fríggjadagur 9. september 2005síða 4

4 Nr. 171 - 9. september 2005 Við tiltøkum í Havn og á Sandi fer hetta kenda fótbóltsfelagið at hátíðarhalda 35 ára dagin JUBILEUM Snorri Brend Sandur: Hetta hátíðarhald- ið verður gjørt við tiltøkum bæði heima á Sandi og í Havnini. Endamálið er sjálvandi at savna inn pen- ing, men eisini fyri at vísa á, at hóast tey vóru fáment á Sandoynni fyri 35 árum síðani, so megnaðu tey kortini at savna seg saman um eitt fótbóltslið, sum fólk skjótt fingu virðing fyri. Í samband við dagin er serstakt B71-tiltak á torg- inum í SMS, har mangt og hvat er á skránni. Millum tey mongu til- tøkini á torginum er ein framsýning av gomlum myndum, eins og høvið verður at síggja gamlar video-upptøkur. Leygardagin verður eis- ini eitt serstakt høvi at ogna sær okkurt listarverkið. Tá verður nevniliga eitt upp- boð, sum tingmaðurin Tor- bjørn Jacobsen fer at skipa fyri. Heima á Sandi skal hesin dagurin eisini markerast, og seinnapartin í morgin verður ein forvitnisligur dystur leiktur millum tað liðið sum gjørdist FM- vinnari í 1989 og 2. deild- arliðið, sum nú roynir sítt ítarsta at koma upp aftur í bestu mansdeildina. Tað ljóðar kanska eitt sindur øvugt, at eitt felag sum í navninum sigur seg hava 34 ár á baki, kann há- tíðarhalda 35 ára dagin. Veruleikin er tann, at felagið varð stovnað 1. januar 1970 og æt tá snøgt sagt Sand. Men tá Megin- skúlin á Sandi kom varð alt virksemið líkasum savnað á hesum staði, og tí fekk felagið árið eftir sítt núver- andi navn B71, sum eisini liggur væl á tunguni. Týsdagin var ikki nógv fiskaarbeiði hjá Sandoy Seafood á Sandi. Bert 12 fólk vóru til arbeiðis, men onkutíð eru tey munandi fleiri – heili 40 í tali FISKIVINNA Snorri Brend Myndir: Jens Kr. Vang Sandur: Tað er sera friðar- ligt á havnalagnum henda morgunin. Nakrir menn standa og práta, og frammanfyri virk- ið liggur ein einstakur út- róðrarbátur. Ein maður er júst farin í land hagani, men einki sæst kortini til nakran fisk. Aðrastaðni í havnalag- num eru fleiri tóm báta- pláss, helst tí at menn eru farnir eftir havhestaungum. Inni á virkinum hjá Sand- oy Seafood hoyrist ikki eitt ljóð. Her eru so ongar maskinur í gongd, men hurðin er opin innar á virk- ið. Her inni síggjast nøkur fólk vera til arbeiðis henda morgunin. Eini 12 í tali, teirra millum formaðurin, Harry Hentze. - Hetta er ikki tað mesta av arbeiðsfólki. Vit kunnu onkutíð verða heilt upp ímóti teimum 40, sigur hann. Bjóða uppá fiskin Týsmorgunin í hesi vikuni vóru tey 12 fólkini á virk- inum í ferð við at flekja smáan upsa. Hetta var fiskur, tey høvdu fingið frá Colum- busi, Nornagesti og Eystur- búgvanum, sum allir høvdu lagt veiðuna upp her seinast í farnu viku. - Í løtuni er ikki tað nógva arbeiðið. Vit arbeiða henda dagin aftrat og so út á fyrrapartin í morgin. Tá man hetta verða liðugt, sig- ur hann. Teir bjóða uppá fiskin umvegis uppboðssøluna eins og onnur virki. Men fáa eisini fisk frá útróðrar- bátum. - Um vit hava nakran møguleika mótvegis øðrum virkjum?! Jú, tað hevur gingið higartil. - Og tað rokni eg bara við, at tað kemur at gera eisini í framtíðini, sigur Harry Hentze. Tons vanta Sandoy Seafood stendur nú yvir fyri nýggjum avbjóð- ingum, nú tveir av stuðlum teirra – trolararnir Columb- us og Nornagestur – eru seldir av oynni. Sambært upplýsingum, sum áður hava verið frammi, so landaðu teir í fjør eini 3.500 tons til virkið á Sandi. - Tað kemur sjálvandi at merkjast her, um vit ikki fáa fatur á hesum tonsunum aðrastaðni frá, sigur Harry. Sjálvur veit hann ikki um nakrar ætlanir at útvega aðrar bátar til bygdina. - Men vit koma so bara at bjóða uppá hvønn einasta stert, eisini í tíðini fram- yvir, sigur hann. Bjóða framvegis upp á hvønn einasta stert 35 ár við B71 Týsdagin arbeiddu tey smáan upsa á Sandi. Henda dagin vóru tey bert 12 til arbeiðis Sandoy Seafood hevur fingið nógvan fisk frá tveimum av trolarunum, sum nú eru farnir av bygdini. Nú mugu tey mest dúva uppá uppboðssølu og útróðrarfisk