týsdagur 12. juli 2005síða 17

Live- úrslita- tænasta Meðan kappast verður á oyggjaleikunum, verða úrslitini frá einstøku kappingunum lagdar á alnetið, so hvørt sum hesi verða staðfest. Almenna heimasíðan hjá leikunum eitur www.shetlandresults200 5.com, og á hesari kann so fylgjast við í einstøku kappingargreinunum. -jm Útvarps- met BBC Radio Shetland fer at seta sendimet í vikuni, sum oyggja- leikirnir eru. Hvønn dag verður sent beinleiðis frá kl.14 til kl. 19, og tað er ongantíð áður roynt her á oyggjunum, verður sagt. -jm Skjót journa- listin! Sonevnda pressusentrið á oyggjaleikunum liggur væl fyri sum partur av stóra Clickamin ítróttar- deplinum, sum er sjálvt hjartað á oyggjaleikun- um. Heldur forkunnugt, so er sjálvur fjølmiðla- deplin innrættaður í høl- um, sum vanliga verða nýtt sum skjótibreyt, so skelti um nýtsul av oyraverndum og um at taka fyrilit fyri skjóting- ini eru partur av veggja- prýðinum í hølunum. -jm Áland ella Ynos Mon Týsdagin verður tað gjørt av, hvar Oyggja- leikirnir í 2009 verða hildnir. Áland og Ynes Mon hava bjóðað seg fram, og á aðalfundinum hjá IGA skal atkvøðast um, hvør skal hava leikirnar. Fyri fyrstu ferð nakran- tíð verður aðalfundurin hjá IGA opin fyri fjøl- miðlunum. ek Sosialurin í Hetlandi Jens Kristian Vang, myndamaður jensk@sosialurin.fo Eyðun Klakstein, blaðmaður eydun@sosialurin.fo Jákup Mørk, blaðmaður jakup@sosialurin.fo Graveringarnar á gull- og bronsu- medaljunum er ikki nóg góðar, og tí fáa allir gull- og bronsu- vinnarar á Oyggja- leikunum í Hetlandi nýggj heiðursmerki sendandi eftir leikirnar HEIÐURSMERKI Eyðun/Jens Kr. eydun@sosialurin.fo Lerwick: Lagið var einki serligt á fyrireikarunum av Oyggjaleikunum á Het- landi, tá ið teir kundu stað- festa, at heiðursmerkini eru ikki nóg virðilig at lata teimum vinnandi ítróttar- fólkunum. Tað eru gull- og bronsu- heiðursmerkini, sum ikki eru í lagi. Graveringarnar eru ikki nóg góðar, og tær skulu tí gerast umaftur. Tað er tó vónleyst at gera øll heiðursmerkini av nýggjum hesa vikuna, tí heiðursmerkini eru serliga framleidd til leikirnar, og tað verður gjørt í Skotlandi. – Vit hava fingið at vita, at tey, sum vinna gull og bronsu, fáa heiðursmerkini um hálsin eftir kappingar- nar, og tey kunnu eisini taka tey heim við, men seinni fáa tey nýggj heiðursmerki sendandi, sigur Sølvi Reinert Hansen, formaður í føroysku Oyggjaleika- nevndini. Fáa tvær medaljur Tey, sum vinna silvur- merki, hava onga orsøk til at stúra, tí teirra heiðurs- merki er í lagi, og tey verða ikki gjørd av nýggjum. – Tað er eitt sindur óheppið, at hetta skuldi henda , men tað er einki at gera við tað nú. Fyrireikar- arnir siga, at teirra veitari í Skotlandi hevur gjørt mistakið, men kanska kundu fyrireikararnir verið í eitt sindur betri tíð við heiðursmerkjunum, so tað hevði veri gjørligt at rætta mistakið áðrenn sjálvar leikirnar, sigur Sølvi Reinert Hansen. Hann hevur einki frætt um, at luttakararnir, sum vinna gull og bronsu, skulu lata hesi aftur, áðrenn tey fáa tey nýggju heiðurs- merkini. – So tey, sum vilja hava eina originala medalju beinanvegin, skulu vinna silvur, meðan tey, sum vilja eiga tvey sett heima, skulu vinna gull ella bronsu, sigur Sølvi Reinert Hansen skemtandi. Eitt er so púra vist, gra- verandi mistakið við heiðursmerkjunum fær so onga ávirkan á hugin hjá ítróttarfólkinum at vinna kappingarnar… Heiðursmerkini sum Halltóra Joensen og øll hini ítróttarfólkini á Oyggjaleikunum stríðast um, er kolldømd av fyrireikarunum. Nýggj heiðursmerki skulu gerast, og tí fáa øll tey, sum vinna gull ella bronsu, endaligu heiðursmerkini sendandi eftir kappingina Heiðursmerkini eru kolldømd