hósdagur 25. august 2005síða 19

Uppgávan er trupul, men vit spæla heilt avgjørt fyri møgu- leikanum, sigur lið- formaðurin hjá B36, nú liðið fyrireikar seg til týdningarmikla UEFA-Cup dystin UPPTAKT Jákup Mørk Við einum teprum 1-2 tapi í viðførinum hevur B36 enn møguleikan at vinna seg enn eitt umfar fram í UEFA-Cup kappingini í fótbólti. Hóskvøldið verður seinni dysturin millum liðini spældur, og tó at ein 1-0 sigur kanska ljóðar sum yvirkomulig uppgávu á pappírinum, so er eingin ivi um, at talan er um sera stóra uppgávu hjá B36. Nakað sum spælararnir eisini ásanna sjálvir. Nú liði fyrireikar seg til dystin, fingu vit orðið á Pól Thor- steinsson: - Vit spæla sjálvandi móti einum betri liði, og tí skulu vit vera varnir á vøllinum. Sammett við til dømis ÍBV, sum vit vunnu á á ólavsøku, so er FCM eitt nógv betri lið, so í útgangsstøðinum verða vit helst nóg so verju- kendir. - Men hinvegin, so skulu vit bara hava eitt mál, og tí fara vit sjálvandi eftir. Bara tað at vit hava møguleikan, er eisini betri enn hvat nakar hevði væntað ella vóna, og tá møguleikin er har, so fara vit sjálvandi eftir honum, staðfestir hann. Grava seg ikki niður Við einum verjukendum útgangsstøði meinar Pól tó ikki, at teir á nakran hátt fara at grava seg niður í verjupartinum. - Tað nyttar so einki. Gera vit tað, so tapa vit dystin. Útgangsstøðið verð- ur helst á leið tað sama, sum tað var í Danmark, har vit royna at vera væl skipaðir í verjupartinum, fyri síðani at taka kjansin, tá vit kunnu fáa hann fram- eftir. Ta ferðina eydnaðist tykkum at halda FCM frá nøkrum opnum møgu- leikum rættiliga leingi. Men teir skoraðu kortini tvær ferðir eftir deyðbólts- støður. Hava tit lagt dent á hetta í fyrireikingunum? - Ja. Vit hava vant slíkar støður í vikuni, so vónandi eru vit betri fyrireikaðir til tann partin. Og so skuldi tað eisini bøtt um støðuna í so máta, at Fróði Benja- minsen nú er tøkur aftur eftir leikbann. Hann er ein av allar bestu føroysku spælarunum í luftini, so tað verður heilt víst ein stór hjálp, at hann aftur er við. - Hartil, so kann tað verða ein fyrimunur hjá okkum, at Tórsvøllur ikki er so góður at spæla á. Teir spældu ikki serliga skjótt í fyrra dystinum, og kann vøllurin fáa teir at seta ferðina enn longur niður, so kann tað væl verða, at tað talar til okkara fyrimun, heldur Pól. Væntar dyggan stuðul Saman við Fróða Benja- minsen er Bergur Midjord nú tøkur aftur hjá B36. Teir høvdu báðir leikbann seinast, og hesa ferð er tað so Kenneth Jacobsen, sum er leikbannaður. Hartil stendur tað heilt víst, at Herbert í Lon ikki verður klárur til dystin, meðan tað er heldur ivasamt við Inga Højsted. Ingi var ikki við, tá B36 sunnudagin tapti fyri NSÍ, og tað er einki at ivast í, at hann er ein ógvuliga týðandi brikkur í spælinum, um B36 skal hava møguleika at standa seg. Ikki minst, tá hugsað verður um fyrra dystin í Herning, har Ingi snøgt sagt var besti maðurin á vøllinum. Og so er tað spurningurin um áskoðararnar. Hesir vóru nógvir í tali, tá ÍBV vitjaði ólavsøkuaftan, og hóast Pól ásannar, at talan neyvan verður um heilt so nógv fólk hesaferð, so bæði vónar og væntar hann, at talan verður um dyggan stuðul. - Á ólavsøku kendu vit veruliga, at vit vóru á heimavølli. Tí vóni eg, at talan aftur hesaferð verður um eina manssterka fjøld, sum kemur at stuðla okk- um. Og her haldi eg eisini, at felagið hevur handlað rætt, tá teir ikki hava skrúv- að atgongumerkjaprísin ov høgt upp, staðfestir Pól Thorsteinsson at enda. Stór Bridge- kapping Í eru tað 14 ár síðani at Bridgehúsið í Havn varð sett á stovn. Í hesum sambandinum skipar nevndin í Bridgehúsinum fyri einari stórari al- mennari parakapping leygardagin 27. august 2005. Kappingin byrjar kl 13.00 og verður hon skipað sum ein baromet- ur kapping, tað merkir, at øll spæla somu kort í sama umfarið og at gjørt verður upp eftir hvørt umfar. Tilmeldin verður á staðnum. Tað eru teir báðir Rói á Rógvu Joensen og Heðin Mouritsen, ið skipað fyri kappingini. -bs Svend Novrup havt skeið Síðst vikuskiftið var navnframi danin Svend Novrup í Føroyum og helt nøkur bridgeskeiðir. Tað var nevndin í Bridgehúsinum í Havn, ið hevði fingið Svend Novrup hendavegin. Skeiðini vóru serliga ætla teimum, ið hava spælt bridge eina tíð og sum fegin vilja koma víðari. Luttakarinir vóru sera vælnøgdir við skeið- ini og søgdu seg hava fingið nógv burturúr. Nevndin í Bridgehúsin- um í Havn fer at arbeiða móti at fáa Svend Nov- rup aftur til Føroyar at hava nøkur onnur skeið. Svend Novrup var sjálv- ur sera vølnøgdur við vitjanina. Hann fegnaðist um, hvussu seriøs og konsentrerað tey, ið lut- tóku vóru. Svend Novrup sigur seg fegnan vilja koma hendavegin aftur at hava nøkur skeið. Leygarkvøldið varð skipað fyri einari para- kapping. Fimm borð luttóku í kappingini. Nr. 1. Hannis Jacobsen - Heðin Mouritsen Nr. 2. Hans Jacob Petersen - Steinbjørn Zachariassen Nr. 3. Allan Dal- Christiansen - Robert Langaard -bs Bridgetúrur til Hetlands Bridgetúrurin til Het- lands, ið skuldi verða 22 til 24 september er fluttur eina viku fram, soleiðis, at farið verður av Havn- ini hósdagin 15. sep- tember ístaðin. Hetta tí, at Norrøna skal í dok áður lýsta túr. -bs Ghanesiskur landsliðsspælari til Horsens Felagið hjá Johan Byrial Hansen, AC Horsens, hevur nú styrkt um mið- vøllin í royndunum at vinna seg upp um niður- flytingarstrikuna í donsku SAS-liguni. Nýggjur maður er 31 ára gamli Charles Akon- nor úr Ghana, og hann er ikki hvør sum helst. Hann hevur 51 ferðir spælt á landsliðnum hjá Ghana, og á yrkisleið síni hevur hann í 13 ár spælt sum yrkisleikari í Týsk- landi. Her spældi hann seinast fyri Unterchach- ing, sum spælir í næst- bestu týsku røðini, men hann eisini spælt fyri Wolfsburg og Fortuna Köln í bestu røðini. Charles Akonnor verð- ur mettur sum ein fram- rættaður miðvallari, og vónin er so, at sterka vinstra bein hansara skal skjóta neyðugu málini, sum AC Horsens enn tykist sakna. Sáttmálin millum part- arnar hevur gildið hetta kappingarárið. -jm Verjustyrkur til FCM Komandi mótstøðuliðið hjá B36, FC Midtjylland, hevur eisini styrkt um liðið. Teir hava skriva sátt- mála við Nicola Gosev- ski, sum tvær ferður hevur spælt á vinstra bakkinum hjá make- donska landsliðnum. Gosevski verður tó ikki í hópinum, sum skal royna seg á Tórsvølli hóskvøldið. Hann er nevnliga komin til fe- lagið eftir evstamark hjá UEFA fyri skráseting av spælarum. -jm Nr. 160 • hósdagur • 25. august 2005 • 79. árgangur • www.sosialurin.fo B36-FC Midtjylland: B36 trýr upp á tað Hóast B36 var undir stórum trýsti í Herning, so eydnaðist teimum eisini at skapa fleiri álop. Her er tað Mikkjal Thomassen, sum brýtir ígjøgnum í síðuni Mynd: Høgni R. Øster