leygardagur 4. juni 2005síða 8

8 Nr. 104 - 4. juni 2005 Íløgan hjá Klaksvíkar Kommunu verður kannað Løgmansskrivstovan kannar í hesum døg- um íløguna hjá Klaksvíkar Komm- unu í íløgufelagið Phoenix, sum herfyri fór á heysin KOMMUNUMÁL Terji Nielsen terji@sosialurin.fo Milliónin, sum Klaksvíkar Kommuna setti í íløgu- felagið Phoenix, er mist. Hetta fekk øði í nógvar klaksvíkingar, tá ið tað kom fram, tí nógv hildu tað verða burturvið, at komm- unan setti pening í eitt íløgufelag. Málið kom fyri á landsstýrisborði, og tað verður nú viðgjørt á Løg- mansskrivstovuni. Landsstýrismaðurin ógegnigur Vanligt er mál, ið hava við kommunur at gera, verða viðgjørd í Innlendismála- ráðnum, men soleiðis er ikki í hesum førinum. Or- søkin er tann, at landsstýr- ismaðurin í Innlendismál- um, Jógvan við Keldu, sjálvur er gamal borgar- stjóri í Klaksvík, og tí metir hann seg verða ógegnigan í málinum. Tískil tók Løgmansskriv- stovan málið á seg, og har liggur málið í løtuni. Løg- mansstjórin, Marjun Han- usardóttir, sigur, at Løg- mansskrivstovan hevur viðgjørt málið, og síðani var eitt skriv sent Klaks- víkar Kommunu, har biðið var um eina frágreiðing upp á nakrar fyrispurn- ingar, sum Løgmansskriv- stovan hevði í sambandi við málið. Í hesi vikuni fekk Løg- mansskrivstovan so svar- skriv frá Klaksvíkar Kommunu, og hetta skriv verður so lisið og viðgjørt á Løgmansskrivstovuni í løtuni. Kunnu revsast við bót Um so er, at Løgmansskriv- stovan heldur, at komm- unustýrislimirnir, ið hava verið til at taka avgerðina um íløguna hjá klaksvík- ingum í Phoenix, hava bor- ið seg skeivt at, hevur landsstýrismaðurin ella løgmaður fleiri møguleikar. Millum annað kunnu kommunustýrislimirnir verða álagdir at gjalda tvingsilsbøtur sambært Kommunustýrislógini grein 55, stk 2. Eisini er møguligt at saksøkja kommunustýrislim eftir endurgjaldi, um hann ber ábygd av, at kommunan hevur verið fyri missi. Á Løgmansskrivstovuni verður upplýst, at málið sum so ongan skund hevur, og tí verður tann tíð tikin, ið skal til fyri at fáa eina orduliga niðurstøðu, verður sagt á Løgmansskriv- stovuni. Lands- dysturin á stórskíggja í Keyp- manna- havn Føroyingar í Keypmanna- havn fáa nú eisini høvi at síggja landsdystin mill- um Føroyar og Sveis beinleiðis Tað er pubbin The Globe, sum liggur í Nørregade (nær við Nørreport), ið fer at vísa dystin á stórskíggja. Um- framt stórskíggjan eru eisini fleiri smærri sjón- vørp, soleiðis at øll hava møguleikan at síggja dystin. The Globe hevur boðað frá, at í sambandi við dystin verða før- oyskar drekkivørur seldar í barrini. Dysturin, ið verður leiktur á Svangaskarði, verður bríkslaður í gongd klokkan 17.30 danska tíð. sís Arbeiðið í Steinatúni liðugt Vegarbeiðið í Steinatúni, sum seinastu mánaðirnar hevur sett sín dám á ferðsluna í høvuðsstaðn- um, er nú liðugt. Heðin Mortensen, borg- arstjóri, sigur, at arbeiðið hevur gingið serstakliga væl, og at tað er liðugt nógv fyrr enn væntað. Borgarstjórin sigur, at býráðið hevur roynt at skumpa undir at fáa ar- beiðið gjørt so skjótt sum gjørligt. Tí var millum annað avgjørt, at arbeið- ast skuldi í trimum skift- um, har tað annars er van- ligt, at arbeitt verður bert í einum skifti. Áðrenn arbeiðið fór í gongd, mettu nógv, at arbeiðið fór at hava við sær, at rættuligur ferðslu- ruðuleiki fór at verða í miðbýnum, men Heðin Mortensen heldur, at hes- um er fullkomiliga slopp- ið undan, og at ongir trupulleikar hava verið í ferðsluni orsaka av ar- beiðinum í miðbýnum. tn Nú sildin av álvara tykist verða komin fyri seg, gera teir seg til at byggja út á virkinum hjá Kollafjørð Pelagic. Ætlanin er at seta upp eina skerilinju á virkinum, sum skal skera sild í eini roynd at tryggja virkinum meiri rávøru. Christian í Grótinum, Tróndur í Gøtu, Saksaberg og onnur skip royna í løtuni eftir norðhavssild, og fleiri útlendsk skip eru eisini á somu leið. Fleiri av hesum skipum hava verið á Kollafirði og landað til Kollafjørð Pelagic, og fleiri afturat eru væntandi næstu dagarnar. tn Steinbjørn Jacobsen,borgarstjóri í Klaksvík, bíðar óivað spentur eftir, hvørja niðurstøðu Løgmansskrivstovan kemur til í málinum um íløguna hjá Klaksvíkar Kommunu í íløgufelagið Phoenix. Mynd: Bárður Útbyggja Kollafjørð Pelagic Nú er ætlanin at seta upp eina skerilinju á Kollafjørð Pelagic, sum skal skera sild. savnsmynd