fríggjadagur 22. juli 2005síða 21

Nr. 138 - 22. juli 2005 21 hvat teir ynsktu sær. Jú, teir ynsktu sær okkurt heitt. Vit kókaðu teimum seyðarhøvd og epli, sum teir fingu, tá ið vit komu til teirra. Menn- inir vóru troyttir, men vístu seg annars at vera hampi- liga væl fyri – og báturin bar seg væl í sjónum. Vit bjóðaðu teimum sleip, men teir søgdu nei. Síðan fóru vit frá teimum – ikki við so góðum tannabiti. Hesin sami seksæringurin úr Suðuroy hevði tikið ein av bátsfeløgunum upp á Suðuroyarbankanum ávegis til Hetlands. Hesin siglir við Smaragd. Túrurin var lokin, og nú hevði maðurin hug at koma við til Hetlands. Men tað var ikki bara sum at siga tað at taka mann av skipi á opnum havi. Hetta eydnaðist og kvøldið, vit møttu honum í gongugøtuni, var hann ikki í iva um, at hann hevði tikið røttu avgerðina, tá ið hann hevði biðið suðuroyingar- nar taka seg upp á Suður- oyarbankanum. Í komandi parti um het- landsferðina venda vit nøsini heimaftur og fara at siga frá, hvussu heimferðin gekk. "innrásin": havnalagið í Lerwick Ein partur av føroysku "innrásini". Dirvi, áræði og ævintýrhugur er felagsnevnarin fyri hesa ferð Mynd: Jens Kr. Vang Tá ið siglarar hittast, spyr eingin eftir, hvør er prestur, lækni, løgfrøðingur, fiskimaður ella vanligur arbeiðsmaður. Øll eru í "sama" báti Mynd: Vilmund Jacobsen Vit høvdu føroyskt veðurlag á ferðini í Hetlandi. Viðhvørt regnaði, og viðhvørt skein sólin. Hetta er ein av teimum góðu løtunum Mynd: Vilmund Jacobsen Jóhanna setti eisini sín dám á føroysku "innrásina" í Hetlandi Mynd: Vilmund Jacobsen