hósdagur 15. september 2005síða 19

Fimm tær bestu fløgurnar í mínum fløgusavni 3 Ein góð fløga skal flyta meg kensluliga, hon skal svinga og vera væl spæld, og so skal tón- leikurin vera góður. Tónleika- stílurin er ikki týdningarmikil sigur Jónas Bloch Danielsen Niels Uni Dam nielsuni@sosialurin.fo Jónas Bloch Danielsen hevur seinastu árini ferðast kring allan heim, sum ljóðmaður hjá Teiti. Gerandis- dagurin er fyltur við tónleiki, bæði á kon- sertunum og í bilinum á teimum ofta longu bil- túrunum, tí stórur partur av fløgusavni- num er við á hansara Ipod. Jónas hevur livað av at fáast við tónleik í síðan fyrst í 90’unum. Hann hevur útbúgving sum ljóðtøkningur úr Avstralia, og hevur arbeitt úti og heima í útvarpi, sjónvarpi, sum upptøkutøkningur, ljóðblandari av fløg- um, og hevur gjørt ljóð á nógvum hundra kon- sertum. Hann er uttan samanbering Føroya mest royndi ljóðmaður. Føroya best dámdi bólkur í løtuni 200, hevur kosið Jónas tann fjóra limin í bólki- num. Hann hevur tikið báðar fløgurnar hjá bólkinum upp, og ger ljóð hjá teimum, tá teir spæla konsertir. Spælir gittar Men Jónas er eisini gittarleikari, sein- astu 8 árini hevur hann spælt gittar í MC-Hár, og var eisini eitt mundið gittarleikari á barrum í Havn, tá hann og Eyðun Ásason fyltu støð sum Manhattan, Mimir og Cleopatra vikuskifti eftir viku- skifti. Fjølbroytt fløgusavn Planet.fo hevur biðið Jónas um at valt fimm tær bestu fløgurnar burtur úr teimum nógvu hundra, ið hann hevur á hyllunum í íbúðini á Oyrasundskollegiinum. Fløgusavnið er sera fjølbroytt, við flest øllum tónleikastílum umboðaðum. Ein góð fløga skal flyta meg kensluliga, hon skal svinga og vera væl spæld, og so skal tón- leikurin vera góður. Tónleikastílurin ikki týdningarmikil, sigur Jónas, mær dámar so ótrúliga nógv ymiskt. Nøvn sum Led Zeppe- lin, Grant Green, Bjørk, The Clash, Pink Floyd, Neil Young, Griffin House, Teitur og AC DC eru uppi og venda, áðrenn hann velur júst tær fimm, ið hann metir eru tær all- ar bestu. Sonic Youth - nurse Hetta er ein fløga, sum eg havi lurtað ótrú- liga nógv eftir í bilinum, meðan eg havi koyrt runt við Teiti. Sonic Youth er ein gamal bólk- ur, sum rokkar uppá tann harða og stuttliga mátan, og bólkurin gerst bara betur við árunum. Sonic Youth var uttan iva besta innslag á Roskilde Festivalinum í ár. Eg keypti fløguna, meðan eg var í USA. Eg hevði hoyrt um Sonic Youth í nógv ár, men hevði ongantíð sett meg inn í tónleikin. So keypti eg eina fløgu og varð blástur um koll. Coleman Hawkins encounters Ben Webster Hetta er ivaleyst besta fløga í mínum savni. Eg keypti hana fyri umleið fimtan árum síðan. Eg hoyrdi hana hjá mammu- beiggja mínum og fór beint at keypa hana. Hetta er vælsvingandi jassur, við nøkrum av heimsins bestu tónleikarum. Har eru umframt Hawkins og Webster, Oscar Peterson, Alvin Stoller, Herb Ellis og Ray Brown. Fløgan ljóðar ordiliga væl. Serliga væl saman við konufólki. Á fløguhúsanum stendur "An excellent com- parison between Hawkins and Webster - perhaps the best ever recorded" og eg eri púra samd- ur. Hetta eru tveir gamlir jassguðar sum hittast Beach Boys - Pet sounds Pet sounds er nokk ein tann besta fløgan, sum nakr- antíð er gjørd. Bæði reint musi- kalskt og við instrumenteringini er hon heilt fyri seg. Hon liggur sum grund undir nógvum av tí, sum vit lurta eftir í dag. Mær hevur altíð dámt væl the Beatles, og eg síggi Beach Boys, sum eitt náttúrligt stig har frá, tað er í sama flokki. Eg keypti fløguna stutt eftir, at eg var fluttur niður. Vinmaðurin hjá mær Bøkkurin vísti mær hana. Johnny Cash - American IV: The man comes around Hetta er ein fløga í røðuni American Recordings, sum Rick Rubin hevur framleitt. Johnny Cash tolkar løg hjá bólkum, sum Depeche Mode, Sting, Nine Inch Nails og øðrum. Røðin kom út stutt aftan á, at Cash var deyður. Johnny Cash er ein av kulastu songrøddunum og tónleikarum í okkara tíð. Fløgan er framleidd so einfalt, at røddin berur fløguna, sjálvandi stuðlað av framúrskarandi tónleikarum. Hon hevur ein gjøgnumførdan stíl og stemning, sum man ofta saknar hjá nýggjari bólkum. 200 - Viva la Republica SJÁLVANDI! Tann viktigasta før- oyska fløgan nakrantíð.