leygardagur 22. oktober 2005síða 23

– til tess at kunna forða fyri og minka um oljudálking eitt nú í sambandi við komandi oljuboring sigur stjórin í OSR, Pauli Einarsson TILBÚGVING Jan Müller jan@sosialurin.fo – Eg seti mítt álit til, at landsstýrið í komandi fíggj- arlóg fer at seta pengar av til at fáa Føroyum eina munadygga tilbúgving móti oljudálking á havin- um. Hetta sigur stjórin í OSR, Oil Spill Response, Pauli Einarsson. Fyritøkan, sum er góð 5 ára gomul, sá dagsins ljós í kjalarvørrin- um á fyrireikingunum til oljuleiting á føroyska land- grunninum. Hon var eitt náttúrligt lið í hesi fyrireik- ing og varð miðjað ímóti at útvega útgerð til at kunna forða fyri og minka um oljudálking frá boripallum og skipum á víðum havi og inni við land. Pauli Einars- son, sum sjálvur hevur siglt við seismikkskipum í olju- vinnu í útlondum og sum eisini hevur verið knýttur at oljufeløgum, sum eru kom- in til Føroya at leita eftir olju, fekk tíðliga áhuga fyri spurninginum um tilbúgv- ing og dálking. - Á mongu vitjanum mínum, skeiðum og ferðum í útlandinum gjørdist eg varugur við, hvussu týdningarmikil nett- upp tilbúgvingin er fyri eitt land, sum av álvara fer und- ir at búgva seg út til olju- leiting og seinni fram- leiðslu. Eg gjørdist sann- førdur um, at vit sjálvi máttu taka stig til at fáa nakað upp at standa, tí ann- ars fóru allar uppgávurnar bara til útlendingar, av landinum. Tað hevur so ikki verið meiningin við at menna eina føroyska olju- vinnu og egnan førleika á ymsu økjunum. OSR varð stovnað við tí fyri eygað at hava eina til- búgving móti oljudálking bæði úti til havs og inni móti landi. Fyritøkan út- vegaði sær útgerð og menti egnan førleika við at lut- taka á skeiðum. Samstarv varð tikið upp við so frægar fyritøkur sum Brigg í Bret- landi og MMB í Noregi. OSR hevur síðani fingið nógvar uppgávur og hevur havt útgerð úti á feltinum og á landi. Eisini hava fólk á landi fingið venjing. Fyri- tøkan hevur so eisini sett upp útgerð kring landið. Somuleiðis vóru boð eftir OSR at rudda upp í Spania eftir eina herviliga olju- dálking har. Pauli Einarsson sigur, at arbeitt hevur verið við at menna fyritøkuna og fólk- ini, soleiðis at tey í dag eru við at vera klár til eina ISO 9000 góðkenning. Tey hava so eisini tikið instruktør- skeið í Bretlandi saman við kendu fyritøkuni BMT Cordah, soleiðis at OSR fólkini eisini eru góðkend- ir instruktørar. OSR hevur fingið fyrispurningar at koma út í onnur lond at arbeiða eisini. ì løtuni eru trý fólk hjá fyritøkuni. Um- framt at vera við til minka um dálking á firðum og sundum serliga, hava OSR fólkini eisini hildið skeið fyri fólki hjá V&B. Í dag standa tey so og bíða eftir at fáa nýggjar sáttmálar. Ongin lands- tilbúgving - Vit eru so eisini spent, um tað almenna megnar at fáa eina landstilbúgving upp at standa í Føroyum, har vit so kunnu vera ein partur. Hóast arbeitt hevur verið við hesum leingi, so hava vit framvegis onga lands- tilbúgving sigur Pauli Ein- arsson. OSR arbeiðir bæði við tilbúgving í sambandi við oljuleiting fyri eygað og so verður eisini arbeitt inni á firðunum, har tað hava ver- ið fleiri dálkingarvanlukk- ur. Har hava fólkini og út- gerðin hjá OSR munað væl. Talan er um ymisk sløg av óhappum so sum yvirbunk- ring, skip renna á land ella olja ella onnur evni eru runnin av virkjum á landi og út á sjógv. Uppgávan er at forða fyri, at slík dálking ger seg ov nógv inn á umhvørvið. Best er at vera fyrivarðin, men har ólukkan er hend ræður um at hava atgongd til røttu útgerðina og koma á staðið skjótast. Í dag hevur OSR útgerð liggjandi eitt nú á Tvøroyri og í Runavík. Sløkkiliðini á staðnum kunnu so brúka hesa útgerðina. - Høvdu vit eina felags tilbúgving fyri allar Føroy- ar, har sløkkiliðini arbeiddu saman, so kundi OSR sam- skipað hetta við útgerð og við at hjálpa til við upp- venjing av fólki. Pauli Einarsson vísir á, at vit í Føroyum fyrr hava dúvað uppá fremmandar instruktørar úr Noregi og Skotlandi. Hetta er ikki neyðugt í dag, tí OSR kann taka sær av hesum uppgáv- um. - Er tað ikki júst ætlan- in og endamálið við menn- ingini av eini oljuvinnu, at vit føroyingar sjálvir skulu fáa okkum førleika til at kunna átaka okkum upp- gávur her heima spyr stjór- in í OSR. Bíða – Nú verður so bíðað eftir, at pengar verða settir av á fíggjarlógini og at komm- unurnar koma aftur inn í myndina. Tað er ábyrgdin hjá Fiskimálaráðnum at fáa gongd á. Ongir pengar vórðu tó til tilbúgvingina á verandi fíggjarlóg. Teir vóru spardir burt. So tað sær ikki út til at myndug- leikarnir taka tilbúgving móti dálking serliga alvor- ligt. Vit kunnu bara vóna, at politikararnir veruliga meina tað, tá teir tosa um eitt reint umhvørvi. Stjórin í OSR er rættiliga avgjørdur, tá vit spyrja hann, hvussu nógvan skund hetta hevur: -Tað er sera týdniningarmikið at hava eina tilbúgving uppá pláss innan ársskiftið, tí boringin eftir olju byrjar longu næsta ár. Nú vita vit ikki, hvørjar avtalur okkara myndugleik- ar hava gjørt við oljufeløg- ini, um tey hava loyvi til at biðja onnur feløg uttan fyri Føroyar taka sær av til- búgvingini. Tað vildi tó verið bæði skeivt og óskilj- andi, nú vit sjálvi hava bygt upp henda førleika og gjørt íløgur á økinum. Men er einki ynski um at hava okkara egnu tilbúgving, so noyðast feløgini at fara aðrastaðni eftir henni. Pauli Einarsson vónar, at landsstýrið og eisini løg- tingið taka hetta málið í allar størsta álvara, tvs. seta pengar av á komandi fíggj- arlóg og seta sær sum mál, at vit føroyingar sjálvir skulu taka okkum fullu ábyrgdina av tilbúgvingini móti oljudálking. Hann nevnir í hesum sambandi, at til ber at leggja hetta skilagott tilrættis eitt nú við í eini sonevndari poolskip- an, har allir hava somu út- gerð og har hon verður betri samskipað og bíligari. Har tú ikki nýtist at eksperi- mentera. Men har allir kunnu hjálpa hvørjum øðr- um. Føroyum tørvar tilbúgving móti dálking á havinum OSR á Tvøroyri hevur fingið sær bæði útgerð og førleika at taka sær av oljudálking.