fríggjadagur 22. juli 2005síða 7

Nr. 138 - 22. juli 2005 7 Stórur munur er á samsýningini fyri at spæla á G!. Fyriskip- arin sigur, at tað eru marknaðarkreftirnar, sum ráða, og at tað sær gott út á CV’num at hava spælt á G! Teir ungu havnar- bólkarnir tóku heldur óvanlig stig til at fíggja ferðina Niels Uni Dam nielsuni@sosialurin.fo Herfyri vóru stuðulskon- sertir í Margarinfabrikkini í Havn. Endamálið var at savna pening inn til ferða- útreiðslur hjá nøkrum av yngru bólkunum, sum skulu spæla á G! Festivalin- um. Bólkarnir hava ikki nakra serliga fíggjarliga orku, og fáa ongan pening fyri at spæla. Tí varð skipað fyri hesum heldur serliga til- taki. Sær gott út á CV’num Sosialurin spurdi Jón Tyril, talsmann fyri G! um hví G! velur at lata bólkar spæla uttan samsýning: – Fyrst av øllum vil eg gera vart við, at eingir bólkar spæla heilt ókeypis á G! Teir fáa vikuskiftis- atgongumerki til sín sjálvs og ein gest í part. Hesi hava hvørt virði av 595 kr. Har- umframt fáa tónleikararnir mat og drekka, eina T-shirt, og ikki minst góða reklamu og eksponering bæði á pall- inum og í fjølmiðlum og á okkara heimasíðu. – Men tað er rætt, at vit hava ikki ráð at gjalda sam- sýningar í pengum til allar bólkar. Vit halda tó, at tað er ein góður møguleiki at gera vart við seg, at spæla á G! Tað eru fleiri fólk enn vanligt sum lurta. Tað er stuttligari og festligari enn vanligar konsertir at spæla á G!, og so sær tað gott út á CV’inum hjá bólkum, sum ætla sær fram. Tí kunnu bólkar velja at spæla á G! orsakað av øðrum fyrimun- um, hóast teir ikki beinleið- is fáa pengar frá okkum. – Tað er kanska vert at viðmerkja, at tað er stór kapping um at sleppa at spæla á G!, og ein ávís prestiga knýtt at tí. Nógvir bólkar søkja um at sleppa at spæla, men pláss er tíverri ikki fyri teimum øllum. Tað er við øðrum orðum eftir- spurningur eftir bara at sleppa á skránna, uttan mun til tíð ella pall. So vit meta, at bólkarnir fáa okkurt burturúr, um ikki beinleiðis í pengum í fyrstu syftu, sigur Jón Tyril Flutningur Hví rinda tit ikki ferða- kostnaðin hjá bólkunum? – Vit hava ikki fingið áheitan um at rinda ferða- kostnaðin hjá bólkunum. Eg visti einki um trupul- leikar við flutningi áðrenn konsertirnar í vikuskiftin- um. Tí bleiv eg eitt sindur kløkkur, tá eg hoyrdi um hesar konsertirnar. Vanliga hava føroyskir bólkar klára ferðingina sjálvir. Men tá bólkar hava heitt á okkum, um at hjálpa til við flutn- ingi, hava vit vanliga gjørt tað. – Vit hava tí sett okkum í samband við onkran av bólkunum, sum vóru við á konsertini á Margarinfabr- ikkini og spurt, um vit kunnu hjálpa til onkurs- vegna við flutninginum, so at vit finna eina loysn. Og hesir trupulleikarnir eru als ikki so torførir at loysa, so hatta verður fiksað onkurs- vegna. Eingir bólkar skulu sita eftir í Havn, tí teir ikki hava fart til Gøtu. Plasering Fleiri av bólkunum, sum ikki fáa pening fáa somu- leiðis ringa plasering, bæði á palli og tíð, er hetta ikki at útnytta spælihugin hjá teimum ungu? – Eg haldi ikki, at nakar bólkur á G! hevur ringa plasering. Hvørki viðvíkj- andi palli ella tíð. Tað eru bara tríggir pallar, og allir hóska til hvør sítt endamál. Tað eru kend og vird nøvn á øllum pallunum og allar tíðir av degnum. Vit gera okkum eisini størsta ómak at leggja skránna so væl til rættis, sum gjørligt, soleið- is at bólkar spæla, har vit meta, at teir sjálvir og áhoyrarin fáa mest burtur- úr. – Tíverri kunnu ikki allir bólkarnir spæla á Sandin- um á midnátt leygarkvøld, tí allir rigga ikki til tað av ymsum orsøkum. Men vit royna, sum sagt, at plasera bólkarnar so væl sum til ber. Hvussu hava tit avgjørt hvør fær samsýning og hvør ikki fær? – Enn einaferð, allir fáa okkurt burturúr. Harnæst hava allir bólkarnir hvør sína avtalu við okkum. Tú kanst siga, at tað er ein samráðingarspurningur í hvørjum einstøkum føri. Vit hava ikki nakrar stand- ard prísir, sum vit bjóða bólkum. Í ein vissan mun ráða marknaðarkreftirnar. Vit halda okkum tó til nøkur prinsip, sum eg haldi eru umráðandi. – M.a. tað eg havi nevnt við at allir tónleikarar fáa ein gest við, sum eisini fær backstage-atgongd, og at tónleikararnir fáa eina máltíð og okkurt at drekka og annars so góðar og virði- ligar umstøður, vit yvirhøv- ur kunnu bjóða, sigur Jón Tyril at enda. Einasti gistingar- møguleikin, sum er eftir til Summar- festivalin, eru tjalding og nøkur fá pláss til húsvagnar. Umstøð- urnar rundan um tjaldøkið úti í Grøv eru munandi betri í ár enn í fjør SUMMARFESTIVALUR Tíðindaskriv Øll summarhúsini í norð- oyggjum, har tað er koyr- andi til Klaksvíkar, eru langt síðani bíløgd í sam- bandi við Summarfestival- in. Somuleiðis Ból og Biti. Sostatt er tjalding einasti gistingarmøguleiki, ið eftir er, vikuskiftið 5. til 7. aug- ust. Í fjør vóru umleið tríati tjøld á økinum úti í Grøv, og tá var lag á manni at tjalda í frálíka summar- veðrinum, sum tá var. Tá vóru bert wc-ið og brúsur til teirra, ið nýttu tjalding sum gistingarmøguleika, men í ár eru umstøðurnar munandi betraðar. Umframt wc og brúsu á økinum er eitt rúm, har fólk kunnu matgera sær sjálvum og eta inni. Har eru tvær ferðir tvær kókiplátur, køliskáp og borð, har fólk kunnu eta við – umframt allar aðrar hentleikar, ið eiga at vera í einum køki. 18 el-íbindingar til hús- vagnar eru til taks, og inni á sjálvum økinum er pláss fyri umleið tríati tjøldum – alt eftir hvussu stór tey eru. Hartil hevur Karl Heri Joensen, bóndi, latið eitt øki, sum liggur beint oman- fyri, til tjøld á Summar- festivalinum. Tað gevur so pláss fyri okkurt um fimti tjøldum afturat. Um veðrið ikki er til vild- ar at tjalda, so er ein summ- arsmátta eisini á tjaldøkin- um, har fólk kunnu kroka, um tað skuldi verðið neyð- ugt. Hetta er sjálvandi bert til tey, ið tjalda. Nógv tjaldpláss umbiðin Til Summarfestivalin í ár eru nú um fýrati tjaldpláss umbiðin, so tað sást ein vøkstur í hesum gistingar- háttinum. Sambært Norðoya Kunn- ingarstovu eru plássini til húsvagnar, sum krevja el við at ganga undan nú, men tað er nógv pláss eftir at seta vagnarnar. – Fólk hava verið heldur fyrr at bíleggja sær pláss á tjaldøkinum í ár í mun til í fjør. Tað var beinanvegin, tá tey størru nøvnini vórðu avdúkað, at fólk byrjaðu av álvara at ringja, sigur Christian Olsen, leiðari á Norðoya Kunningarstovu. Spældu fyri farti til G! Mong tjalda á Summarfestivalinum Fólk, ið ætla at tjalda á Summarfestivalinum, kunnu kenna seg trygg, tí vaktarhald verður á økinum undir øllum festivalinum