mikudagur 12. oktober 2005síða 2

2 Nr. 194 - 12. oktober 2005 Fríggjakvøldið 21. oktober verður dansur við kekkisku Country Sisters á Hotel Føroyum DANSUR Tær hava verið í Føroyum tvær ferðir áður, og hava tær hugtikið nógvar før- oyskar áhoyrarar við sínari sermerktu framførðslu við sangi, spæli og dansi. Country Sisters hava eisini spælt til dans á Hotel Føroyum fyrr, hetta var í 2003, og var hetta eitt sera væleydnað kvøld. Tær gleða seg til hesa Føroyaferðina og vita eis- ini, at nú eru nógvir fjepp- arar, sum tær gleða seg at síggja aftur. Sum sagt koma Country Sisters úr tí vakra landin- um, sum liggur mitt í hjart- anum av Europa - Kekkia. Fyri 20 árum síðani byrj- aði ein bólkur av entusiast- iskum gentum tann fyrsta gentubólkin í Europa, sum bert spældi country tónleik. Í 1989 komu tær veruliga á tann europeiska pallin. Síðani tá eru nøkur ár gingin, og bólkurin hevur ment seg til, at vera ein av teimum bestu country bólk- unum í Europa. Tær vitja nógv lond um allan heimin og hava eisini fanklubbar í nógvum londum. Á okkara leiðum eru tær oftast í Danmark, men eisini Ísland, Grønland og Norra hava verið karmur um teirra framførslur. Bólkurin er samansettur av seks vøkrum og sera dugnaligum tónleikarum. Tær eita Susan, Sonia, Lenka, Linda, Lucy og Wendy. Tær hava allar útbúgving innan tónleik og dans, tær spæla upp á fleiri ymisk ljóðføri, syngja og dansa einastandandi. Country Sisters spæla ymiskan klassiskan countrytónleik, gospel, rock’n roll og modernaðan country stíl- cajun, blue- grass. Tær framføra teirra egna tónleik og mong onn- ur kend country løg, sum t.d. løg hjá Shanaiu Twain, Bob Tyler, Ricky Skaggs, H.Williams, Bill Haley,etc. Við tí tráðleysu mikrofon- útgerðini og hvítt lakeraðu ljóðførunum, leggja tær upp til eina ógloymandi framførslu. Bólkurin var kosin at vera besti Country bólkur við live framførslu 2003 í Europa. Í 2004 kom teirra nýggja fløga, og er tað fløga nr. 8 í røðini. Hon hevur heitið – The Best Of. Saman við fløguni fylgir ein dvd, har teirra fjepparar kunnu síggja, hvussu bólkurin hevur ment seg frá byrjan- ini. Genturnar sum nú eru við í bólkinum, hava trý ára á baki. Og ein teirra hevur so spælt við líka frá byrjan- ini. Nógv fólk spyrja, um tær veruliga eru systrar? Men tað eru tær ikki. Tað er bara eitt kunstnaranavn. Fløgan The Best of og aðrar eldri fløgur verða til keyps á dansistaðnum. Í samband við dansin bjóðar Glasstovan serliga matskrá hetta kvøldið við Country búffi. Tilber at lesa meira um hetta á www.hotelforoyar.fo Eisini ber til at bíleggja sær borð á heimasíðuni ella á tel. 317500. Dansurin fríggjakvøldið 21. oktober á Hotel Føroy- um byrjar kl. 23.30. At- gongumerkini til dansin kosta kr. 180,00 og fáast til keyps á Kunningarstovuni í Havn, Kunningarstovuni í Runavík og á Hotel Føroy- um. Country Sisters á Hotel Føroyum Starvsfólk til Agenda 21 Stovuna Starv hjá Føroya Kommunufelag er leyst at søkja til setan skjótast gjørligt. Starvið verður sett í samband við eina játtan frá Innlendismálaráðinum til umhvørvis- og náttúruverndartiltøk. Uppgávur Starvið bjóðar uppá spennandi avbjóðingar har tú fært høvi til at skapa tínar egnu karmar á nýggjum øki og soleiðis vera við til at ávirka arbeiðsgongdina í Agenda 21 í Føroyum. Førleikakrøv Fyri at røkja starvið er neyðugt at tú ert ágrýtin, kanst arbeiða sjálvstøðugt men eisini hevur góð samstarvsevni og kann vera íbirtari fyri onnur. Neyðugt er at duga føroyskt, skandinaviskt og enskt og hava hollan kunnleika til Office forritini. Setanarviðurskifti Starvið er um fulltíðarsett starv. Roknast má við, at til tíðir verður neyðugt at arbeiða uttanfyri vanliga arbeiðstíð. Løn samb. avtalu. Nærri upplýsingar um starvið fáast við at venda sær til skrivstovu FKF á tel.: 590 764. Sí eisini www.fkf.fo. Umsóknarfreist er 24. oktober 2005. Umsóknir verða at senda til: Føroya Kommunufelag P.o.Box 73 600 Saltangará Agenda 21 kann í stuttum lýsast sum heildarætlan um burðardygga menning í 21. øldini. Ætlanin er ikki einans um umhvørvismál í vanligum týdningi, men er eisini ætlað at taka atlit til fíggjar- og felagsligar tættir. TÍÐINDASKRIV Mikukvøldið verður høvi á Toftum at frætta meiri um Christmas Child tiltakið, sum snýr seg um at senda jólagávur úr Føroyum og til børn kring heimin. Kunn- ingin verður í Nebo á Toft- um klokkan sjey miku- kvøldið. Christmas Child er tiltak í sambandi við Samaritan`s Purse, sum seinastu 25 árini hevur glett meiri enn 38 milliónir børn við at geva teimum eina skógva- eskju við gávum. Tað er Franklin Graham, sum stjórnar vælgerandi felagsskapinum. Hann er sonur navnframa Billy Gra- ham. Í fjør vórðu meiri enn 7,4 milliónir skógvaeskjur sendar neyðstøddum børn- um í 95 londum. Í sam- starvi við kirkjur, samkom- ur og vælgerandi felags- skapir á staðnum verða skógvaeskjurnar bornar børnum á sjúkrahúsum, barnaheimum, í flóttaleg- um, býlum fyri heimleys og í fátækrabýlingum. Í fjør vóru 1760 skógva- eskjur fyltar við gávum sendar úr Føroyum og til børn í Rumenia. Fyrireikar- arnir vóna, at tað skal bera til undan jólum í ár at senda 3000 skógvaeskjur við jólagávum úr Føroyum. Hvussu tað ber til at gerast partur av tiltakinum, og hvat tað ber til at geva, fæst nærri at vita um í Nebo á Toftum klokkan sjey miku- kvøldið. Jólagávur til illa stødd børn 2000 seld eintøk av Lívsins Land innan fyri ein mánað ger fløguna til skjótast seljandi útgávuna hjá Evangelisku Røddini, og nú næsta upplag er komið til landið, liggur fløgan aftur ovast á sølulistanum, sum 3’arin kunn- gjørdi mánadagin TÓNLEIKUR Niels Uni Dam nielsuni@sosialurin.fo Fløgan Lívsins land við Ólavi á Váli hevur endur- tikið toppin á sølulistanum hjá 3’aranum. Fløgan lá í tríggjar vikur ovast á sølu- listanum, áðrenn hon varð útseld. Hetta merkti, at Now 13 og savnsfløgan hjá Kularrótum sluppu at lána fyrsta plássið í tvær vikur. Men nú er eitt nýtt upplag komið. Útgevarin Evangeliska Røddin sigur, at fyrstu 2000 eintøkini vórðu seld innan fyri ein mánaða, og tí gjørdist eitt stutt tíðarskeið, har ongar fløgur vóru, men nú skuldu allir handlar havt fløguna aftur. Petur Søren- sen úr Evangelisku røddini sigur, at hetta er best eydn- aða útgávan hjá forlagnum, og tað gleðist hann um. Now 13 er dottin niður á triðja pláss, og Kularrøtur á fjórða, nýggj inni á øðrum plássi er Highest Hopes fløgan og dvd’in hjá Night- wish. Umframt Lívsins Land og Kularrøtur er einasta føroyska fløgan á listanum Førist hjá Páll Finnur Páll. Hon er hesa vikuna dottin heilt niður á 10. pláss. Alt hjá Kim Hansen, sum hevur verið trúgv í top 5, síðan hon kom út í summar, er dottin av listanum hesa vikuna. Sambært 3'aranum er hetta ikki tí, at sølan av fløgum hjá Kim er mun- andi minkað seinastu vik- una, men heldur eitt úrslit av, at fleiri nýggjar fløgur eru komnar á marknaðin, og nógva sølan av teimum, hevur skumpað Kim av list- anum. Fløgan við Kim sel- ur øgiliga støðugt. Lívsins Land aftur mest selda fløga