fríggjadagur 2. september 2005síða 18

18 Nr. 166 - 2. september 2005 Vanliga plaga bert tveir limir í landsliðsnevndini at vera við sum ferðaleiðarar, tá fótbóltslandsliðið spælir dystir uttanlands. Sum so eru ferðaleiðararnir ikki fleiri í tali hesaferð, men nevndin hjá FSF er eisini øll við á ferðini. Endamálið við hesum er fyrst og fremst, at nevndin á hendan hátt fær eitt serstakt høvi at ar- beiða nøkur mál ígjøgn- um. Sonevndir tema-dag- ar eru settir á skránna bæði hós- og fríggjadag- in, og á hesum fer nevnd- in at viðgera nøkur av meira prinsipiellur mál- unum hjá føroyskum fót- bólti, soleiðis at finnast kann fram til eina felags støðu í hesum. Ferðaleiðararnir, sum standa fyri landsliðnum á ferðini, eru annars Magn- us á Stongum og Jens Erik Magnussen. -mørk Øll nevndin er við Stutt eftir at flogfarið hjá Atlantic Airways hevði sett seg á vøllinum í Lille, var allur hópurin savnaður. Saman við heimligu spæl- arunum hevði Rógvi Jac- obsen, sum spælir í Ís- landi, ferðast við leigu- flogfarinum. Í Lille hittu teir so danskar og norskar útisetar, eins og Henrik Larsen eisini sjálvur stóð fyri hópinum. Seinasti spælarin, Claus Bech Jørg- ensen, skuldi leggjast aft- urat hópinum hóskvøldið, tí hann hevur ligið við búkilsku í vikuni, men verður kortini klárur. Í Fraklandi heldur lands- liðshópurin til á einum gomlum kleystri nakað uttanfyri Lille. Tann bólk- urin av áskoðarum, sum kom við flogfarinum mikudagin, heldur til inni í sjálvum Lille, meðan fjøl- miðlarnir búgva á einum hotelli, sum liggur í útjað- aranum av Lens, har dyst- urin verður spældur. Hósdagin skuldu enn fleiri áskoðarar koma við øðrum leiguflogfari, og fer tann bólkurin at búleikast í Paris hesar dagarnar. -mørk Hittust í Lille Tað er ikki frítt, at veðurlíkindini kunnu fáa sítt stóra orð at siga, tá landsliðið leygardagin skal royna seg móti franska risanum. Tá flogfarið hjá Atlantic Airways setti seg á flogvøllin við Lille, lág hitin oman fyri tey 30 stigini, og sum skilst, so hevur hetta verið støðan í eina tíð. Komandi dagarnar siga veðurmenninir tó, at tað verður skýggjað, so hóast veðrið framvegis er gott, so kann hópurin troysta seg við, at talan helst ikki verður um venjingar í bakandi sól. Hinvegin siga somu veðurmenn eisini, at tað verður klárt leygardagin, og tá kann hitin gerast øgiligur. Eisini hóast dysturin ikki verður spældur fyrr enn kl. 21 á kvøldi. Heilt so ringt, sum tað var í Sveis fyri einum ári síðani, verður tað tó neyvann, men fyri føroysku spælararnar hevur tað uttan iva nógv at siga, hvussu veðrið fer at skikka sær. Tað kann í øllum førum verða tungt at elta Zidane, Henry og aðrar í 90 minuttir, um talan samstundis er um tunga og heita luft. Fyrstu venjingarnar hjá landsliðshópinum vóru á skránni hósmorgunin, og verður uttan iva meira at frætta frá hesum í blaðnum í morgin. -mørk Tveir av nevndarlimunum - Karl Vidtfeldt og Bjarki Mohr - fáa sær eitt prát á flogvøllinum í Lille Mynd: Álvur Haraldsen Jógvan Martin Olsen og Jákup á Borg stytta sær um stundir, meðan bíðað verður á flogvøllinum í Vágum Mynd: Álvur Haraldsen Herðarklapp til teir gomlu Í ferðalagnum, sum miku- dagin ferðaðist til Frak- lands, vóru eisini nakrir av »gomlu dreingjunum« í FSF. Orsøkiin til hetta er fyrst of fremst, at Fótbóltssam- bandið við hesum vil sýna ein serligan heiður, tí hesir á hvør sín hátt hava átt sín stóra lut í teirri støðu, sum føroyskur fótbóltur í dag hevur vunnið seg fram til. Ein støða, sum millum ann- að ber við sær, at Føroyar nú leygardagin kunnu spæla móti eini so mætari fótbóltstjóð, sum Frakland nú er. Teir fýra, sum eru við í Fraklandi, eru Kristian Olsen og Dánjal Andrea- sen, sum báðir hava verið formenn í FSF. Børge B. Hansen, sum í 14 ár var næstformaður. Og Jákup Simonsen, sum var for- maður í landslisðnevndini fyrstu nógvu árini av tíðar- skeiðnum hjá føroyskum fótbólti á altjóða pallinum. Tað kann eisini nevnast, at av teimum fýra, vóru Kristian og Børge millum teirra, sum sótu í fyrstu nevndini hjá FSF. Hendan taldi - umframt teir báðar - eisini Markus Køtlum, Jógvan Eliassen og Sverra Trónd. Hartil kann til stutt- leikar nevnast, at táverandi forsetin í ÍSF eisini er við á ferðini, og er navnið á tí manninum Jógvan Arge. -mørk Hitin verður øgiligur Sum nakað óvanligt hevur FSF hesa ferð valt at geva eitt heraklapp til nakrar av teimum, sum gjøgnum árini hava lagt lunnar undir altjóða luttøkuna hjá føroyskum fótbólti Mynd: Álvur Haraldsen