týsdagur 12. juli 2005síða 32

32 Nr. 131 - 13. juli 2005 Í kvøld skulu føroya- meistararnir úr HB spæla fyrra dystin móti litaviska meistaraliðnum Kaunas í undankapp- ingini til Champions League. Dysturin kann hava sera stóran týdning fyri Havnar Bóltfelag, og tí er serliga nógv gjørt burtur úr fyrireiking- unum. CHAMPIONS LEAGUE Terji Nielsen terji@sosialurin.fo Um so er, at HB hevði megnað at bast litavisku meistarunum, so stendur allarhelst enska stórfelagið Liverpool, ið vann Champ- ions League farna kapping- arár, og bíðar fyri framman. Enska liðið skal spæla móti walisiska TNS í sínum undanumfari, og tað verður mett sum ein ógvuliga løtt uppgáva hjá Liverpool Í HB eru tey fullvæl greið yvir, at tað verður ógvuliga trupult at røkka næsta umfarinum, men um tað skuldi hent seg, so hevði ein uppgerð móti Liverpool havt við sær eina eyka inntøku upp á slakar 10 milliónir krónur fyri havnarfelagið, verður mett. Allir mans klárir Í eini roynd at verða so væl fyri sum møguligt, hevur HB keypt allar sínar leikar- ar leysar frá arbeiði mána- dag, týsdag og mikudag í hesi vikuni, og seinnapartin í gjár savnaðist hópurin á Hotel Hafnia, har teir hava gist í nátt og verið saman til dystin í kvøld. Tá ið vit í gjár hittu leik- andi venjaran hjá HB, Heina Fernandez, kundi hann fegnast um, at allir mans eru tøkir til dystin móti Kaunas. - Vit hava ongan skaddan leikara í løtuni. Bárður Mortansson hevur verið skaddur, men hann fekk ein hálvan tíma á vøllinum sunnudagin, og ikki kann sigast annað enn at hann gjørdi tað gott, sigur Heine Fernandez. Í dystinum móti ÍF sunnudagin kom Bárður á vøllin saman við Heina Fernandez, og teir báðir fingu tvey mál í part tann hálva tíman, ið teir vóru á vøllinum. Spurdur um góða avrikið hjá teimum báðum fer at hava við sær, at onkur útskifting verður framd í álopinum í mun til byrjun- aruppstillingina móti ÍF, sigur Heine Fernandez: - Tað dugi eg ikki at siga enn. Vit hava eina venjing afturat undan dystinum, og hon verður avgerandi fyri, hvørjir fara at teljast millum teir fyrstu ellivu, sigur HB-venjarin. Danskur styrkur komin Við í hópinum hjá HB verða eisini tveir nýggir leikarar, nevnliga teir báðir danirnir, Jan Larsen og Martin Nielsen, sum komu til landið mánadagin. Eftir ætlan skuldu teir báðir koma sunnudagin, men floglíkindini í Vágum forðaðu fyri hesum, og ístaðin fingu teir høvi at uppliva bæði Ísland og Noreg, áðrenn teir kundu stíga á føroyska jørð. Tá ið HB hevur fingið hesar báðar donsku leikar- arnar til dystirnar móti Kaunas, tykist tað sjálv- sagt, at teir báðir verða við í byrjunaruppstillingini hjá føroyameistarunum í kvøld. Heine Fernandez vil tó einki siga, um so er, ella um hvørjir leikarar verða noyddir at víkja fyri teimum báðum dønunum. Skulu halda konsentratiónina Hjálparvenjarin hjá HB, Albert Ellefsen, var herfyri í Litava og hugdi at einum dysti hjá Kaunas, og hann hevur síðani greitt Heina Fernandez frá tí, ið hann sá har yviri. - Vit vita, at talan er um eitt lið, sum er rættuliga væl fyri kropsliga, og sum kann spæla skjótan fótbólt. Albert legði eisini til merkis onkran einstakan spælara, ið tykist hava ein rættuliga avgerandi leiklut á liðnum, sigur Heine Fernandez. Leikandi venjarin hjá føroyameistarunum heldur tað verða ógvuliga umráð- andi, at liðið heldur kon- sentratiónina allan dystin, tí gert tú eitt mistak, kanst tú rokna við, at tað verður revsað beinanvegin. - Vit noyðast at ansa eftir, at vit ikki gera mistøk, og tað er serliga í uppspælin- um, at tað er umráðandi. Missa vit bóltin í uppspæl- inum, er vandi fyri, at teir revsa okkum, áðrenn vit eru komnir upp á pláss í verjupartinum. Somuleiðis ræður um, at vit eru ógvuliga konsentreraðir í deyðbóltsstøðum, sigur Heine Fernandez. Harðari enn vanligt HB-venjarin sigur, at leik- ararnir skulu verða greiðir yvir, at teir í kvøld skulu á vøllin og spæla ein altjóða dyst, og at stórur munur er á hesum dystinum og ein- um dysti í heimligu kapp- ingini. - Í altjóða fótbólti er tað tann sterkasti, sum vinnur. Dómararnir loyva nógv meiri, og tí skulu vit ikki verða bangnir fyri at geva aftur av somu skuffu í nærdystunum. Teir eru ógvuliga væl fyri kropsliga, og tað verður ógvuliga trupult hjá okkum at standa mát við teir á tí økinum. Í Føroyum verður nógv minni loyvt, og tað verður floytað fyri næstan hvønn einasta nærdyst, heldur Heine Fernandez. Hava hitt Kaunas áður Fyri tveimum árum síðani hitti HB eisini Kaunas í Champions League undan- umfarinum, og tá vann lita- viska liðið 1-0 í Føroyum og 4-1 í Litava, men mun- urin á liðunum báðum var ikki so stórur, sum tað á pappírinum kundi sæð út til. Í HB vóna tey, at tað í ár skal gerast eitt munandi betur úrslit, og dreymurin er sjálvsagt, at litaviska meistaraliðið skal koppast, soleiðis at Liverpool og milliónirnar gerast veru- leiki. Dysturin millum HB og Kaunas verður á Tórsvølli í kvøld klokkan 19.00 Badminton og fimleik- ur rúka út av Oyggja- leikum Endaliga avgerðin um, hvørjar ítróttargreinar verða við á næstu Oyggjaleikunum er tikin. Judo sleppir inn í hitan aftur, men fimleikur og badminton rúka út OYGGJALEIKIR Eyðun Klakstein eydun@sosialurin.fo Lerwick: Fyrireikarar- nir á Rhodos hava nú gjørt endaliga av, hvørj- ar ítróttargreinar vera við á Oyggjaleikunum har í 2007. 14 ítróttargreinar verða við, og meðan greinar sum judo, triath- lon og tennis koma inn aftur í hitan, verða bad- minton og fimleikur koyrd út í kuldan. Valið av ítróttargrein- um hongur saman við, hvørjar fasilitetir vertir- nir hava at bjóða, og Rhodos heldur seg ikki kunna skipa fyri eitt nú kappingum í badminton og fimleiki. Badminton hevur altíð verið við til Oyggjaleik- ir, meðan fimleikur ikki hevur verið við hvørja- ferð. Oyggjaleikirnir á Rhodos verða í døgun- um frá 30. juni til 7. juli í 2007. Teir báðir donsku spælararnir, ið HB hevur leigað til dystirnar móti Kaunas, komu til landið mánakvøldið. Her eru teir avmyndaðir saman við stjóranum í Havnar Fótbóltur, Steinfinni Mittelstein. Tað er Jan Larsen vinstrumegin og Martin Nielsen høgrumegin. Mynd: www.hb.fo Nú skal slagið standa Føroyska róðrarkvinnan Katrin Olsen gjørdist sam- an við bátafeløgunum um- borð á danska dupult- scullaranum nummar tvey í altjóða kapping í Luzern um vikuskiftið. Katrin og bátafelagarnir vunnu sítt innleiðandi um- far leygardagin, men í fin- aluni vóru teir akkurát ov stuttar og noyddust at lúta fyri Kina, sum gjørdist ein- ans 0,29 sekund framman fyri danska bátin. Katrin Olsen sigur á heimasíðuni hjá Havnar R ò ð r a r f e l a g , www.drekin.fo, at tær vóru nokk so skuffaður eftir róðurin, men tó ikki heilt ónøgdar við silvurið. Nú eru tær úttiknar til at HM í Japan, og tað verður so arbeitt fram ímóti nú. Annars kemur manningin á vitjan í Føroyum um ólavsøkuna, so at tær sleppa at uppliva føroysk- an kappróður. tn Katrin gjørdist nummar tvey í Sveits