fríggjadagur 28. oktober 2005síða 14

14 Nr. 206 - 28. oktober 2005 Felagið, Kokkar í Før- oyum, er stovnað. Limir í felagnum eru kokkar og smyrji- breyðsjomfrýr. Tey hava ætlanir um at skipa fyri kappingum í Føroyum – og eisini at taka lut í heims- meistarakapping, har heimsins bestu kokk- ar verða kosnir. Næsta HM-kappingin fyri kokkar verður væntandi í Íslandi, og tá fær føroyska fe- lagið væntandi eitt umboð við í dóms- nevndina KOKKAFELAG Vilmund Jacobsen vilmund@sosialurin.fo Seinasta leygardag fingu føroyskir kokkar og smyrji- breyðsjomfrýr sítt egna áhuga felag. Á stovnandi fundi, sum varð hildin á Hotel Hafnia, vóru eini 16-18 føroyskir kokkar og smyrjibreyðs- jomfrýr savnað. Í sambandi við stovnandi fundin, vóru 10 fólk, átta menn og tvær kvinnur úr NKF, sum stendur fyri Nordisk Køks- sjef Forening, í Føroyum og løgdu lag á. Uni Gullfoss, sum er kokkur á Hotel Hafnia og stigtakari til felagið, sigur, at NKF er eitt áhugafelag, sum eitt nú skipar fyri kappingum og víðari út- búgvingum í Evropu fyri kokkar og smyrjibreyðs- jomfrýr. - Vit hava fingið avrit av reglugerðunum hjá feløg- unum í okkara grannalond- um og fara nú at snikka okkara egnu reglugerð saman – eina reglugerð, sum hóskar til okkara við- urskifti. Uni sigur, at tá ið før- oyska felagið er vorðið skipað við reglugerð, verð- ur søkt um limaskap í NKF, og hesin limaskapur bíðar bert eftir, at tey hava fingið hesi viðurskifti upp á pláss. - Eg vænti, at tað fer at taka okkum einar tveir mánaðir, til vit eru limir í norðurlendska áhugafelag- num, sigur hann. HM-kapping Eitt stórt tiltak fyri kokkar og smyrjibreyðsjomfrýr er heimsmeistarakappingin, sum verður fyriskipað fyri kokkar. Hetta er ein árlig kapping, sum fyrst í hesum árinum varð hildin í Frak- landi – og ætlandi verður hildin í Íslandi næstu ferð. Uni sigur, at Frakland hevur leingi verið leiðandi land, tá ið ræður um mat- gerð og matlist, sum hann rópar tað, men seinnu árini hava onnur lond í Evropu rættiliga vunnið seg fram. - Ein tílík heimsmeistara- kapping fyri kokkar verður skipað soleiðis, at 5 fólk eru á hvørjum liði, ið um- boðar hvørt landið, sum er við í kappingini. Hóast onnur lond í Evropu hava vunnið seg fram, vunnu kokkarnir úr Fraklandi HM-kappingina aftur hesaferð. - Men teir hava tó ikki vunnið hvørja ferð, leggur Uni aftrat. Hann sigur, at tá ið HM- kapping aftur verður mill- um kokkar, væntar hann, at eitt umboð úr nýggja felag- num, Kokkar í Føroyum, verður við í dómsnevndini, men fyri ta tíð noyðist eitt slíkt umboð at hava tikið eina ávísa útbúgving sum dómari á økinum. - Eg haldi, at henda kapp- ingin verður í Íslandi til várs, sigur hann. Um føroyskir kokkar fara at taka lut í komandi heims- meistarakappingini, dugir Uni ikki at siga, tí felagið er so nýtt – og hevur enn ikki fingið eina reglugerð at virka eftir. Føroyskar vørur Uni Gullfoss sigur, at eitt av endamálunum hjá før- oysku kokkunum og smyrjibreyðsjomfrúnum í nýggja felagnum verður at fáa føroyskar fiska-og skeljavørur meira fram í Evropu. - Vit fáa sum nevnt sjálv- støðugan limaskap í Nord- isk Køkssjef Forening, og her ætla vit okkum eisini at gera okkum galdandi sum land, eins og vit ætla við hvørt høvi at fáa føroyskar vørur, serliga fiskavørur og skeljavørur, meira kendar úti í heimi. Hann vísir á, at londini, sum eru limir í NKF, eru Danmark, Svøríki, Noregi, Finland og Ísland – og síðan kemur Føroyar sum sætta landið. - Vit eru í minsta lagi 30 útbúnir kokkar og smyrji- breyðsjomfrýr í Føroyum, og vit ætla okkum eisini at skipa fyri kappingum her heima, sigur Uni Gullfoss at enda. Kristin formaður Formaður í felagnum, Kokkar í Føroyum, er leir- víkingurin, Kristin Jacob- sen, sum starvast hjá Før- oya Tele. Hinir í nevndini eru; Uni Gullfoss, sum starvast hjá Hotel Hafnia, Gundur Fonsdal úr Vestmanna, sum starvast hjá Hotel Føroyum, Leif Sørensen, sum er kokkur og rekur Gourmet og Petur Petersen, sum starvast hjá Føroya Bjór. Kokkar í Føroyum: Vilja gera føroyskar fiska-og skeljavørur kendar úti í heimi Føroyskir kokkar og smyrjibreyðsjomfrýr høvdu norðurlendska vitjan, tá ið felagið, Kokkar í Føroyum, varð stovnað. Stundir vóru eisini at fara út um ein túr Lagið var gott, og tey hugnaðu sær saman Nú hava føroyskir kokkar og smyrjibreyðsjomfrýr eisini fingið sítt egna felag