip- ari og mamman starvaðist í móttøkuni. Erla var bæði dekkari og starvaðist í bókasøluni umborð á skip- inum, sum eisini hevur vitjað í Føroyum nakrar ferðir. Hesa tíðina, tá familjan var umborð, sigldi skipið mest í Asia, og tí hevur hon hóast sín unga aldur longu vitjað tey flestu londini í Landsynningsasia. Árið eftir sigldi hon eisini í tveir mánaðir í Karibiska havinum við einum øðrum trúboðara- skipi, ið nevnist Logos. Vanligt er, at nýklaktar pisur hava ætlanir um at fara út í heim og uppliva aðrar mentanir og fremm- and lond. Men Erla hevur longu vitjað fleiri lond, enn fleiri okkara vitja ígjøgnum eitt heilt lív. Hon metir, at hetta hevur ment hana sum persón og harvið hjálpt henni í skúl- anum – eisini tí, at hon hevði eitt sabbatár umborð á skipinum, áðrenn hon byrjaði í studentaskúlanum. Var við í Jósef Tá næmingar í studenta- skúlanum í fjør settu upp stórsligna leikin um Jósef og ótrúliga litfagra dreyma- kotið, var Erla eisini mitt í rokanum. Hon hevði ein tann størsta leiklutin sum upplesari í leikinum. Hóast tað var strævið og tíðarkrevjandi at vera við, gekk tað ikki út yvir skúla- gongdina. Erla hevur nevniliga havt eina fyri- myndarliga uppmøting. Hon er ongantíð skrásett sum fráverandi hesi trý. Nú kann hon njóta komandi dagarnar við góðari sam- vitsku. Eitt tíðarskeið er nú liðugt, og ta eitt nýtt stend- ur fyri framman hjá øllum teimum, ið júst hava nomið sær miðnámsútbúgving á studentaskúla, HF-skeiði, handilsskúla ella teknisk- um skúla. Nýfloygd pisa: 0 % fráveru Erla avmyndað við akkerið av skipinum Góðanesi, sum fór við Flesjarnar í 1957 Mynd: Bárður Peter Qvortrup Geisling hevur hildið fyrilestrar fyri starvsfólki á nøkrum størri føroyskum fyritøkum. Her stendur hann í Lærara- skúlahøllini fríggjakvøldið. Í bakgrundini sæst ein forsíða, ið BT hevði um læknan fyri kortum. Yvirskriftin ljóðar "Forsker anklager TV-lægen: Lokker unge til selvmord". Hetta er eitt dømi um, hvussu boðskapurin í hansara sendingum onkuntíð hevur verið misskiltar millum fólk Mynd: Magnus Gunnarsson