fríggjadagur 19. august 2005síða 3

Nr. 156 - 19. august 2005 3 Hotel Hafnia eggjar aftur í ár fólki at trína alment fram á pall í teirri vælumtókti singer/songwriter kappingini,sum endar við finalu 5. november SANGKAPPING – Dugir tú at syngja? Har- umframt kanska at spæla gittar ella klaver? Hevur tú kanska gjørt nøkur løg? Tað er oftani tað fyrsta fetið út á tónleikapallin, sum er tað torførasta. Tað krevur sjálv- andi sítt at stilla seg fram fyri fólki og framføra løg- ini, tú einsamallur gjørdi onkra náttina, tá eingin hoyrdi. Fólk hava kanska leingi biðið teg um at royna teg alment, men tað hevur altíð borið til, at komið við onkrari umbering. Soleiðis siga tey á Hotel Hafnia, sum ógvuliga fegin eggja fólki at koma at spæla alment. Hotelið við Áarvegin hevur nevniliga aftur í ár gjørt av at skipa fyri teirri væl umtóktu singer/songwriter kapping- ini. Hetta er triðja árið, at kappingin verður hildin. Tey bæði undanfarnu árini hevur kappingin verið eyð- kend av, at bæði púra óroyndir og royndir tónleik- arar eru við. Og tað eru ikki altíð royndirnar, ið sigra. Væl virkandi gularót Singer/songwriter kapping- in hevur víst seg at vera ein ófør gularót til føroyskar tónleikarar. Eingin er eitt betri dømi um tað enn Kristleif Zachariasen. Púra ókendi kollfirðingurin trein fram í Hafnia Lounge á heysti 2003 sum ein out- sideari í einum undanumf- ari við nógvum góðum sangarum. Men frá fyrstu løtu av vistu øll í Hafnia Lounge, at her var talan um nakað heilt serligt. Hann sang og spældi seg í finaluna. Men kappingin í finaluni var hørð. Kortini eydnaðist tað Kristleif at vinna kapping- ina, og við nøkrum upp- tøkudøgum í skjáttuni byrj- aði hansara ferð fram á før- oyska tónleikapallinum. Sigast má, at tað higartil hevur gingið rættiliga væl hjá honum. Tað prógvar góða úrslitið á Prix Føroy- um ikki minst. Í fjør var tað tann meira royndi Rókur Jacobsen, ið vann kappingina. Hetta var fyrstu ferð, at hann stóð á palli einsamallur. Tað var eisini fyri at stuðla einum tílíkum tiltaki, at hann meldaði seg til kappingina, segði hann undan kapping- ina. Og væl hevur hilnast hjá honum á egnum veingj- um. Stendur tað til Hotel Hafnia, verður kappingin framvegis ein klekingar- kapping fyri talent í øllum aldursbólkum. Hafnia hev- ur valt at geva tónleikarum ein møguleika at spæla alment. At gera tað sum eina kapping økir bert um áhugan millum manna og eigur ikki at halda fólki burtur frá at melda seg. Trý undanumfør Eins og undanfarin ár verður kappingin skipað við trimum undanumførum og einari finalu. Undanum- førini verða trý fylgjandi leygarkvøld: 15., 22. og 29. oktober. Sjálv finalan verð- ur 5. november. Luttakararnir skulu spæla trý løg í part. Tvey teirra skulu vera á føroyskum, egin og nýggj, men tað triðja lagið gerst tú sjálvur av, hvat tað skal vera. Dóm- ararnir meta um dygdirnar hjá teimum einstøku luttak- arunum, og ein úr hvørjum undanumfari sleppur í sjálvan finaluna. Vinnarin av singer/song- writer 2005 sleppur at taka upp í einum dygdargóðum upptøkuhøli. Set teg í samband við Hotel Hafnia á tel. 313233 og melda teg til. Fá gjøgnum brotið á hotellinum Kristleif Zachariasen gjørdi gjørt tað. Ert tú næsti vinnarin, spyrja tey á Hotel Hafnia, sum nú fara at skipa fyri singer/songwriter kappingini