mánadagur 31. oktober 2005síða 2

2 Nr. 208 - 31. oktober 2005 Eitt ferðsluóhapp í Vágatunnlinum sunnunáttina kundi havt nógv størri avleiðingar, um ein ung kvinna ikki sat í trygdarbelti. ÓHAPP Terji Nielsen terji@sosialurin.fo Óhappið hendi beint eftir klokkan eitt sunnunáttina, tá ið ein ung kvinna á veg vestur í Vágar, sovnaði við róðrið og rendi inn í tunn- ilsveggin. Kundi verið verri Tíbetur fyri ungu kvinnuna sat hon í trygdarbelti, og tað hevur uttan iva verið orsøkin til, at kvinnan slapp so mikið væl frá óhappin- um. Bilurin, sum unga kvinn- an var einsamøll í, gjørdist ivaleyst vrak av saman- stoytinum við tunnilsvegg- in, men unga kvinnan slapp snikkaleys frá óhappinum, hóast hon sjálvsagt gjørdist ógvuliga skelkað. Sýslumaðurin í Vágum, Regin Jespersen, sigur, at hevði unga kvinnan ikki sitið í trygarbelti, hevði hon ivaleyst fingið stóran skaða. Hann heldur tí, at óhappið sunnunáttina er eitt gott dømi um, hvussu stóran týdning tað hevur at sita íbundin. Trygdarbeltið bjargaði ungari kvinnu Klokkan sjey í dag fer nýggi Smyril í rutu- sigling. Fyrsti túrur hjá snotuliga Suður- oyarskipinum verður av Havnini klokkan sjey í kvøld, og hann verður væntandi á Krambatanga um hálvgum níggjutíðina SMYRIL Terji Nielsen terji@sosialurin.fo Nú er ein góð vika síðani, at nýggi Smyril kom til landið, og føroyingar flest hava havt høvi at sæð stási- liga skipið. Lítið er at ivast í, at serliga suðuroyingar í spenningi hava glett seg til dagin í dag, tí nú ber til hjá teimum at vita, hvussu skipið roynist í sjónum. Tann gamli takkar fyri seg Samstundis sum at nýggi Smyril fer í regluliga sigl- ing, takkar gamli Smyril fyri seg. Smyril 1, sum hann nú eitur, hevur verið í føroyska flotanum síðani 1975, so hann má sigast at hava tænt fyri seg eftir 30 ára trúgva tænastu. Seinasti túrurin hjá Smyril 1 verður av Drelnesi klokkan hálv- gum fýra í dag, og ivaleyst fara nógvir suðuroyingar at siga honum farvæl. Nýggi Smyril hevur um vikuskiftið verið bæði í Eysturoynni og í Norð- oyggjum, so nú hava før- oyingar flest havt høvi at síggja hetta nýggja og stásiliga far. Í sambandi við at nýggi Smyril fer fyrsta túrin, fer rullandi redaktiónin hjá Sosialinum við, og stór frásøgn verður frá túrinum í komandi blað. Nýggi Smyril fyrsta túrin Norrøna, nýggi Smyril og Smyril 1 við bryggju í Havn í morgun. Mynd: Árni C. Joensen Ein ungur drongur gjørdist leygarnáttina so ónøgdur um, at hann ikki slapp inn á eitt dansistað í Havn, at hann skallaði ein rút uttan fyri dansistaðið. Drongurin, sum er 17 ára gamal, bleiv noktaður at- gongd til dansistaðið, tí at hann var ov ungur. Hetta hóvaði ikki unga drongin- um, og hann gjørdi tí ikki mætari enn at skalla ein rút uttan fyri dansistaðið. Rút- urin brotnaði, og tilburð- urin bleiv meldaður til løg- regluna. Drongurin fekk ongan skaða av at skalla rútin. tn Skallaði rút