hósdagur 14. juli 2005síða 22

22 Nr. 132 - 14. juli 2005 - Tað er heilt vist, at er fiskurin feskur og fyrstafloks tá hann er á marknaðinum í Europa, so fæst eisini ein sera góður prísur fyri hann. Tí er tað at eg sigi: Tveir daga gamlan fisk fært tú einki fyri. Tá er prísurin snøgt sagt burtur, sigur Son- finnur Ellefsen, sum í løtuni fyrireikar eitt virki, sum skal pakka og senda góðan fesk- an fisk av landinum. FISKIVINNA Snorri Brend Mynd: Bárður Miðvágur: Innan sær hann ikki út av nógvum, - bygn- ingurin yviri á Prestland- inum, har feðgarnir báðir, Sonfinnur og Jens Eli í løtuni eru til arbeiðis. Teir eru í ferð við at rigga hesi hølini til eitt arbeiðs- pláss, her feskur fiskur skal keypast inn, her fiskurin skal pakkast og higani fiskurin skal sendast bein- leiðis niður á europeiska marknaðin við Atlantsflog tíðliga um morgunin. - Vit miða eftir at byrja arbeiðið av álvara seint í summar, tá innrættingin er liðug og tann endaliga góð- kenningin frá Heilsufrøði- ligu Starvsstovuni fyriligg- ur, sigur ein bjartskygdur Sonfinnur. Teir fara fyrst og fremst at leggja seg eftir at keypa og pakka tosk. Óhugsandi er ikki, at teir einaferð seinni kunnu gera tað sama við hýsu, men í fyrstuni verður toskurin so álitið hjá fyritøkuni, sum – ikki uttan orsøk - hevur heitið "Faroe Fresh". Júst hetta við tí fríska og feska, skal vera vørumerkið hjá fyritøkuni, sum her fer undir eina spennandi ætlan fyri útflutning av føroysk- um fiski. Sonfinnur og Jens Eli meta, at ætlanin ber til. Og tað ger Miðvágs kommuna eisini, tí í løtuni er hon í ferð við at gera veg oman til virkið, soleiðis at arbeiðs- umstøðurnar og flutnings- møguleikarnir skulu gerast tær bestu hjá fyritøkuni. Rætt hugskot Sonfinnur veit sjálvur, hvat virði er í góðum feskum fiski. Hann hevur tey seinastu trý árini róð út vestanfyri við báti sínum "Bósdalar- fossur", og er í hesum sam- bandi komin at hugsa um møguleikan at flyta fiskin sjálvur av landinum - skjótt, beinleiðis og fyri ein góðan prís. Tað vísti seg skjótt, at møguleikarnir fyri hesum vóru til staðar: Fyri flog- vøllin í Vágum var hetta eingin trupulleiki. Fyri føroyska flogfelagið Atlantsflog var heldur ein- gin trupulleiki. Spurningur- in var bara um at fáa fatur á tí feska fiskinum. Tað var kanska mest her at vansin var, tí í fyrsta lagi verður fiskurin á uppboðs- sølunum blandaður saman, og í øðrum lagi var vansin tann, at tær fyrst byrja at selja kl. 11 um morgunin. Sum útróðrarmaður í Vágum sóu feðgarnir báðir júst ein møguleika í hesum: Hví ikki sjálvir keypa fisk frá útróðrarmonnum í Vág- um, umpakka hann í Vág- um og síðani senda hann umvegis Vága Floghavn niður til tann europeiska marknaðin?! Teir hava fingið loyvi at royndarkoyra hetta hug- skotið í eina tíð, og bíða tí spentir eftir degnum, tá teir á fyrsta sinni kunnu fara umborð á eitt av flogfør- unum hjá Atlantsflogi við feskum føroyskum fiski frá fyritøkuni "Faroe Fresh". Rættur vegur Tað hevur eydnast Faroe Fresh at fáa fatur á áhugað- um keyparum í fleiri lond- um í Europa. Sonfinnur eigur eina systir, sum býr í Danmark og hon hevur hjálpt teimum við at fáa fatur á møgulig- um keyparum í t.d. Frak- landi, Hollandi, Spanien og Danmark. Teir hava longu sent royndir av tí feska fiskinum til hesar keyparar, og hava fingið sera positivar aftur- meldingar frá teimum - og ein góðan prís. - Tað er eisini júst okkara endamál, - at keyparin fær eina góða vøru og sum hann so vil lata ein hægri prís fyri, sigur Sonfinnur. Inni á virkinum fer tí at verða lagdur allar størsti dentur á góðskuna. Ætlanin er tí, at ein stórur partur av teimum komandi starvs- fólkunum skulu hava sum uppgávu at hava eftirlit, so at hagreiðingin og góðskan á hvørjum einasta fiski er í lagi. - Hetta fer eisini at loysa seg í síðsta enda, sigur hann, og leggur dent á, at hetta má gerast vegurin fyri føroyska fiskivinnu í fram- tíðini. Rættur prísur Tann stóri spurningurin - ella avbjóðingin - hjá øllum útróðrarmonnum hevur verið nøgdin og prísurin, ið fæst fyri fiskin. Leysliga mett munnu vera eini 400 útróðrarmenn í Føroyum. Soleiðis sum gongdin hevur verið tey seinnu árini, er lítið sum bendir á, at teir fara at fáa meiri fisk uppá mannin. Tann stóri spurningurin er tí, hvussu teir kunnu fáa ein hægri prís fyri tær nøgdirnar, sum teir avreiða hvørja ferð. Tað er hóast alt munur á at fáa í miðal 10- 12 kr. fyri kilo, tá ein veit, at fiskurin kanska er verdur tað dupulta. Við hesum í huga fer Faroe Fresh at royna eina nýggja og spennandi leið, sum í síðsta enda eisini fer at verða útróðrarmonnun- um í Vágum at gagni. Góður feskur fiskur gevur dupultan prís - Hetta er tann gongda leiðin, soleiðis at meiri fæst fyri tann føroyska útróðarfiskin, sigur Sonfinnur Ellefsen, sum nú byrjar nýtt útflutningsvirksemi So feskur ... Fyri at fáa bestu úrtøkuna við feska fiskinum er ætlanin er hava hesa mannagongd í framleiðsluni: Um kvøldið: Bátarnir fara avstað til útróðrar Um náttina: Teir koma aftur við fonginum Kl. 4: Fiskurin verður vigaður og pakkaður Kl. 8: Fiskurin fer við Atlantsflog til Danmarkar Um middagsleitið: Fiskurin fer víðari á tann europeiska marknaðin Seinnapartin: Fiskurin er hjá kundunum kring alt Europa FAKTA Inni á virkinum vera vektir og pakkimaskinur settar upp. Arbeiðast skal skjótt og væl, so tann feski útróðrarfiskurin kann verða á europeiska marknaðinum einar 12 tímar aftaná at hann er avreiddur í Vágum