fríggjadagur 9. september 2005síða 21

Nr. 171 - 9. september 2005 21 Harafturat styrktu stórar europeiskar fótbóltstjóðir sum eitt nú Holland, Frak- land, Portugal og Italia sær mikukvøld- ið um møguleikan at vera uppi í, tá ið tað næsta summar fer at verða telvað um HM í Týsklandi HM UNDANKAPPINGIN Jóannes Hansen Nú hava flestu fótbóltstjóðir- nar bara tveir dystr eftir í hesi HM undankappingini. Og nú gerst tað alt meiri greitt, hvørj- ir luttakararnir fara at vera, tá ið endaspælið í Týsklandi verður í juni næsta summar. Higartil er tað greitt, hvørjir tíggju av teimum 32 luttakarun- um fara at vera. Týskland er sjálvskrivaður luttakari, tí teir fara at hýsa leikunum. Úr Eur- opa hevði Ukreina longu leyg- ardagin tryggjað sær fyrsta at- gongumerkið nakrantíð til lut- tøku í endaspæli. Í Suðuramer- ika, har øll londini spæla á heimavølli og útivølli móti hvørjum øðrum, hava Argent- ina og Brasilia tryggjað sær pláss í endaspælinum. Ecuador og Paraguay eru eisini væl fyri, meðan fyrrverandi heimsmeist- ararnir Uruguay eru í tættari kapping við Kolombia og Kili um fimta plássið, sum ber kval- ifikatiónsdystir móti Australia við sær. Hósnáttina tryggjaði Meksi- ko sær við 5-0 sigri á Panama sær pláss í endaspælinum sum umboð úr bólkinum, sum fevnir um Norðuramerika, Miðamerika og Karibia. USA hevur frammanundan tryggjað sær rætt til luttøku úr sama undankappingarbólkinum, og Costa Rica liggur væl fyri í kappingini um triðja plássið úr hesum partinum av heiminum. Iran hevur tryggjað sær luttøku í HM endaspælinum úr asiatiska bólkinum, og tað hava Suðurkorea og Japan, sum hýstu endaspælinum í 2002, eisini gjørt. Í teimum átta europeisku undankappingar bólkunum vóru nógvir dystir mikukvøld- ið. Úrslitini hjá Hollandi, Fraklandi, Portugal og Italia og úrslitini hjá næstu kapping- arneytunum hjá hesum fýra stóru europeisku fótbóltstjóð- unum vóru soleiðis, at tað nú skal laga seg meiri enn illa, um hesar tjóðirnar ikki fara at telj- ast millum tær 32 í Týsklandi næsta summar. Bólkur 1 Holland gjørdi sítt, tá ið teir vunnu 4-0 á heimavølli móti Andorra. Kekkia gjørdi eisini sítt, tá ið teir vunnu 4-1 á heimavølli móti Armenia, sum er aftast í bólkinum. Holland er fýra stig undan Kekkia. Tað ber við sær, at Holland fer at vinna bólkin, um teir í síðsta umfarinum megna at fáa fult á heimavølli móti Makedonia, sum Finnland mikukvøldið vann 5-1 á heimavølli móti. Um Holland vinnur heimadystin móti Makedonia, so er ikki neyðugt hjá teimum at fáa nakra úrtøku, tá ið teir 8. oktober skulu spæla í Kekkia. Kekkia hevur so mikið nógv stig á næstfremsta plássinum, at tað er góður møguleiki fyri, at teir fara at tryggja sær bein- leiðis luttøku, tí teir verða besti tveyarin. Umframt á heimavølli móti Hollandi skal Kekkia spæla í Finnlandi. Bólkur 2 Danir liva framvegis í vónini um, at tað skal eydnast at vera við, tá ið tað næsta summar fer at ganga fyri seg sunnanfyri markið. Men vegurin gjørdist mikudagin uppaftur knortlut- ari. Danski venjarin, Morten Olsen, hevði undan mikudegn- um róð fram undir, at Ukreina, sum longu leygardagin tryggj- aði sær pláss í endaspælinum, ikki fór at taka uppgávuna á heimavølli móti Turkalandi í nóg stórum álvara. Ukreina hevði ikki tapt í tíggju teimum fyrstu dystunum, men móti Turkalandi taptu teir 1-0! Harvið verður tað Turka- land, sum fer at vinna næst- fremsta plássið og harvið rættin til kvalifikatiónsdystir, um teir á útivølli ikki missa stig móti Albania. Grikkaland og Danmark gjørdu mikudagin sítt fyri framvegis at hava møguleika at taka plássið frá Turkalandi. Griksku europameistararnir vóru kroystir í Kasakstan, sum framvegis einki stig hevur fingið. Heimaliðið var á odda 1-0, inntil tað bara restaði eitt lítið korter. So javnaði Grikka- land, og í yvirtíðini skoraðu teir sigursmálið. Í Danmark iðra teir seg um, at teir fyrr í kappingini bara megnaðu 2-2 á útivølli móti Georgia. Mikukvøldið vann Danmark í Parkini 6-1 á Ge- orgia, sum í 20. minutti misti ein mann. Danir spældu mót- støðuliðið av vøllinum, og mál- ini vóru hvørt betri enn annað. Søren Larsen var á vøllinum í ein hálvan tíma. Hann skoraði tvær ferðir við høvdinum, og nú hevur hann í fimm dystum, sum hann bara hevur spælt brotpartar av, skorað seks mál. Tað er neyðugt at leita aftur til navnframa Ole Madsen fyri at finna makan til avrik. Bólkur 3 Portugal megnaði málleysan javnleik í Moskva móti harð- astu kappingarneytunum til fremsta plássið. Harvið er støðan tann, at Portugal skal vinna trý stig tilsaman í heimadystinum móti Liktin- stein 8. oktober og í útidystin- um móti Letlandi 12. oktober. Liktinstein hevur í hesi kappingini staðið seg betri, enn teir nakrantíð hava gjørt áður. Teir vunnu mikukvøldið 3-0 á heimavølli móti Luksemborg, sum hevur staðið seg uppaftur verri enn Føroyar, men eingin roknar við, at Liktinstein verð- ur ført fyri at spenna bein fyri Portugal. Slovakia kappast við Russ- land um næstfremsta plássið. Fyri Russland var málleysi javnleikurin móti Portugal eitt slag av uppreisn. Tá ið liðini síðst hittust í undankapping, vann Portugal 7-1! Slovakia spældi 1-1 í Letlandi, og í síðsta umfarinum 12. oktober, tá ið Slovakia fer at fáa vitjan av Russlandi fer at verða gjørt av, hvat av hesum báðum lond- unum skal luttaka í kvalifika- tiónsumfarinum. Bólkur 4 Heldur ikki á heimavølli móti Ísrael eydnaðist tað Føroyum at fáa stig. Harvið er tað greitt, at einki heimastig varð vunnið í hesi undankappingini. Ísrael hevur møguleika fyri at tryggja sær enn eitt kvalifika- tiónsumfar (undan EM taptu teir stórt móti Danmark í kvalifikatiónsumfari). Treytin hjá teimum er, at teir 8. okto- ber vinna móti Føroyum, og so skulu fleiri onnur roknistykki ganga upp. Thierry Henry hevur ikki so nógv verið at sæð til, tá ið Jón Rói Jacobsen og Óli Johanne- sen hava verið mótstøðumenn- inir. Mikukvøldið vísti franski Arsenal spælarin, at tað fram- vegis eru mál í honum. Frak- land vann fyri fyrstu ferð í meiri enn eina hálva øld í Dub- lin. Teir vunnu 1-0, og Henry skoraði einsamalla málið. Fransmenn hava sagt, at nú eru allir dystirnir hjá teimum at rokna sum finalur. Nú eru teir saman við Sveis, sum vann 3-1 á Kypros, á odda í bólkinum, og 8. oktober hittast grannarnir í avgerandi uppgerðini, sum verður í Sveis. Fýra dagar seinni skal Frakland spæla á heimavølli móti Kypros, meðan Sveis skal til Írlands. Írland er framvegis við í kappingini. Treytin hjá teimum er, at teir skulu vinna á Kypros 8. oktober og á heimavølli móti Sveis 12. oktober. So fer tað kanka at bera til. Ísraelski venjarin var miku- kvøldið ógvuliga áhugaður í at frætta, hvussu tað gekk á Kyp- ros, har støðan leingi var 1-1. Bólkur 5 Italia syrgdi við 4-1 sigri í Hvítarusslandi fyri, at teir so at siga hava tryggjað sær pláss í endaspælinum. Teir eru und- an tveimum teimum síðstu umførunum fimm stig framm- anfyri Slovenia, sum við 2-1 sigri í Moldova legði seg upp á síðuna av Noregi í kappingini um næstfremsta plássið. Fyri Noreg var tað ógvuliga stórt vónbrot, at teir á heima- vølli taptu 2-1 móti Skotlandi, sum nú hevur teoretiskan møguleika at koma afturíaftur, men sum í veruleikanum bara hevur æruna at spæla fyri. Italia kann endaliga tryggj- að sær bólkasigurin, tá ið teir 8. oktober fara at taka ímóti Slovenia. Sama dag skal Nor- eg spæla á heimavølli móti Moldova, og 12. oktober sær skráin soleiðis út: Italia-Mold- ova, Hvítarussland-Noreg og Slovenia-Skotland. Bólkur 6 Sessurin undir svenska Sven- Göran Ericsson gjørdist miku- kvøldið uppaftur heitari. Ong- land tapti fyri fyrstu ferð síðani 1927 á útivølli móti Norður- írlandi. Tjóðirnar hava dystast 98 ferðir, og hetta var sjeynda ferðin, at Norðurírland vann. Hetta var fyrsta undankapping- artapið hjá Onglandi, síðani svenskarin í 2001 fekk ábyrgd- ina av liðnum. Nú verður hann í eingilsku pressuni ákærdur fyri at hava gjørt skilaleysar út- skiftingar. Tað er fyrst og fremst svenska venjaranum og ikki eingilsku spælarunum, at tað er galið við - heldur eingi- lska pressan! Pólland vann 1-0 á heima- vølli móti Wales. Harvið eru teir fimm stig frammanfyri Ongland, sum tó hevur spælt ein dyst færri. Eysturríki megnaði bara 0-0 í Aserba- djan. Harvið tryggjaði Ong- land sær í minsta lagið næst- fremsta plássið. Um teir skulu vinna bólkin, so skulu teir vinna heimadystirnar móti Eysturríki og Póllandi ávika- víst 8. og 12. oktober. Pólland hevur fleiri ferðir áður spælt Onglandi puss í undankappingum, og tað kann meiri enn so vera, at pólverjar enn eina ferð fara at taka bólkasigurin frá Onglandi. Svenski venjarin harmast um tapið í Belfast, men hann ætlar sær ikki úr heita sessinum, og hann sigur seg vera sinnaðan saman við spælarunum at gera alt, sum skal til, fyri at vinna rættin at luttaka í Týsklandi næsta summar. Tá ið HM endaspælið í 1974 var í Vesturtýsklandi, taldist Ongland ikki millum teir sekstan luttakararnar. Pólland hevði tikið møguleikan frá teimum! Bólkur 7 Real Madrid og Barcelona teljast millum stinnastu fel- øgini í Europa. Í landsliðshøpi hevur tað ongantíð gingið framúr hjá ikki so lítið sund- Tíggju hava tryggjað sær atgongumerkini Framhald á síðu 22