hósdagur 2. juni 2005síða 33

Nr. 102 - 2. juni 2005 33 Norðoyastevnan og Summarfestivalurin eru tvær heilt ymisk- ar stevnur, og sjálv- andi skulu vit hava báðar. Men vit eiga avgjørt at dagføra Norðoyastevnuskrán na, eisini tí tunnilin skjótt verður veru- leiki, sigur Dávur Winther, mentanar- leiðari í Klaksvíkar býráð NORÐOYASTEVNAN 05 Anna V. Ellingsgaard anna@sosialurin.fo Nógva kjakið um framtíð- ina hjá bygdastevnunum, nú festivalarnir gerast al- samt fleiri og størri, hevur ikki fingið Dávur Winther, mentanarleiðara í Klaks- víkar býráð, at ivast í, hvønn leiklut Norðoya- stevnan skal hava framyvir. – Norðoyastevnan er okkara lokala tjóðarhátíð her norðuri og kann als ikki samanberast við onnur tilboð. Hon er ein partur av okkara lokalu søgu og nógv av tí, sum er á skránni, hev- ur røtur í aldargomlum sið- venjum, sum vit eiga at standa saman um at varð- veita, sigur Dávur. Tað fólksliga fremst Dávur vísir á, at á Norð- oyastevnu koma fólk fyrst og fremst saman um tað fólksliga, har tey sjálvi føla seg sum ein part av tí, sum gongur fyri seg. Markið millum "yder og nyder" er lágt, og soleiðis skal tað eisini vera, tí vit eru øll saman um at skapa Norð- oyastevnuna. – Tað kann vera, at alt ikki er so professionelt, men vit eiga at minnast til, at tað í høvuðsheitum eru áhugafeløg, sum skipa fyri og leggja eitt stórt sjálv- boðið arbeiði, bæði í stevn- una men ikki minst í virk- semið hjá felagnum restina av árinum. Á Norðoya- stevnu hava fólk so møgu- leika at stuðla feløgunum, og familja og onnur kunnu nýta høvið at síggja, hvar tað er, tey ungu halda til í frítíðini. Hetta er alt nakað, sum er við til at skapa ein felags trivnað í lokalsam- felagnum, sigur Dávur. Eftir hansara tykki nøktar Summarfestivalurin ein heilt annan tørv, har miðað verður ímóti at geva fólki eina stórfingna og intensa tónleikauppliving her og nú. – Tað er eydnast festival- inum at skapa fíggjarligar karmar fyri einum tiltaki á hægsta professionella støði, og sum vit øll fegnast um og eru stolt av. Men tað er ikki uppgávan hjá festival- inum at skapa eitt høvi hjá eitt nú teimum smáu áhuga- feløgunum at gera vart við seg ella at markera gamlar siðir. Tann leiklutin eigur Norðoyastevnan framvegis at hava, sigur Dávur. Lokal tjóðarhátíð Dávur heldur, at Norðoya- stevnan uppá nógvar mátar er ímyndin av nøkrum gomlum føroysku siðvenj- um, sum vit ikki rættiliga uppliva á sama hátt í sam- band við onnur tiltøk. Til dømis hetta, at vinir og kenningar koma at gista í nakrar dagar, og at fólk annars nýta høvið at ganga húsagongd. – At hava serliga góðan mat inni og kanska gera eina stóra grýtu við onkrum góðum er jú fastur táttur í heiminum hjá nógvum á Norðoyastevnu. So tú kanst siga, at pallurin á Norðoya- stevnu røkkur heilt úr stovunum hjá fólki og út til Kunoyarnes, har kappróð- urin byrjar, sigur Dávur. Kappróðurin er, sum vera man, hæddarpunktið hjá teimum flestu á Norðoya- stevnu. Fá munnu duga at ímynda sær eina Norðoya- stevnu uttan ein túr oman á keiina at fylgja við, hvussu tað gongur hjá teimum ymsu bátunum og at hitta fólk. – Um veðrið er til vildar, er hetta eisini løtan, tá nógv nýta høvið at fara út at spáka í føroyskum klæðum. Hetta er eisini ein avger- andi munur millum tær báðar stevnurnar, tí ongin hevði funnið uppá at latið seg í føroysk klæðir og farið oman í Vágsbø at lurta eftir Shakin’ Stevens, sigur Dávur. - Norðoyastevnan er eitt slag av tjóðarháðtíð hjá okkum norðoyingum. Børnini hava føroysk fløgg við, tá tey fylgja Klaks- víkar Hornorkestri og skrúðgonguni, tey vaksnu fara á midnáttarsamkomu at lurta eftir eini røðu, sum oftast fyrst og fremst snýr seg um tey sjálvi, syngja Klakvíkssangin, sum eitt av okkara lokalu skøldum hevur yrkt, og seinni fara tey kanska uppá gólv. Hetta alt nakað, sum styrkir okk- ara samleikakenslu og minnir okkum á okkara fe- lags røtur. Framtíðin Í løtuni er tað okkurt, ið bendir á, at hetta kanska verður seinasta Norðoya- stevnan, áðrenn Norðoya- tunnilin letur upp. Í øllum førum er ongin ivi um, at tey, sum skipa fyri, mugu fyrireika seg uppá, at munandi fleiri avbygdafólk fara at leita sær til Klaks- víkar á Norðoyastevnu framyvir. – Hetta fer at seta nøkur onnur krøv til Norðoya- stevnuna, men tað er ikki einasta orsøkin til, at vit eiga at dagføra Norðoya- stevnuskránna. Hvussu tað skal gerast, verður upp til nevndina í NFÍ - bara vit tryggja okkum, at tað fólks- liga og tað siðsøguliga framvegis verður høvuðs- eyðkennið við Norðoya- stevnuni, sigur Dávur Winther. Dávur Winther, mentanarleiðari: – Sjálvandi skal Norðoya- stevnan varðveitast - Tíðin er avgjørt komin, at vit mugu dagføra Norðoyastevnuskránna, men tað fólksliga og tað siðsøguliga eigur framvegis at verða høvuðseyðkennið við Norðoyastevnuni í framtíðini, sigur Dávur Winther, mentanarleiðari í Klaksvíkar býráð