týsdagur 4. oktober 2005síða 13

Nr. 188 - 4. oktober 2005 13 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Fríggjadagin 30. september skipaði Fuglafjarðar Skúli fyri samkomu í samband við at Kristin Poulsen segði lærarastarvinum farvæl. Umframt allar lærarar og starvsfólk skúlans, vóru umboð fyri býráðið og skúlastýrið møtt. Mong rósandi orð vórðu søgd um Kristin, samsundis sum gávur og blómutyssir vórðu handaði honum. Kristin Poulsen er føddur 11. septembur 1942 í Fuglafirði, sonur Richard Poulsen og Fransisku fødd Eliasen, bæði úr Fuglafirði. Stutt eftir at Kristin varð farin úr fólkaskúlanum, fekk hann arbeiði í Piddasahandli. Har hann koyrdi vøru út til fólk, ikki við bili, men á súkklu, ið var gjørd til endamálið. Kristin fekk tann stóra heiðurin at verða kallaður býdrongurin hjá Pidda. Í 1958 hendi stórbroyting á skúlaøkinum í Fuglafirði. Framhaldsskúli, tá kallaður preliminerskúli, varð stovn- settur. Kristin var í tí næst- fyrsta holdinum, og tók preliminerprógv í 1962. Haðani fór hann á Føroys Læraraskúla og tók prógv í 1967. Hann byrjaðu sítt lærara- yrki á Glyvrum og Søldar- firði. Í 1971 fór hann til Fuglafjarðar at vera lærari, og har hevur hann verið síðani. Kristin hevði stóran áhuga fyri føroyskum, og í 1970 - 1971 var hann á ársskeiði á Fróðskaparsetri Føroya í føroyskum. Somu- leiðis hevur hann tikið lut í øðrum styttri skeiðum, sum høvdu við byrjunarundir- vísing at gera og skeiðum í týskum. Kristin var ein nærlagdur lærari, álítandi og næming- ar hansara fingu altíð væl burturúr. Somuleiðis var hann ein góður samstarvs- felagi, ið lærararnir í Fugla- fjarðar Skúla fara at sakna. Av øðrum Kristin hevur tikist við skal verða nevnt, at hann sat í líkningar- nevndini í 8 ár og í kirkju- ráðnum í 4 ár sum skrivari og kassameistari. Kristin hevði stóran áhuga fyri ítrótti, og spældi hann í mong ár í bestu fót- bóltsdeildini hjá ÍF. Somu- leiðis var hann ein virkin limur í badmintonfelagn- um, og tók lut í kappingum. Kristin er giftur við Dinnu, ið er ættað úr Leirvík, og eiga tey børnini Rúnu, Hallu og Fróða. Kristin hevur nógv áhugamál, so hann fær ongar trupulleikar av at fáa tíðina at ganga. Hann hevur stóran ans fyri náttúruni, og tí sum í henni livir, og mangan hevur hann verið hollur í ráðum og vegleiðingum, tá ið ivamál hava staðist um staðarnøvn, plantunøvn, fuglanøvn o.a.Lesihugurin hevur altíð verið stórur, og nú verða lesistundirnar betri, nú eingin skúli er at hugsa um, skúlin, ið Kristin altíð raðfesti høgt og nýtti sína orku til. Kristin Poulsen fer úr lærarastavinum Arndal Mouritsen úr Sørvági andaðist í heiminum leygar- dagin, 76 ára gamal. Jarðarferðin verður úr Kedron mikudag- in klokkan 13.00. Tey, sum vilja minnast Arndahl kunnu lata Samkom- uni Kedron eina gávu. Jón Sámalson, Akureyri, ættaður av Rætt á Toftum, andaðist 28. septem- ber, 81 ára gamal. Jarðarferðin verður 10. oktober kl. 13.30 úr Akureyrar kirkju. Andlát og jarðarferðir Hesir byrjaðu telegrafist- skúlan hjá Fisher Heinesen 4. oktober 1965 og fingu prógv í 1967 Aftast frá vinstru. Niclas Danielsen, Leirvík, Petur Dahl Nolsøe, Vágur, Maison Mellem- gaard, Klaksvík, Ebbe Bær- entsen, Skopun (doyði í Trinidad 14/4-1983, 40 ár), Finn Salberg Olsen, Vágur, Odmar Joensen, Vest- manna, Petur Gardar, Klaksvík, og Mogens Højsted, Svínáir. Lærarar: Julius Poulsen, Kiss Linklett, Fisher Heinesen, Erik Danielsen. Afturat hesum tóku Martin Djurhuus, Sumba, og Jaspur Hjelm, Vágur, prógv í Danmark nakað aftaná. Myndaeigari: Petur D. Nolsøe Týsdagin 4. oktober verður Finn Olsen, Vágur, 60 ár. Finn starvaðist sum fjar- ritari í Grønlandi ú umleið 15 ár og hevur síðani starv- ast hjá Strandferðsluni. Finn er giftur við Bjørg Olsen av Tvøroyri og eiga tey 3 børn og 5 abbabørn. Frásøgukynstri hevur Finn sum fáur. Hevði hann nú fingið stundir, hevði eg lisið bókina »Frá St. Nord til Prins Chrstianssund« minst tvær ferðir. Heilsan Vinur Fjarritarar frá 1967 Finn Salberg Olsen 60 ár i